Archives: News

യുവ എഴുത്തുകാരി അശ്വതി എ. എസ് രചിച്ച Soulful Soliloquies ഇംഗ്ലീഷ് കവിതാസമാഹാരം എഴുത്തുകാരൻ ശ്രീ സുരേഷ് തെക്കീട്ടിൽ പ്രകാശനം ചെയ്തു.

തൃശൂർ സാഹിത്യ അക്കാദമി ചങ്ങമ്പുഴ ഹാളിൽ തുളസീദളം പത്രാധിപർ ശ്രീ ഗോപൻ പഴുവിൽ അദ്ധ്യക്ഷത വഹിച്ച യോഗം പ്രശസ്ത സാഹിത്യകാരൻ ശ്രീ പി എൻ വിജയൻ ഉദ്ഘാടനം ചെയ്തു.  ശ്രീ ടി പി ഭരതൻ (റിട്ട. പ്രിൻസിപ്പൽ, പെഴുന്തറ എച്ച് എം എൽ പി സ്കൂൾ) സ്വാഗതം പറഞ്ഞു. മാള കാർമ്മൽ കോളേജ് അസിസ്റ്റന്റ് പ്രൊഫസർ ശ്രീമതി കീർത്തി സോഫിയ പൊന്നച്ചൻ പുസ്തകം ഏറ്റുവാങ്ങി.

ശ്രീ മനു മങ്ങാട്ട് (അസിസ്റ്റന്റ് പ്രൊഫസർ, കവി, കൗൺസിലർ) പുസ്തക പരിചയം നടത്തി.

ശ്രീമതി എ. പി സരസ്വതി (തുളസീദളം ചീഫ് എഡിറ്റർ), ശ്രീമതി ജയ നാരായണൻ പിഷാരടി (റിട്ട പ്രിൻസിപ്പൽ, ഒയാസിസ് ഇന്റർനാഷണൽ സ്കൂൾ, അൽ ഐൻ, യു. എ. ഇ), ശ്രീ ഹരികൃഷ്ണ പിഷാരടി (പിഷാരടി സമാജം പ്രസിഡന്റ്), ശ്രീ സി. പി അച്യുതൻ( തുളസീദളം മുൻ മാനേജർ, പിഷാരടി സമാജം മുൻ ജനറൽ സെക്രട്ടറി), ശ്രീ രവികുമാർ (സംഗീത സംവിധായകൻ), ശ്രീ കെ. പി ബാലകൃഷ്ണ പിഷാരടി (പിഷാരടി സമാജം മുൻ പ്രസിഡന്റ്, ജനറൽ സെക്രട്ടറി, രക്ഷാധികാരി), ശ്രീ രാജ് മോഹൻ എന്നിവർ ആശംസകൾ നേർന്നു.

ശ്രീമതി എ. എസ് അശ്വതി മറുപടി പ്രസംഗം നടത്തി. പ്രശസ്ത എഴുത്തുകാരനും ഇടം ഒൺലൈൻ മാസികയുടെ പത്രാധിപരുമായ ശ്രീ അരവിന്ദാക്ഷൻ പി. എസ് നന്ദി പറഞ്ഞു.

പിഷാരോടി സമാജത്തിന്റെയും അനുബന്ധ വിഭാഗങ്ങളായ പിഷാരോടി എഡ്യൂക്കേഷണൽ ആൻഡ് വെൽഫെയർ സൊസൈറ്റിയുടെയും, പിഷാരോടി പിൽഗ്രിമേജ് ആൻഡ് ടൂറിസം ഡെവലപ്മെൻറ് ട്രസ്റ്റിൻറെയും ആഭിമുഖ്യത്തിൽ വിദ്യാർത്ഥികൾക്കായി ഗുരുവായൂരിൽ വച്ചു സംഘടിപ്പിക്കുന്ന ദ്വിദിന കൂട്ടായ്മയുടെ ഉദ്‌ഘാടനം 29-12-23നു രാവിലെ 10 AMനു പിഷാരോടി സമാജം പ്രസിഡണ്ട് ശ്രീ ആർ ഹരികൃഷ്ണ പിഷാരോടിയും , മുൻ പ്രസിഡണ്ടുമാരായ ശ്രീ . കെ പി ബാലകൃഷ്ണൻ , ശ്രീ. വി പി ബാലകൃഷ്ണൻ , ശ്രീ എ. രാമചന്ദ്ര പിഷാരോടി , സമാജം ജനറൽ സെക്രട്ടറി ശ്രീ. കെ പി ഗോപകുമാർ , മുൻ ജനറൽ സെക്രട്ടറി ശ്രീ. കെ പി ഹരികൃഷ്ണൻ , PE & WS സെക്രട്ടറി ഡോ . പി .ബി രാംകുമാർ , PP & TDT സെക്രട്ടറി ശ്രീ . കെ പി രവി എന്നിവരും ചേർന്ന് നിർവ്വഹിച്ചു.

