Archives: Sakha Reports

ശാഖയുടെ ഡിസംബർ മാസത്തെ യോഗം 18-12-22 ഞായറാഴ്ച ഉച്ച തിരിഞ്ഞ് 3.30PMനു മേക്കാട് ശ്രീമതി വിദ്യയുടെ ശ്രീഭദ്ര നൃത്ത കലാലയത്തിൽ വെച്ച് പ്രസിഡണ്ട് ശ്രീ K. വേണുഗോപാലിന്റെ അധ്യക്ഷതയിൽ കുമാരി അശ്വതി ദീപേഷിന്റെ ഈശ്വര പ്രാർത്ഥന, ശ്രീമതി തങ്കമണി വേണുഗോപാൽ, ശ്രീമതി ലത ഹരി എന്നിവരുടെ നാരായണീയ പാരായണം എന്നിവയോടെ ആരംഭിച്ചു.

ശ്രീമതി വിദ്യ ഭദ്രദീപം കൊളുത്തുകയും സന്നിഹിതരായ എല്ലാ സ്വജനങ്ങളെയും യോഗത്തിലേക്കു സ്വാഗതം ചെയ്യുകയും ചെയ്തു. കഴിഞ്ഞ ഒരു മാസത്തിനിടക്ക് നമ്മെ വിട്ടു പിരിഞ്ഞ സ്വജനങ്ങളുടെയും മറ്റും പേരിൽ യോഗം അനുശോചനം രേഖപ്പെടുത്തി. അദ്ധ്യക്ഷ പ്രസംഗത്തിൽ അടുത്ത ആഴ്ച്ച നടക്കുന്ന സർഗ്ഗോത്സവത്തെ പറ്റിയും ശാഖ നടത്തുന്ന പരിപാടിയെ പറ്റിയും സംസാരിച്ചു. പരിപാടിയുടെ അവസാന റിഹേഴ്സലും യോഗത്തോടനുബന്ധിച്ച് നടത്തുകയുണ്ടായി.

കഴിഞ്ഞ മാസത്തെ റിപ്പോർട്ട്‌, കണക്കുകൾ എന്നിവ ശ്രീ മധു വായിച്ചത് യോഗം പാസ്സാക്കി.മെഗാ തിരുവാതിരയിൽ പങ്കെടുക്കുവാൻ എല്ലാ വനിതകളോടും അഭ്യർത്ഥിച്ചു. അടുത്ത മാസത്തെ യോഗം ചൊവ്വര ഉഷസിൽ വെച്ച് ജനുവരി 22 വൈകിട്ട് 3.30ന് നടത്താൻ തീരുമാനിച്ചു.

ഏകദേശം 7 മണിയോടെ ശ്രീ മധുവിന്റെ നന്ദി പ്രകടനത്തോടെ യോഗം അവസാനിച്ചു.

ശാഖയുടെ ഡിസംബർ മാസത്തെ യോഗം 18-12-22 ന് സർഗ്ഗോത്സവം കൊടിയേറ്റത്തിന് ശേഷം സമാജം ആസ്ഥാന മന്ദിരത്തിൽ കുമാരി ദേവിക ഹരികൃഷ്ണന്റെ പ്രാർത്ഥനയോടെ ആരംഭിച്ചു.

ശ്രീമതി എ. പി സരസ്വതി, ശ്രീ സി. പി അച്യുതൻ എന്നിവരുടെ നേതൃത്വത്തിൽ നാരായണീയം എൺപത്തി മൂന്നാം ദശകം എല്ലാവരും ചേർന്ന് ചൊല്ലി. തുടർന്ന് വൈസ് പ്രസിഡണ്ട് ശ്രീ എ. രാമചന്ദ്ര പിഷാരോടി സ്വാഗതവും അദ്ധ്യക്ഷ ഭാഷണവും നടത്തി. ശേഷം കഴിഞ്ഞ മാസത്തെ റിപ്പോർട്ടും കണക്കും അവതരിപ്പിച്ചത് കയ്യടികളോടെ പാസ്സാക്കി. സർഗ്ഗോത്സവത്തിൽ തൃശൂർ ശാഖ അവതരിപ്പിക്കുന്ന കലാ പരിപാടികളെക്കുറിച്ച് ശ്രീമതി എ. പി. സരസ്വതി വിശദീകരിച്ചു. സർഗ്ഗോത്സവത്തിന് തൃശൂർ ശാഖയിലെ എല്ലാ അംഗങ്ങളും പങ്കെടുത്ത് വിജയിപ്പിക്കണമെന്ന് ശ്രീ രാമചന്ദ്ര പിഷാരോടി അഭ്യർത്ഥിച്ചു. ശാഖാ പിരിവുകൾ ജനുവരിയിൽ തന്നെ പൂർത്തീകരിക്കണമെന്ന് തീരുമാനിച്ചു. ഗൂഗിൽ പേ വഴിയുള്ള പിരിവിനെ പറ്റിയുള്ള നടപടികൾക്ക് കേന്ദ്ര ട്രഷറർ ശ്രീ ആർ. ശ്രീധരനെ ചുമതലപ്പെടുത്തി. ശ്രീ ആർ. ശ്രീധരൻ, ശാഖ പ്രസിഡണ്ട് ശ്രീ വിനോദ് കൃഷ്ണൻ എന്നിവരെ പിരിവിനെ പറ്റി ചുമതലപ്പെടുത്തി.

