അസതോ മാ സദ് ഗമയ, തമസോ മാ ജ്യോതിർഗമയ
News about Sakhas
പ്രശസ്ത തിമില വിദ്വാൻ പെരുവനം ശ്രീ കൃഷ്ണകുമാറിനെ കൊച്ചിൻ രാജ കുടുംബം സുവർണ്ണ മുദ്ര നൽകി ആദരിച്ചു
ഡിസംബർ 12 ന് തൃപ്പൂണിത്തുറ കളിക്കൊട്ട പാലസ്സിൽ വെച്ച് സംഘടിപ്പിക്കപ്പെട്ട ചടങ്ങിൽ വെച്ച് ശ്രീമതി വൃന്ദാദേവി തമ്പുരാൻ ആണ് ആദരവ് നൽകിയത്.
ഇതിനകം തിമില വാദനത്തിൽ നിരവധി പുരസ്കാരങ്ങൾ ശ്രീ കൃഷ്ണകുമാറിനെ തേടിയെത്തിയിട്ടുണ്ട്.
പെരുവനം തെക്കേ പിഷാരത്ത് ശ്രീ കൃഷ്ണകുമാറിന് പിഷാരോടി സമാജം, തുളസീദളം, വെബ് സൈറ്റ് സംയുക്ത അഭിനന്ദനങ്ങൾ!
ശ്രേയ ജെ മലപ്പുറം റവന്യൂ ജില്ലാ സ്കൂൾ കലോത്സവത്തിൽ ഹയർ സെക്കൻഡറി വിഭാഗത്തിൽ അക്ഷരശ്ലോകം (മലയാളം ) മത്സരത്തിൽ A ഗ്രേഡോടെ ഒന്നാം സ്ഥാനം നേടി. പുലാമന്തോൾ പാലൂർ തെക്കേ പിഷാരത്ത് ശ്രീമതി രാജലക്ഷ്മി ചിത്രഭാനുവാണ് ശ്രേയയുടെ ഗുരുനാഥ. ശ്രേയക്ക് ജില്ലാ കലോത്സവത്തിൽ വഞ്ചിപ്പാട്ടു മത്സരത്തിൽ എ ഗ്രേഡും ലഭിച്ചിട്ടുണ്ട്.
വണ്ടൂരിൽ വെച്ചു നടന്ന മലപ്പുറം ജില്ലാ കേരളോത്സവം വനിതാ വിഭാഗം ബാഡ്മിൻ്റൺ ഡബിൾസ് ൽ ശ്രേയ ജേതാവായിരുന്നു മലപ്പുറം ജില്ലയെ പ്രതിനിധീകരിച്ച് സംസ്ഥാന തല മത്സരങ്ങൾക്ക് യോഗ്യത നേടിയിരുന്നു.
ശ്രേയ കൊളത്തൂർ നാഷണൽ ഹയർ സെക്കൻഡറി സ്കൂൾ വിദ്യാർത്ഥിനിയും, പുലാമന്തോൾ പാലൂർ തെക്കേ പിഷാരത്തിലെ ജയചന്ദ്രൻ -കവിത ദമ്പതിയുടെ മകളുമാണ്.
ശ്രേയക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !
യുവ എഴുത്തുകാരി ശ്രീമതി അശ്വതി എ. എസ് രചിച്ച SOULFUL SOLILOQUIES :EXPLORING EMOTIONS എന്ന ഇംഗ്ലീഷ് കവിതാ സമാഹാരം 2024 ജനുവരി 7, ഞായറാഴ്ച്ച വൈകീട്ട് 3 ന് തൃശൂർ സാഹിത്യ അക്കാദമി ചങ്ങമ്പുഴ ഹാളിൽ വെച്ച് പ്രശസ്ത കവിയും ചെറു കഥാകൃത്തുമായ ശ്രീ സുരേഷ് തെക്കീട്ടിൽ പ്രകാശനം ചെയ്യുന്നു.
കൂടാതെ ശ്രീമതി കീർത്തി സോഫിയ പൊന്നച്ചൻ (അസിസ്റ്റന്റ് പ്രൊഫസർ, ഇംഗ്ലീഷ് സാഹിത്യം കാർമൽ കോളേജ്, മാള), ശ്രീ മനു മങ്ങാട്ട് (കവി, റിസർച്ച് കൺസൾട്ടന്റ് ആന്റ് ഗൈഡ്, ട്രാൻസ്ലേറ്റർ, കൗൺസിലർ, NET ഇംഗ്ലീഷ് മെന്റർ), ശ്രീ ടി. പി ഭരതൻ (റിട്ട പ്രിൻസിപ്പൽ, പെഴുന്തറ എച്ച്. എം. ജി. എൽ. പി സ്കൂൾ), ശ്രീമതി ജയ നാരായണൻ പിഷാരടി (റിട്ട പ്രിൻസിപ്പൽ, ഒയാസിസ് ഇന്റർനാഷണൽ സ്കൂൾ, അൽ ഐൻ, യു. എ. ഇ ), ശ്രീ ഗോപൻ പഴുവിൽ (തുളസീദളം പത്രാധിപർ) തുടങ്ങിയവർ പങ്കെടുക്കുന്നു.
