അസതോ മാ സദ് ഗമയ, തമസോ മാ ജ്യോതിർഗമയ
News about Sakhas
2023 സെപ്റ്റംബർ 7ന് ബാംഗ്ലൂരിൽ നടന്ന ഇന്റർ സ്റ്റേറ്റ് കരാട്ടെ ചാമ്പ്യൻഷിപ്പിൽ മാസ്റ്റർ മുകുന്ദ് മഹേഷ് രണ്ടാം സ്ഥാനം കരസ്ഥമാക്കി.
ബാംഗ്ലൂരിലെ ന്യൂ ബാൽഡ്വിൻ ഇന്റർനാഷണൽ സ്കൂളിലെ നാലാം ക്ലാസ് വിദ്യാർത്ഥിയാണ്.
പെരിങ്ങോട്ടുകുറിശ്ശി പിഷാരത്ത് മഹേഷിന്റേയും, ഋഷിനാരദമംഗലം പിഷാരത്ത് സംഗീതയുടെയും മകനാണ്.
മുകുന്ദിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !
ചേർത്തല കഥകളി ആചാര്യൻ പള്ളിപ്പുറം ഗോപാലൻ നായർ സ്മാരക കഥകളി ക്ലബ് നൽകുന്ന പള്ളിപ്പുറം ഗോപാലൻ നായർ സ്മാരക രജത പത്മ പുരസ്കാരം അഡ്വ. രഞ്ജിനി സുരേഷിന് ലഭിച്ചു. ഒക്ടോബർ 5, 6 ദിവസങ്ങളിലായി പള്ളിപ്പുറം തിരുവൈരാണിക്കുളം കളത്തിൽ ക്ഷേത്ര ഓഡിറ്റോറിയത്തിൽ നടക്കുന്ന അനുസ്മരണ വേളയിൽ പുരസ്കാരങ്ങൾ നൽകുന്നതാണ്. അഡ്വ. രഞ്ജിനി സുരേഷിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 7+
"അഡ്വ. രഞ്ജിനി സുരേഷിന് രജത പത്മ പുരസ്കാരം"കോങ്ങാട് ശാഖയിലെ കരാക്കുർശ്ശി കിഴക്കേക്കര പിഷാരത്ത് ശ്രീ കെ പി രമേശിന്റേയും കല്ലുവഴി തെക്കേപ്പാട്ട് പിഷാരത്ത് ടി പി രാധികയുടെയും മകൻ കെ. പി. അഭിരാമിന് LSS സ്കോളർഷിപ്പ് ലഭിച്ചു. അഭിറാം ഇപ്പോൾ ഗവ. ഹൈസ്കൂൾ കാരക്കുറിശ്ശിയിൽ അഞ്ചാം തരം വിദ്യാർത്ഥിയാണ്. അഭിരാമിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 13+
"കെ. പി. അഭിരാമിന് LSS സ്കോളർഷിപ്പ്"അമൃത ദാസ് Integrated MSc ഫിസിക്സ് പരീക്ഷയിൽ കോയമ്പത്തൂർ അമൃത വിശ്വവിദ്യാപീഠത്തിൽ നിന്നും രണ്ടാം റാങ്ക് കരസ്ഥമാക്കി. മക്കരപ്പറമ്പ് കൈരളിയിൽ എ പി രാമദാസിന്റെയും രമ്യ പി ജി യുടെയും മകളാണ് അമൃത ദാസ്. അമൃതക്ക് പിഷാരോടി സമാജത്തിൻ്റേയും, വെബ്സൈറ്റിൻ്റേയും തുളസീദളത്തിന്റെയും അഭിനന്ദനങ്ങൾ! 22+
"അമൃത ദാസിന് രണ്ടാം റാങ്ക്"കേരള കാർഷിക വികസന കാർഷിക ക്ഷേമ വകുപ്പിന്റെ ഗ്രാമ പഞ്ചായത്ത് തലങ്ങളിലെ ശ്രീകൃഷ്ണപുരം ഗ്രാമ പഞ്ചായത്തിലെ ഈ വർഷത്തെ മികച്ച വനിതാ കർഷകക്കുള്ള ജൈവ കാർഷിക അവാർഡ് ശുകപുരത്ത് പിഷാരത്ത് സരസ്വതി വേണുഗോപാലന് ലഭിച്ചു. കാർഷിക ദിനാഘോഷത്തോടനുബന്ധിച്ച് നടന്ന ചടങ്ങിൽ ഒറ്റപ്പാലം MLA Adv. പ്രേംകുമാർ അവാർഡ് നൽകി. ഭർത്താവ് ഇരിങ്ങോട്ടു തൃക്കോവിൽ പിഷാരത്ത് ശ്രീ വേണുഗോപാൽ. ഇപ്പോൾ ശ്രീകൃഷ്ണപുരം പഴയ പിഷാരത്ത് സ്ഥിര താമസമാക്കിയ സരസ്വതി പിഷാരസ്യാർക്ക് സമാജത്തിന്റെയും വെബ്സൈറ്റ് ടീമിന്റെയും അഭിനന്ദനങ്ങൾ. 8+