ചൊവ്വര ശാഖ അംഗം ശ്രീ കെ. പി രവി, കൊടകര ശാഖ പ്രസിഡണ്ട് ശ്രീ രാമചന്ദ്രൻ, ഇരിഞ്ഞാലക്കുട ശാഖ സെക്രട്ടറി ശ്രീ മോഹനൻ, എറണാകുളം ശാഖ സെക്രട്ടറി ശ്രീ ദിനേശൻ എന്നിവർ ആശംസാപ്രസംഗങ്ങൾ നടത്തി.

വൈസ് പ്രസിഡണ്ടിന്റെ നന്ദിയോടെ യോഗം 1 ന് അവസാനിച്ചു.

ശാഖയുടെ ഡിസംബർ മാസത്തെ യോഗം ഓണംതുരുത്ത് ശ്രീമതി ഉഷ പിഷാരസ്യാരുടെ ഭവനമായ പൗർണ്ണമിയിൽ വെച്ച്. 4-12-22ന് 3PM നു കൂടി.

ദേവദത്ത്, കാർത്തിക, ശ്രീകാന്ത് എന്നിവരുടെ ഈശ്വര പ്രാർത്ഥനയ്ക്ക് ശേഷം അരവിന്ദ് എല്ലാവർക്കും സ്വാഗതമാശംസിച്ചു.

കഴിഞ്ഞ മാസക്കാലയളവിൽ അന്തരിച്ച സമുദായ അംഗങ്ങൾക്കും മൺ മറഞ്ഞ മറ്റുള്ളവർക്കും ആദരാഞ്ജലികൾ അർപ്പിച്ചു .

പ്രസിഡണ്ട് എ. പി.അശോക് കുമാർ തന്റെ അദ്ധ്യക്ഷ പ്രസംഗത്തിൽ സർഗ്ഗോത്സവം വിജയപ്രദമാക്കാൻ ശാഖയിലെ എല്ലാ കുടുംബാംഗങ്ങളുടെയും സഹകരണം അഭ്യർത്ഥിച്ചു. സെക്രട്ടറി കഴിഞ്ഞ മാസത്തെ റിപ്പോർട്ട് അവതരിപ്പിച്ചു. യോഗം അംഗീകരിച്ചു പാസ്സാക്കി.

ശാഖയുടെ ക്ഷേമനിധി ജനുവരി മാസ യോഗം മുതൽ തുടങ്ങുവാനും അതിന്റെ വിശദാശങ്ങൾ ചർച്ച ചെയ്യുകയും വാട്ട്‌സ്ആപ് ഗ്രൂപ്പിൽ കൂടി എല്ലാ ശാഖാഗങ്ങളെയും അറിയിക്കുവാനും തീരുമാനമായി.

2020, 2021, 2022 വർഷങ്ങളിൽ 10 ലും 12 ലും ഉന്നത വിജയം നേടിയ കുട്ടികൾക്ക് ശാഖ നൽകുന്ന സ്‌കോളർഷിപ്പും ശ്രീമതി കെ.പി.കെ.പിഷാരസ്യാർ മെമ്മോറിയൽ സ്‌കോളർഷിപ്പും ശ്രീ കെ.പി.അശോക് കുമാർ മെമ്മോറിയൽ സ്‌കോളർഷിപ്പും ജനുവരി മാസ യോഗത്തിൽ നൽകുവാൻ തീരുമാനമായി.

ശാഖയുടെ ബാങ്ക് അക്കൗണ്ട് ഏറ്റുമാനൂർ ധനലക്ഷ്മി ബാങ്കിലേക്ക് മാറ്റുവാൻ തീരുമാനമായി. തുളസീദളത്തിന്റെ അഡ്രസ്‌ ലിസ്റ്റ് ചർച്ച ചെയ്തു വേണ്ട മാറ്റങ്ങൾ വരുത്തി. ഇതു തുളസീദളം മാനജേർക്കു അയച്ചു കൊടുക്കുവാൻ സെക്രട്ടറിയെ ചുമതലപ്പെടുത്തി.

ശാഖ ഡയറക്ടറി പൂർത്തികരിക്കുവാൻ ആവശ്യമായ ശാഖ അംഗങ്ങളുടെ കുടുംബ വിവരങ്ങൾ എല്ലാ അംഗങ്ങളും എത്രയും വേഗം സെക്രട്ടറിക്കു വാട്ട്‌സ്ആപ്പിൽ കൂടി അയച്ചു കൊടുക്കണമെന്ന് യോഗം അഭ്യർത്ഥിച്ചു.

അടുത്ത മാസത്തെ യോഗം ജനുവരി 8 നു കുമാരനല്ലൂരിലുള്ള ഗോകുലകൃഷ്ണന്റെ വസതിയായ നന്ദനത്തിൽ വെച്ചു നടത്തുവാൻ തീരുമാനിച്ചു. ശ്രീ പ്രവീണ്കുമാരിന്റെ നന്ദി പ്രകാശനത്തോടെ യോഗം സമാപിച്ചു.