തുളസീദളത്തിലൂടെ ഏവർക്കും സുപരിചിതനായ ശ്രീ അരവിന്ദാക്ഷൻ സേലം (വട്ടേനാട് പിഷാരം) എന്ന പ്രതിഭാ ധനനായ എഴുത്തുകാരന്റെ മകളാണ് ശ്രീമതി അശ്വതി. അമ്മ ശ്രീമതി സുഭദ്ര ടി. പി (പാതായ്ക്കര പിഷാരം), ഭർത്താവ് രാജ് മോഹൻ (ആറ്റൂർ), മക്കൾ ധീരജ് രാജ്, ദേവദത്ത് രാജ്
ശ്രീമതി അശ്വതിക്ക് പിഷാരടി സമാജം, തുളസീദളം, വെബ് സൈറ്റ് എന്നിവയുടെ സംയുക്ത ആശംസകൾ!
പിഷാരടി സമാജത്തിന്റെ നേതൃത്വത്തിൽ നടന്നുകൊണ്ടിരിക്കുന്ന കഥകളി ആസ്വാദന ക്ലാസ്സ് ഡെമോൺസ്ട്രേഷനോട് കൂടി 2023 ഡിസംബർ 21 ന് പാറമേക്കാവ് വിദ്യാമന്ദിർ സ്കൂളിൽ വച്ച് ഉച്ചക്ക് 1 മണി മുതൽ 3 മണി വരെ നടത്തുന്നു.
കലാമണ്ഡലം മുൻ പ്രിൻസിപ്പലും ഡീനുമായ ശ്രീ ബാലസുബ്രഹ്മണ്യനാശാൻ നയിക്കുന്ന ക്ലാസ്സിൽ പിഷാരടി സമാജത്തിലെ കഥകളി അദ്ധ്യാപകനായ ശ്രീ കലാനിലയം അനിൽകുമാർ ക്ലാസ്സ് എടുക്കുന്നതാണ്.
പുറപ്പാട് അവതരിപ്പിക്കുന്നതിനായി കുമാരിമാരായ ശ്രീബാലയും ശ്രീഭദ്രയും വേഷമണിയുന്നു.
സഹൃദയരായ സമാജം അംഗങ്ങളെ ഏവരെയും സ്വാഗതം ചെയ്യുന്നു.
Pisharody Samajam Bangalore Annual General Meeting and Kudumba Samgamam was held on 10th December 20203 at At ECA Hall, Indiranagar, Bengaluru from 9 AM onwards. Patrons Dr Rajan, Shri. Chandrashekhar & Shri Jayaraj inaugurated the function by lighting the lamp. President Shri. Dinesh Pisharody chaired the meeting. Secretary Shri. Biju presented the report. After the meeting variety of entertainment programs were staged by members and children of Bangalore Sakha. Event convener, Manoj S Pisharody guided…
"Bangalore Sakha AGM & Kudumba Samgamam 2023"പിഷാരോടി സമാജത്തിന്റെയും അനുബന്ധ വിഭാഗങ്ങളായ പിഷാരോടി എഡ്യൂക്കേഷണൽ ആൻഡ് വെൽഫെയർ സൊസൈറ്റിയുടെയും, പിഷാരോടി പിൽഗ്രിമേജ് ആൻഡ് ടൂറിസം ഡെവലപ്മെൻറ് ട്രസ്റ്റിൻറെയും ആഭിമുഖ്യത്തിൽ വിദ്യാർത്ഥികൾക്കായി ഗുരുവായൂരിൽ വച്ചു ദ്വിദിന കൂട്ടായ്മ സംഘടിപ്പിക്കുന്നു. ഡിസംബർ 29, 30 തീയതികളിലായാണ് പരിപാടി നടത്തുന്നത്. പരിപാടിയിൽ പങ്കെടുക്കുന്നവർക്ക് സമാജം ഗസ്റ്റ് ഹൌസിൽ സൗജന്യ താമസ സൗകര്യവും ഭക്ഷണവും ഉണ്ടായിരിക്കുന്നതാണ്. ഡിസംബർ 29 വെള്ളിയാഴ്ച്ച രാവിലെ 10.00 മണിക്ക് ഉദ്ഘാടനം. തുടർന്ന് വിവിധ പരിപാടികൾ. രണ്ടു ദിവസമായി നടക്കുന്ന പരിപാടിയുടെ സംക്ഷിക്ത രൂപം ചുവടെ ചേർക്കുന്നു. കൂടാതെ പങ്കെടുക്കുന്ന കുട്ടികളുടെ വിവിധ കലാ പരിപാടികൾ, ഗവണ്മെന്റ് അവാർഡുകൾ, അനുമോദനങ്ങൾ കിട്ടിയ സമാജം അംഗങ്ങളുമായി സംസാരിക്കാനുള്ള അവസരം മുതലായവ ഉണ്ടായിരിക്കും. 13 മുതൽ 21…