കുമാരിമാർ ഗായത്രി, ദേവിക എന്നിവർ ഈശ്വര പ്രാർത്ഥന ചൊല്ലി. പിഷാരോടി സമാജം പ്രസിഡണ്ട് ശ്രീ ആർ ഹരികൃഷ്ണ പിഷാരോടി ഉദ്‌ഘാടന പ്രസംഗവും, മുൻ പ്രസിഡണ്ട്മാരായ ശ്രീ കെ പി ബാലകൃഷ്ണൻ, ശ്രീ വി പി ബാലകൃഷ്ണൻ , ശ്രീ എ. രാമചന്ദ്ര പിഷാരോടി എന്നിവർ ആശംസ പ്രസംഗവും നടത്തി.

തുടർന്ന് പിഷാരോടി സമാജം പിന്നിട്ട നാൾ വഴികളിലൂടെ എന്ന വിഷയത്തിൽ ശ്രീ കെ. പി ഹരികൃഷ്ണൻ സംസാരിച്ചു. സിനിമയുടെ ലോകം എന്ന വിഷയത്തിൽ ശ്രീ .രാജൻ സിത്താര മോഡറേറ്റർ ആയി. സിനിമയുടെ എല്ലാ മേഖലകളെകുറിച്ചും അദ്ദേഹം സംസാരിച്ചു. പ്രശസ്ത സംവിധായകൻ ശ്രീ മാധവ് രാംദാസ്, ഓഡിയോഗ്രാഫർ ശ്രീ. ഹരി ആലത്തൂർ , അഭിനേത്രി ശ്രീമതി ശ്രീലക്ഷ്മി , എഡിറ്റർ ശ്രീ . ജയകൃഷ്ണൻ എന്നിവർ സിനിമ സംവിധാനം , ശബ്ദ ക്രമീകരണം , അഭിനയം, എഡിറ്റിംഗ് എന്നിവയെക്കുറിച്ചും സംസാരിച്ചു.
‘
പരീക്ഷാപ്പേടി എങ്ങിനെ ലഘൂകരിക്കാം? എന്ന വിഷയത്തിൽ ഡോ.മനോജ് കുമാർ, ശ്രീമതി മിനി മന്മഥൻ എന്നിവർ സംസാരിച്ചു.

“സുന്ദര മനോഹര മനോജ്ഞ കേരളം”- ചരിത്രവും, കവിതകളും: ശ്രീ ഗോപൻ പഴുവിൽ, ശ്രീ സുരേഷ് ബാബു വിളയിൽ, ശ്രീ വേണു വീട്ടിക്കുന്ന് എന്നിവർ ചേർന്ന് അവതരിപ്പിച്ചു.

പിഷാരോടിമാരുടെ ഉദ്ഭവം എന്ന വിഷയം ഡോ . സതി രാമചന്ദ്രൻ വിശദമായി അവതരിപ്പിച്ചു. തുടർന്ന് അമ്മമാർ സംസാരിക്കുന്നു എന്ന വിഷയത്തിൽ ശ്രീമതി എ. പി സരസ്വതി, അഡ്വ. ലീല നാരായണൻ, എന്നിവരും പങ്കെടുക്കുന്ന കുട്ടികളുടെ അമ്മമാരെ പ്രതിനിധീകരിച്ചു മൂന്ന് അമ്മമാരും പങ്കെടുത്തു. ശ്രീ സുരേഷ് ബാബു വിളയിൽ രചിച്ച ഭാഗവതയാനം എന്ന പുസ്‌തകത്തിന്റെ പ്രകാശനം സമാജം പ്രസിഡണ്ട് ശ്രീ ആർ . ഹരികൃഷ്ണ പിഷാരോടി ശ്രീമതി എ പി സരസ്വതി ടീച്ചർക്ക് നൽകി നിർവ്വഹിച്ചു. തുടർന്ന് ഹിന്ദുസ്ഥാനി സംഗീതം: ശ്രീ എ. രാമചന്ദ്രൻ, കർണ്ണാടക സംഗീതം : അഡ്വ. എസ് .എം ഉണ്ണിക്കൃഷ്ണൻ , ശ്രീമതി അരുന്ധതി കൃഷ്ണ എന്നിവർ ചേർന്ന് അവതരിപ്പിച്ചു.

ശ്രീ . കൃഷ്ണകുമാറിന്റെ നേതൃത്വത്തിൽ കുട്ടികൾ ചേർന്ന് വിവിധ കലാപരിപാടികൾ അവതരിപ്പിച്ചു. രാത്രി 9 മണിക്ക് ഒന്നാം ദിവസത്തെ പരിപാടികൾ അവസാനിച്ചു.

