തുളസീദളം 2024 സെപ്തംബർ ലക്കം (ഓണപ്പതിപ്പ്), മുഴുവൻ കളർ പേജുകളോടെ, തൃശൂർ ആസ്ഥാനമന്ദിരത്തിൽ നടന്ന ചടങ്ങിൽ വെച്ച് തുളസീദളം മാനേജർ ശ്രീ ആർ പി രഘുനന്ദനൻ ശ്രീ ടി പി മോഹനകൃഷ്ണന് നൽകിക്കൊണ്ട് പ്രകാശനം ചെയ്തു.

ചടങ്ങിൽ ജന. സെക്രട്ടറി ശ്രീ കെ പി ഗോപകുമാർ, എഡിറ്റർ ശ്രീ ഗോപൻ പഴുവിൽ, മുൻ ജന. സെക്രട്ടറിയും കേന്ദ്ര ഭരണസമിതിയംഗവുമായ ശ്രീ കെ പി ഹരികൃഷ്ണൻ, ഡോ. എം. പി നാരായണ പിഷാരോടി (തൃശൂർ ശാഖ ജോയിന്റ് സെക്രട്ടറി ) എന്നിവരും സന്നിഹിതരായിരുന്നു.

തുളസീദളം 11-09-2024നു തൃശൂർ RMSൽ നിന്നും എല്ലാ വരിക്കാർക്കും പോസ്റ്റ് ചെയ്തിട്ടുണ്ട്. കിട്ടാത്തവർക്കായി ഇ ദളം ഉടൻ വെബ്‌സൈറ്റ് വഴിയും ലഭ്യമാക്കുന്നതാണ്.

തുടർച്ചയായ രണ്ടാം വർഷമാണ് ഓണപ്പതിപ്പ് ഇത്ര വർണ്ണപ്പകിട്ടോടെ പ്രസിദ്ധീകരിക്കുന്നത്. പൂർണ്ണ കളർ പതിപ്പായി ഇറക്കാൻ വേണ്ട സഹായ സഹകരണങ്ങൾ നൽകിയ എല്ലാ ശാഖകൾക്കും, വ്യക്തികൾക്കും സ്ഥാപനങ്ങൾക്കും ഉള്ള നന്ദി പ്രത്യേകം അറിയിക്കട്ടെ.

വായിക്കുക, അഭിപ്രായങ്ങൾ അറിയിക്കുക.

എല്ലാവർക്കും ഓണാശംസകൾ !

 

നാദം മ്യൂസിക്കൽ അക്കാദമി, മണ്ണാർക്കാട് സംഘടിപ്പിച്ച അഖില കേരള രാമായണ പാരായണ മത്സരം 2024 ൽ മാസ്റ്റർ ജിഷ്ണു മനോജ് വിജയിയായി അവർ നൽകുന്ന എഴുത്താണി പുരസ്‌കാരം 2024ന് അർഹനായി.

കോങ്ങാട് ശാഖാംഗങ്ങളായ കരാക്കുറുശ്ശി മാലതി നിവാസിൽ മനോജിന്റെയും തൃപ്പറ്റ പിഷാരത്ത് മിനിയുടെയും മകനാണ് തച്ചമ്പാറ ദേശബന്ധു ഹയർ സെക്കന്ററി സ്കൂളിലെ പ്ലസ് വൺ(കമ്പ്യൂട്ടർ സയൻസ്) വിദ്യാർത്ഥിയായ ജിഷ്ണു.

അമ്പലപ്പുഴ വിജയകുമാറിന്റെയും, ഏലൂർ ബിജുവിന്റെയും ശിക്ഷണത്തിൽ കൊട്ടിപ്പാടി സേവയും, നെടുമ്പള്ളി രാംമോഹന്റെ ശിക്ഷണത്തിൽ കഥകളി സംഗീതവും, മണ്ണാർക്കാട് മോഹനന്റെ ശിക്ഷണത്തിൽ ചെണ്ടയും അഭ്യസിക്കുന്നു ജിഷ്ണു.

മാസ്റ്റർ ജിഷ്ണുവിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !

Doctorate for N N Pisharody

Nayathode Pisharath Narayana Pisharody, Outstanding Scientist & Associate Director(I&FS) of Nuclear Power Corporation, Mumbai is awarded Doctorate of Philosophy by University of Petroleum & Energy Studies, Dehradun. Dr. Narayana Pisharody is son of Late Rama Pisharody & Late Sarada Pisharasiar, Nayathode Pisharam. Wife Supriya and Daughter Priyanka. Pisharody Samajam, Website and Thulaseedalam Congratulate Dr. N N Pisharody  on this outstanding achievement.  

"Doctorate for N N Pisharody"

രണ്ടു വയസ്സുകാരൻ അദ്വിക് വിഷ്ണു(DOB-06-06-22) ഇന്ത്യ ബുക്ക് ഓഫ് റെക്കോർഡ്‌സിന്റെ IBR Achiever അവാർഡ് കരസ്ഥമാക്കി.