"ज्योतिर्गमय -2023"വാക്കുകളുടെയും ഭാവനയുടെയും ലോകത്തേക്ക് തന്റെ ആദ്യ കഥ പുസ്തകമായ “Raveen’s Rescue Mission” പ്രകാശനം ചെയ്ത് ശ്രദ്ധ രഞ്ജിത്ത്. UK യിലെ “Switched On Academy” യുടെ നേതൃത്വത്തിൽ ഒക്ടോബറിൽ നടത്തിയ രചന ശില്പശാലയിൽ പങ്കെടുത്തപ്പോൾ ശ്രദ്ധ എഴുതിയ കഥയാണ് പുസ്തക രൂപത്തിൽ പ്രകാശനം ചെയ്തത്. പൂവത്തൂർ പിഷാരത്ത് രഞ്ജിത് പിഷാരോടിയുടേയും, മുളകുന്നത്ത്കാവ് “ശ്രീരമ്യത്തിൽ” രമ്യ രഞ്ജിത്തിന്റേയും മകളായ ശ്രദ്ധ, ഇപ്പോൾ UK യിലെ Brighton നിൽ താമസിക്കുന്നു. Bilingual Primary School, Hove യിലെ 6th standard വിദ്യാർത്ഥിനിയാണ് ശ്രദ്ധ. ശ്രദ്ധക്ക് സമാജത്തിന്റെയും വെമ്പ്സൈറ്റ് ടീമിന്റെയും അഭിനന്ദനങ്ങൾ! 9+
"രചനയുടെ ഭാവന ലോകത്തേക്ക് ആദ്യ ചുവടുവെച്ച് ശ്രദ്ധ രഞ്ജിത്ത്"പരസ്പരം വായന കൂട്ടത്തിലെ മികച്ച എഴുത്തുകാർക്കായി ഏർപ്പെടുത്തിയിട്ടുള്ള വിവിധ പുരസ്കാരങ്ങൾ പ്രഖ്യാപിച്ചു പരസ്പരം വായനക്കൂട്ടം അംഗമായിരുന്ന എം.കെ. ദിലീപ് കുമാറിന്റെ സ്മരണയ്കായി ഏർപ്പെടുത്തിയിട്ടുള്ള എം.കെ. ദിലീപ് കുമാർ സ്മാരക സാഹിത്യ പുരസ്കാരം 2023 ന് ശ്രീമതി ഗിരിജ പിഷാരോടി, ശ്രീ വൈക്കം സുനീഷ് ആചാര്യ എന്നിവർ അർഹരായി. മെമന്റോയും സർട്ടിഫിക്കറ്റും പുസ്തകങ്ങളുമടങ്ങിയ പുരസ്കാരം 2024 ജനവരി 13 ന് കോട്ടയം പബ്ളിക് ലൈബ്രറിയിൽ ചേരുന്ന പരസ്പരം മാസികയുടെ 20ാം വാർഷിക സമ്മേളനത്തിൽ സമ്മാനിക്കുന്നതാണ്. ശ്രീമതി ഗിരിജാ പിഷാരോടി പൊന്നാനി കിഴക്കേപ്പാട്ടു പിഷാരത്ത് Late രാധാകൃഷ്ണ പിഷാരോടിയുടെയും ആനന്ദവല്ലി പിഷാരസ്യാരുടെയും മകളാണ്. ശ്രീമതി ഗിരിജാ പിഷാരോടിക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 10+
"ഗിരിജ പിഷാരോടിക്ക് എം.കെ. ദിലീപ് കുമാർ സ്മാരക സാഹിത്യ പുരസ്കാരം"
തേനാരി പിഷാരത്ത് ശ്രീ ടി പി രവികുമാർ എന്ന വയലിനിസ്റ്റ് സംഗീത സംവിധാന രംഗത്തേക്ക് കാലെടുത്തു വെച്ചിരിക്കുന്നു.
ദേവിഗീതം എന്ന ഒരു സംഗീത ആൽബത്തിലൂടെയാണ് അദ്ദേഹം ഈ രംഗത്തേക്കുള്ള വരവറിയിച്ചിരിക്കുന്നത്.
നീലാംബരി സ്റ്റുഡിയോസ് എന്ന തന്റെ പുതിയ യുട്യൂബ് ചാനലിലൂടെയാണ് അദ്ദേഹം തന്നെ വരികൾ എഴുതി സംഗീതം നൽകി പിഷാരോടിമാരിലെ വാനമ്പാടി ചിത്ര അരുൺ ആലപിച്ച വടകുറുമ്പ ദേവി ഗീതവുമായി അദ്ദേഹം എത്തുന്നത്.
ഈ ആൽബത്തിന്റെ ചിത്രീകരണം നിർവ്വഹിച്ചിരിക്കുന്നത് സംവിധായകൻ പി ഹരികുമാറും, ഗാന ശബ്ദലേഖനം നിർവ്വഹിച്ചിരിക്കുന്നത് പോൾ, രവി വർമ്മ എന്നിവരും ചേർന്നാണ്.
ആൽബം റിലീസിംഗ് നിർവ്വഹിച്ചത് രവികുമാറിന്റെ ഗുരുവായ പ്രശസ്ത കർണ്ണാട്ടിക് മ്യൂസിഷ്യൻ ശ്രീ തൃശൂർ സി രാജേന്ദ്രനായിരുന്നു.
ശ്രീ രവികുമാറിന് ഈ രംഗത്ത് ഇനിയും നല്ല അവസരങ്ങൾ കൈ വരട്ടെ എന്ന് ആശംസിക്കുന്നതോടൊപ്പം പിഷാരോടി സമാജവും, വെബ് സൈറ്റും തുളസീദളവും അഭിനന്ദനങ്ങളും അറിയിക്കുന്നു!
Please watch and subscribe the channel.
പിഷാരടി സമാജത്തിന്റെ നേതൃത്വത്തിൽ നടന്നുകൊണ്ടിരിക്കുന്ന കഥകളി ആസ്വാദന ക്ലാസിലെ ഭാഗമായി ഉദയനഗർ സരസ്വതി വിദ്യാ നികേതൻ സ്കൂളിൽ കുട്ടികൾക്കായി കഥകളി ഡെമോൺസ്ട്രേഷൻ നടത്തി.
സമാജം ആസ്ഥാന മന്ദിരത്തിൽ കഥകളി പഠിപ്പിക്കുന്ന ശ്രീ കലാനിലയം അനിൽകുമാർ നയിച്ച ക്ലാസ്സിൽ അദ്ദേഹത്തിന്റെ സഹോദരനായ കഥകളി നടൻ ശ്രീ കോട്ടക്കൽ ഹരീശ്വരൻ കഥകളിയിലെ പല ഭാഗങ്ങളും അഭിനയിച്ച് അവതരിപ്പിച്ചത് വളരെ ആസ്വാദകരവും വിജ്ഞാനപ്രദവും ആയിരുന്നു. ശ്രീ കലാമണ്ഡലം ബാലസുബ്രഹ്മണ്യൻ ആശാനും ക്ലാസ്സെടുത്തു. കുട്ടികളായ ശ്രീബാലയും ശ്രീഭദ്രയും ചേർന്ന് പുറപ്പാട് അവതരിപ്പിക്കുകയുണ്ടായി. കലാനിലയം രാമകൃഷ്ണൻ സംഗീതവും കലാനി. രതീഷ് ചെണ്ടയും കലാനി. ശ്രീജിത്ത് മദ്ദളവുംകൈകാര്യം ചെയ്തു.
എല്ലാ മാസവും ആദ്യത്തെയും അവസാനത്തെയും ഞായറാഴ്ചകളിൽ വൈകിട്ട് അഞ്ചുമണിക്ക് ആസ്ഥാനമന്ദിരത്തിൽ വെച്ച് ആസ്വാദന ക്ലാസ് നടന്നുവരുന്നു. ഈ ഞായറാഴ്ച 26 ആം തീയതി അഞ്ചുമണിക്ക് നവരസ അഭിനയത്തെ കുറിച്ച് ക്ലാസ്സെടുക്കുന്നു. തികച്ചും സൗജന്യമായി നടത്തുന്ന ഈ പഠന ക്ലാസുകളിൽ നിർഭാഗ്യവശാൽ ശാഖകളിൽ നിന്നുള്ളവർ വിരലിലെണ്ണാവുന്നവരെ എത്തുന്നുള്ളൂ. ലോകോത്തര കലയായ കഥകളിയുടെ മഹത്വം മനസ്സിലാക്കാൻ ഈ അപൂർവ്വ അവസരങ്ങൾ വിനിയോഗിക്കുക.
Please click on the link to view the footage.
https://drive.google.com/drive/folders/1nU-5kK8sAWKVqo2ITOo5I9a7wQLvlf7P
https://drive.google.com/drive/folders/1u6ziQBvrqU1a_8ZzaOQhcJCfeFOAynUe
Recent Comments