"സരസ്വതി വേണുഗോപാലന് വനിതാ ജൈവ കർഷക അവാർഡ്"ജനസംസ്കൃതി ന്യു ദില്ലിയുടെ 32 മത് സഫ്ദർ ഹാഷ്മി നാടകോത്സവത്തിൽ അദിതി എ കൃഷ്ണൻ മികച്ച നടിയായി തിരഞ്ഞെടുക്കപ്പെട്ടു. കിതാബിന്റെ സുൽത്താൻ എന്ന നാടകത്തിലെ പ്രകടനത്തിനാണ് അദിതിക്ക് ഈ പുരസ്കാരം ലഭിച്ചത്. ഡൽഹിയിൽ താമസിക്കുന്ന തൃക്കൂർ പിഷാരത്ത് അശോക് കൃഷ്ണന്റെയും കുറുവട്ടൂർ പിഷാരത്ത് രാജിയുടെയും പുത്രിയാണ് അദിതി. അദിതിക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! വിശദവിവരങ്ങൾക്ക് മാതൃഭൂമി റിപ്പോർട്ട് വായിക്കാം 12+
"അദിതി എ കൃഷ്ണൻ സഫ്ദർ ഹാഷ്മി നാടകോത്സവത്തിൽ മികച്ച നടി"
സമാജ ചരിത്രത്തിലെ നാലാം അദ്ധ്യാത്മ രാമായണ സത്സംഗം കർക്കടകം 30 ചൊവ്വാഴ്ച വൈകീട്ട് സമാജം ആസ്ഥാന മന്ദിരത്തിൽ നടന്ന പാരായണ സമർപ്പണത്തോടെ സമാപിച്ചു.
ആചാര്യൻ ശ്രീ രാജൻ രാഘവൻ ശ്രീരാമ ചിത്രത്തിനു മുമ്പിൽ നിലവിളക്ക് കൊളുത്തിയതോടെ മുപ്പതാം ദിന സത്സംഗത്തിന് തുടക്കമായി. ശ്രീ കെ പി ഹരികൃഷ്ണൻ ആമുഖ പ്രഭാഷണം നിർവ്വഹിച്ചു കൊണ്ട് ഏവർക്കും സ്വാഗതമാശംസിക്കുകയും പാരായണക്കാരെ പരിചയപ്പെടുത്തുകയും ചെയ്തു.
ദേവിക ഹരികൃഷ്ണനും ഗോവിന്ദ് ഹരികൃഷ്ണനും ചേർന്ന് നടത്തിയ പ്രാർത്ഥനക്ക് ശേഷം ശ്രീമതി ഉഷ ചന്ദ്രൻ പാരായണത്തിന് തുടക്കമിട്ടു. തുടർന്ന് ശ്രീമതിമാർ രാജേശ്വരി മുരളീധരൻ, ജയശ്രീ രാജൻ, ശ്രീ വിജയൻ ചെറുകര, ശ്രീമതി എ പി സരസ്വതി തുടങ്ങിയവരും പാരായണം നടത്തിയ ശേഷം അന്നവിടെ സന്നിഹിതരായ ഏവരും ചേർന്നു പാരായണം ചെയ്ത ഫലശ്രുതിയോടെ പാരായണത്തിന് സമാപനമായി.
ആചാര്യൻ ശ്രീ രാജൻ രാഘവൻ അന്നത്തെ പാരായണ ഭാഗങ്ങളെക്കുറിച്ചും, രാമായണ ചിന്തകളിലേക്കുറിച്ചും വിവരിച്ച്, അറിഞ്ഞുള്ള രാമായണം വായനയിലൂടെ നാം മര്യാദാ പുരുഷോത്തമന്മാരാവേണ്ട ആവശ്യകതയിലേക്കും ശ്രോതാക്കളെ കൂട്ടിക്കൊണ്ടു പോയി.
തുടർന്ന് ശ്രീ ജി ആർ ഗോവിന്ദൻ ആലപിച്ച മൈസൂർ വാസുദേവാചാര്യയുടെ ബ്രോച്ചെവ രഘുവര എന്ന പ്രശസ്തമായ കീർത്തനം ആലപിച്ചു.