ഒരു വർഷത്തിലെ 12 മാസങ്ങൾ, ആഴ്ചകൾ, 23 ആകൃതികൾ, 31 കാർ ലോഗോകൾ, 15 ഔഷധ സസ്യങ്ങൾ, 65 മൃഗങ്ങൾ, 66 ഫലമൂലാദികൾ, 45 വാഹനങ്ങൾ, 54 പുഷ്പങ്ങൾ, 30 ലോക നേതാക്കൾ, 18 വാദ്യോപകരണങ്ങൾ, 20 പണിയായുധങ്ങൾ, 20 ഇലക്ട്രിക്കൽ ഉപകരണങ്ങൾ, 55 മലയാളം, 48 ഹിന്ദി, 52 ഇംഗ്ലീഷ് വാക്കുകൾ, അറബിക് അക്ഷരമാല, 27 രാജ്യങ്ങളുടെ പതാകകൾ-അവയുടെ തലസ്ഥാനങ്ങൾ എന്നിവ പറഞ്ഞുകൊണ്ടാണ് 2 വയസ്സും 1 മാസവും പ്രായമുള്ള ഈ മിടുക്കൻ ഇന്ത്യ ബുക്ക് ഓഫ് റെക്കോർഡിലേക്ക് ആഗസ്ത് ഒന്നാം തിയതി നടന്നു കയറിയത്.

മുംബൈ ശാഖാ അംഗങ്ങളായ വട്ടേനാട്ട് പിഷാരത്ത് ശശിധരന്റെയും കുണ്ടൂർ പിഷാരത്ത് മിനിയുടെയും പുത്രി അശ്വതിയുടെയും  വിഷ്ണുവിന്റെയും പുത്രനാണ് അദ്വിക്.

അദ്വികിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !

പാലക്കാട് ശാഖാ അംഗങ്ങളായ ആണ്ടാം പിഷാരത്ത് ശ്രീ ഉണ്ണികൃഷ്ണൻ മണക്കുളങ്ങരയുടെയും പാലന്നൂർ മുല്ലക്കൽ പിഷാരത്ത് മാലതി പിഷാരസ്യാരുടെയും മകൻ വിനയ് ഉണ്ണികൃഷ്ണൻ (ISRO-തിരുവനന്തപുരം) മുംബൈ ഐ.ഐ.ടിയിൽ നിന്നും 24-08-24 ന് എം.ടെക്, പി എച്ച് ഡി ബിരുദങ്ങൾ നേടി. “Computational and Experimental Study of Non-equilibrium Flows in Arc-Heated Wind Tunnels” എന്നതായിരുന്നു ഗവേഷണ വിഷയം.

സഹധർമ്മിണി തിരുവേഗപ്പുറ ആനായത്ത് പിഷാരത്ത് പൗർണമി നാരായണൻ.

ശ്രീ വിനയ് ഉണ്ണികൃഷ്ണ്ന് പിഷാരടി സമാജത്തിന്റെയും വെബ്സൈറ്റിന്റെയും തുളസീദളത്തിന്റെയും അഭിനന്ദനങ്ങൾ !

മുംബൈ ശാഖാംഗങ്ങളായ കുത്തന്നൂർ പിഷാരത്ത് വിശ്വംഭരന്റെയും കാലടി പിഷാരത്ത് ശ്രീദേവിയുടെയും മകൾ വിസ്മയ പിഷാരോടി ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ 2024 നടത്തിയ CS ഫൈനൽ പരീക്ഷയിൽ വിജയം കരസ്ഥമാക്കി.

കുമാരി വിസ്മയക്ക് പിഷാരോടിക്ക് സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !

രൂപ രാഘവന് അഭിനന്ദനങ്ങൾ

2024ൽ നടന്ന കമ്പനി സെക്രട്ടറിഷിപ് ഫൈനൽ പരീക്ഷയിൽ കുമാരി രൂപ രാഘവ് പ്രശസ്ത വിജയം കരസ്ഥമാക്കി. കോഴിക്കോട് ശ്രീരുദ്രത്തിൽ തെക്കേപ്പുറത്ത് പിഷാരത്ത് രാഘവന്റെയും അപ്പംകളം പിഷാരത്ത് സുമ രാഘവന്റെയും മകളാണ് രൂപ. കുമാരി രൂപ രാഘവന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !

"രൂപ രാഘവന് അഭിനന്ദനങ്ങൾ"

ശ്രേയ അരവിന്ദ് മികച്ച യൂത്ത് പാർലമെന്റേറിയൻ

കേന്ദ്രീയ വിദ്യാലയ സംഘടൻ നടത്തിയ 35 മത് റീജിയണൽ ലെവൽ യൂത്ത് പാർലിമെന്റിൽ മികച്ച പാർലമെന്റേറിയൻ ആയി കുമാരി ശ്രേയ അരവിന്ദ് തിരഞ്ഞെടുക്കപ്പെട്ടു. തൃശൂർ ശാഖാ അംഗങ്ങളായ ശുകപുരത്ത് പിഷാരത്ത് അരവിന്ദന്റേയും(വെണ്ടയ്ക്ക വിലാസം സൂപ്പർമാർക്കറ്റ്, മുളകുന്നത്ത്കാവ്)  വട്ടേനാട്ട് പിഷാരത്ത് ശ്രുതിയുടെയും മകളാണ് കേന്ദ്രീയ വിദ്യാലയ പുറനാട്ടുകര, തൃശൂരിലെ പ്ലസ് വൺ വിദ്യാർത്ഥിനിയായ ശ്രേയ. ശ്രേയക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !

"ശ്രേയ അരവിന്ദ് മികച്ച യൂത്ത് പാർലമെന്റേറിയൻ"