രണ്ടാം ദിവസത്തെ പരിപാടി പിഷാരോടിമാരുടെ ആചാരങ്ങൾ എന്ന വിഷയത്തിൽ ശ്രീ . കെ .പി ഹരികൃഷ്ണൻ സംസാരിച്ചു. സാമ്പത്തിക അച്ചടക്കം എന്ന വിഷയത്തിൽ ശ്രീ. മുരളീധരൻ കെ. പി, ശ്രീമതി മീര മുകുന്ദൻ എന്നിവരും സംസാരിച്ചു. സാമൂഹിക ജീവിതത്തിൽ പാലിക്കേണ്ട അച്ചടക്കം : നിയമത്തിന്റെ കണ്ണിലൂടെ എന്ന വിഷയത്തിൽ റിട്ട . ജസ്റ്റിസ്. ശ്രീ .നാരായണ പിഷാരോടി സംസാരിച്ചു.

നേതൃഗുണങ്ങളെക്കുറിച്ചു ശ്രീ. ഋഷികേശ് പിഷാരോടിയും , യുവജനങ്ങൾക്ക്‌ വേണ്ട അഭിരുചികളെക്കുറിച്ചു ശ്രീമതി. ജയ നാരായണൻ പിഷാരോടിയും ക്‌ളാസ്സുകൾ നയിച്ചു. കലോപാസന ശ്രീ കെ.പി മുരളി, ശ്രീ കലാനിലയം അനിൽകുമാർ, ശ്രീമതി സൗമ്യ ബാലഗോപാൽ, ഹരിത മണികണ്ഠൻ എന്നിവർ ചേർന്ന്‌ അവതരിപ്പിച്ചു.

വിവിധ വിഷയങ്ങൾ അവതരിപ്പിക്കുവാൻ എത്തിച്ചേർന്നവർക്ക് സമാജം വകയായി മെമെന്റോയും നൽകി. ഡോ .പി .ബി രാംകുമാറിന്റെ കൃതജ്ഞതയോടെ ജ്യോതിർഗമയ 23 സമാപിച്ചു.

Pl click on the link below to view photos of the event.

https://samajamphotogallery.blogspot.com/2023/12/2023_30.html

തുളസീദളം സാഹിത്യ പുരസ്‌കാരങ്ങൾ പ്രഖ്യാപിക്കുന്നു

പ്രിയപ്പെട്ടവരേ,

സാമുദായിക പ്രവർത്തനങ്ങളോടൊപ്പം തന്നെ സമൂഹത്തിലെ സർഗ്ഗാത്മകവും ബൗദ്ധീകവുമായ പ്രതിഭകളെ ആദരിക്കുക എന്ന നമ്മുടെ മുഖ്യ പദ്ധതിയുടെ ഭാഗമായി കേരളത്തിലെ പ്രശസ്തരായ എഴുത്തുകാരുടെ സാഹിത്യ സംഭാവനകളെ മുൻ നിർത്തി അവരിൽ നിന്നും തെരഞ്ഞെടുത്ത പ്രതിഭയ്ക്ക് 25000 രൂപയുടെ സാമ്പത്തിക പുരസ്കാരം നൽകുന്നു.

അതോടൊപ്പം തുളസീദളത്തിൽ ഇക്കഴിഞ്ഞ വർഷം പ്രസിദ്ധീകരിച്ച പിഷാരടി എഴുത്തുകാരുടെ സൃഷ്ടികളിൽ നിന്നും തെരഞ്ഞെടുത്ത രചനയെ ആസ്പദമാക്കി 5000 രൂപയുടെ സാമ്പത്തിക പുരസ്‌ക്കാരവും അവരിൽത്തന്നെ 18 വയസ്സിൽ താഴെയുള്ളവരുടെ രചനകളിൽ നിന്നും തിരഞ്ഞെടുക്കുന്ന രചനക്ക് 3000 രൂപയുടെ പുരസ്‌ക്കാരവും നൽകുന്നു.

സാമ്പത്തിക പുരസ്‌കാരങ്ങൾക്കൊപ്പം ആദര പത്രവും ഫലകവും നൽകുന്നതാണ്.

പുരസ്‌ക്കാരങ്ങൾ ഗദ്യ, പദ്യ വിഭാഗങ്ങളിൽ നിന്നും പൊതുവായി തെരഞ്ഞെടുത്താണ് നൽകുന്നത്. വെവ്വേറെ നൽകുന്നില്ല.

എല്ലാവരുടെയും സഹകരണങ്ങൾ അഭ്യർത്ഥിക്കുന്നു.

ജനറൽ സെക്രട്ടറി

കെ.പി ഗോപകുമാർ

മാനേജർ, തുളസീദളം