Archives: News

ഇന്ന് രാവിലെ 9 മണിക്ക് തൃശൂർ കലാമണ്ഡലം വാസു പിഷാരോടി നഗറിൽ(ഭാരതീയ വിദ്യാഭവൻ ഓഡിറ്റോറിയം) കേളിയോടെ പിഷാരോടിമാരുടെ മഹാ ഉത്സവത്തിന് സമാരംഭമായി.

വേദിയിൽ തുടക്കത്തിൽ നമുക്കിടയിലെ ഗാനപ്രവീണർ പഞ്ചരത്ന കീർത്തനമാലപിച്ച ശേഷം വിശിഷ്ടാതിഥി, ഹരിയാനയിലെ ദീനബന്ധു ഛോട്ടുറാം യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയുടെ വൈസ് ചാൻസലർ പ്രൊഫ. ഡോ. രാജേന്ദ്രകുമാർ ആനായത്ത് സർഗ്ഗോത്സവത്തിന്റെ ഉത്ഘടന കർമ്മം നിർവ്വഹിക്കും.

തുടർന്ന് നമുക്കിടയിലെ പ്രഗത്ഭരും, പ്രശസ്തരുമായ 15 വിശിഷ്ട വ്യക്തിത്വങ്ങളെ വേദിയിൽ ആദരിച്ചനുമോദിക്കും.

തുടർന്ന് സർഗ്ഗോത്സവ കലാപരിപാടികൾ.. നാടൻ പാട്ടുകൾ, നൃത്ത നൃത്യങ്ങൾ, മെഗാ തിരുവാതിര, ലഘു നാടകങ്ങൾ , ഗാനമേള തുടങ്ങിയവയും അരങ്ങേറും…

സർഗ്ഗോത്സവത്തിന്റെ തത്സമയ ചിത്രങ്ങളിലേക്ക് നിങ്ങളെ ഏവരെയും സ്വാഗതം ചെയ്യുന്നു.

മുംബൈ ശാഖയുടെ വാർഷികാഘോഷം ഇന്ന് 11-12-22 നു നവി മുംബൈയിലെ സീവുഡിൽ രാവിലെ 9.30 മുതൽ വൈകീട്ട് 5 മണി വരെ നടന്നു.

വാർഷികം പ്രസിഡണ്ട് ശ്രീ എ പി രഘുപതി, മുഖ്യാതിഥി അഡ്വ. രഞ്ജിനി സുരേഷ് എന്നിവർ ചേർന്ന് നിർവ്വഹിച്ചു. അന്തരിച്ച പ്രശസ്ത കഥകളി ആചാര്യൻ കലാമണ്ഡലം വാസു പിഷാരോടിയെ അനുസ്മരിച്ചു, അദ്ദേഹത്തിന്റെ ചിത്രം അനാച്ഛാദനം ചെയ്ത് ശ്രീ. C P പ്രദീപ് കുമാർ, കോട്ടക്കൽ ഗോപാല പിഷാരോടി എന്നിവർ അനുസ്മരണ പ്രഭാഷണങ്ങൾ നടത്തി.

സമാജം അംഗങ്ങൾ നടത്തിയ കൈകൊട്ടിക്കളി, നൃത്ത നൃത്യങ്ങൾ, ഗാനങ്ങൾ, കോലാട്ടം, ദേശീയോദ്ഗ്രഥന പ്രോഗ്രാം, ശാഖയിൽ നിന്നുമുള്ള വനിതകൾ ആദ്യമായി ഒരുക്കിയ ലഘു നാടകം എന്നിവ അരങ്ങേറി.

നഗര തലമുറക്ക് ക്ഷേത്രകലകളെ പരിചയപ്പെടുത്തുക എന്ന പദ്ധതിയുടെ ഭാഗമായി കഥകളി രംഗത്തെ ശക്ത സാന്നിദ്ധ്യമായ അഡ്വ. രഞ്ജിനി സുരേഷ് അവതരിപ്പിച്ച പൂതനാമോക്ഷം കഥകളി അരങ്ങേറി. തുടർന്ന് ശ്രീമതി രഞ്ജിനി സുരേഷിനെ മുംബൈ ശാഖ ആദരിച്ചു.

വിശദ റിപ്പോർട്ട് വഴിയേ…

വാർഷികാഘോഷത്തിന്റെ വിവിധ പരിപാടികൾ കാമറക്കണ്ണുകളിലൂടെ കാണാം…

https://samajamphotogallery.blogspot.com/2022/12/mumbai-sakha-annual-celebrations-22.html

14/11/22 ന് തൃശൂർ രവികൃഷ്ണ തീയേറ്ററിലാണ് കുടുംബ സമേതം ഏതം ചിത്രം കണ്ടത്.

സമാജം പ്രസിഡണ്ട് എ. രാമ ചന്ദ്ര പിഷാരോടി, ജനറൽ സെക്രട്ടറി ശ്രീ കെ. പി ഹരികൃഷ്ണൻ എന്നിവരും കുടുംബ സമേതം തന്നെ എത്തിയിരുന്നു.