തുടർന്ന് മംഗളാരതിക്ക് ശേഷം വെബ് അഡ്മിൻ സമാജത്തിനും പാരായണക്കാർക്കും വേണ്ടി ആചാര്യൻ ശ്രീ രാജൻ രാഘവനെ ആദരിച്ചു കൊണ്ട് ഈ സത്സംഗത്തിൽ പങ്കാളികളായ ഏവർക്കും സമുചിതമായ നന്ദി പ്രകാശിപ്പിച്ചു.
ജന. സെക്രട്ടറി ശ്രീ കെ പി ഗോപകുമാർ ഈ സത്സംഗം നാലാം വർഷവും തുടർന്ന് കൊണ്ട് പോകുന്നതിന് വെബ്സൈറ്റ് ടീമിനും ആചാര്യനും പാരായണം ചെയ്ത ഏവർക്കും പ്രത്യേകം നന്ദി പറഞ്ഞു കൊണ്ട് നാലാം അദ്ധ്യാത്മ രാമായണ സത്സംഗത്തിന് സമാപനമായി.
To watch the event please click on the Youtube link below.
തുളസീദളം ഓണപ്പതിപ്പ് 13-08-2023 ഞായറാഴ്ച്ച രാവിലെ 11 ന് സമാജം ആസ്ഥാന മന്ദിരത്തിൽ വെച്ച് നടന്ന കേന്ദ്ര ഭരണസമിതി യോഗത്തിൽ വെച്ച് പ്രസിഡണ്ട് ശ്രീ R ഹരികൃഷ്ണ പിഷാരോടി ഒരു പ്രതി ആഗസ്ത് ലക്കം സ്പോൺസർ ചെയ്ത മുൻ കേന്ദ്ര പ്രസിഡണ്ടും മുൻ ജന. സെക്രട്ടറിയുമായ ശ്രീ കെ പി ബാലകൃഷ്ണ പിഷാരോടിക്കും അദ്ദേഹത്തിന്റെ പത്നിയും ദളം ചീഫ് എഡിറ്ററുമായ ശ്രീമതി എ പി സരസ്വതിക്കും നൽകി പ്രകാശനം ചെയ്തു. ചടങ്ങിൽ തുളസീദളം എഡിറ്റർ ഗോപൻ പഴുവിൽ, മാനേജർ ആർ പി രഘുനന്ദനൻ, എഡിറ്റോറിയൽ ബോർഡ് മെമ്പർമാർ, ഭരണ സമിതി അംഗങ്ങൾ തുടങ്ങിയവർ സംബന്ധിച്ചു. പ്രസ്തുത ചടങ്ങിൽ വെച്ച് അനേകം വർഷങ്ങളായി തുളസീദളം പ്രിന്റ് ചെയ്തു…
"തുളസീദളം ഓണപ്പതിപ്പ് 2023 പ്രകാശനം ചെയ്തു"അദ്ധ്യാത്മ രാമായണ പാരായണ സത്സംഗം ഇരുപത്തി ഏഴാം ദിവസം കുട്ടികളുടെ വേറിട്ട പ്രകടനങ്ങളുമായി നിങ്ങൾക്കു മുന്നിൽ അവതരിപ്പിക്കുന്നു. പാരായണം, സംഗീതാർച്ചന, കവിത, കഥ, പ്രച്ഛന്ന വേഷം, നൃത്തം തുടങ്ങി വിവിധ പരിപാടികളുമായി നമുക്കിടയിലെ കുട്ടികൾ എത്തുന്നു. കുട്ടികൾ രാമായണം എന്തെന്ന് അറിഞ്ഞ് വളരാനും അവരെ കൊണ്ട് രാമയണത്തിലെ ഭാഗങ്ങൾ വിവിധ കലകളിലൂടെ രംഗത്ത് അവതരിപ്പിക്കാനും അതിലൂടെ അവരെ രാമായണത്തിലേക്ക് പ്രവേശിപ്പിക്കാനുമുള്ള ഒരു എളിയ ശ്രമമാണിത്. കാണുക പ്രോത്സാഹിപ്പിക്കുക . താഴെ കാണുന്ന ലിങ്കിൽ ക്ലിക്ക് ചെയ്ത് ഇന്ന് രാത്രി 8 മണി മുതൽ ലൈവ് ആയി കാണാവുന്നതാണ്. https://youtube.com/live/QcthRdRLoS4?feature=share 4+
"ബാലരാമായണം"
Recent Comments