ശ്രീ പ്രവീൺ ചന്ദ്രൻ മൂടാടി കഥ, തിരക്കഥ, സംഭാഷണമെഴുതി സംവിധാനം ചെയ്ത് നിർമ്മിച്ച ഏതം കണ്ടു തീർന്നപ്പോൾ സന്തോഷത്തോടെ ചിന്തിച്ചത് ഇതൊരു ശ്രവണച്ചിത്രം തന്നെയാണല്ലോ എന്നാണ്. നായികക്കും നായകനും തുല്യ പ്രധാന്യമുള്ള ചിത്രം.

ചിത്രം കണ്ട് പുറത്തേക്കിറങ്ങുമ്പോൾ നിങ്ങളുടെ മനസ്സിനൊപ്പം ശ്രവണയുടെ അനിതയും കൂടെപ്പോരും. അത്രക്കും ഉൾക്കൊണ്ട് ശ്രവണ ആ കഥാ പാത്രത്തെ മനോഹരമാക്കിയിട്ടുണ്ട്. അഭിനേത്രിയുടെ കഴിവുകളെ പരമാവധി ഉപയോഗപ്പെടുത്താൻ നല്ല സാദ്ധ്യതയുള്ള കഥാ പാത്രമാണ് അനിത. അനിത ഒന്നാന്തരമൊരു നർത്തകിയാണ്. കുസൃതിക്കാരിയാണ്. പ്രണയം തുളുമ്പുന്ന കാമുകിയാണ്. നഷ്ട പ്രേമത്തിന്റെ വിരഹാതുരയതയാൽ നീറുന്ന ദു:ഖിതയാണ്. തികച്ചും പക്വത വന്ന ഭാര്യയാണ്. വാത്സല്യമയിയായ അമ്മയാണ്. ഈ ഓരോ ഘട്ട ഭാവങ്ങളും ശ്രവണ ഒരു സീനിയർ കലാകാരിയുടെ തന്മയത്തത്വത്തോടെ അവതരിപ്പിച്ചിരിക്കുന്നു. ശ്രവണയുടെ രണ്ടാമത്തെ ചിത്രമാണിതെന്നോർക്കണം ൾ.അഭിനന്ദനങ്ങൾ ശ്രവണ. ഇനിയും ഇതുപോലെ ശക്തമായ കഥാപാത്രങ്ങൾ ശ്രവണയെ തേടിയെത്തട്ടെ.

നായകനായ പ്രദീപിനെ ജീവസ്സുറ്റതാക്കുന്നത് സിദ്ധാർത്ഥ് ആണ്. നല്ല ഭാവിയുള്ള, കഴിവുറ്റ നടനാണ് എന്ന് ഏതത്തിലൂടെ സിദ്ധാർത്ഥ് തെളിയിക്കുന്നു.

അഭിനേതാക്കളെല്ലാവരും തങ്ങളുടെ വേഷങ്ങൾ നന്നാക്കിയിട്ടുണ്ട്. ശ്രീ ജയ പ്രകാശിന്റെ ക്യാമറ ശ്രദ്ധേയമാണ്. സന്ദർഭാനുസരണമുള്ള ഗാനങ്ങളും സംഗീതവും ചിത്രത്തിന്റെ മുതൽക്കൂട്ട് തന്നെ.

തീർച്ചയായും തിയേറ്ററിൽ ഒരു പ്രാവശ്യം കാണാവുന്ന കുടുംബ ചിത്രമാണ് ഏതം.

ചിത്രത്തിന്റെ പരസ്യ വിഭാഗം കുറച്ചു പുറകിലാണ് എന്ന് തോന്നുന്നു.

-ഗോപൻ

വാദ്യകലാ രംഗത്തെ നിറ സാന്നിദ്ധ്യമായ പൊതിയിൽ ഉണ്ണിക്കൃഷ്ണ പിഷാരടിക്ക് ശ്രീശാസ്താ വാദ്യകലാ ശിബിരം പെരുമ്പാവൂർ നൽകുന്ന താളശ്രീ പുരസ്‌കാരം ശ്രീ ധർമ്മശാസ്താവിന്റെ സന്നിധിയിൽ വെച്ച് 2022 നവംബർ 12ന് നൽകി ആദരിച്ചു. ചേരാനല്ലൂർ ശങ്കരൻ കുട്ടൻ മാരാർ ആണ് ഗുരുനാഥൻ.

അച്ഛൻ: പൊതിയിൽ പിഷാരത്ത് ഗോപാലകൃഷ്ണ പിഷാരടി, അമ്മ മതുപ്പുള്ളി പിഷാരത്ത് ഗീത, അനിയൻ ആനന്ദ് (ആഫ്രിക്കയിൽ) പത്നി മുടവന്നൂർ പിഷാരത്ത് പദ്മശ്രീ. മകൻ കാർത്തിക്ക്.

ശ്രീ ഉണ്ണികൃഷ്ണന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !