Archives: Sakha Reports

പിഷാരോടി സമാജം ഇരിങ്ങാലക്കുട ശാഖയുടെ ജൂൺ മാസത്തെ യോഗം 27/06/21 ഞയറാഴ്ച്ച ഉച്ച തിരിഞ്ഞു 4.00 മണിക്ക് ഗൂഗിൾ മീറ്റ് വഴി നടത്തുകയുണ്ടായി.

കുമാരി കീർത്തിയുടെ ഈശ്വര പ്രാർത്ഥനയോടെ യോഗത്തിന് തുടക്കം കുറിച്ചു. യോഗത്തിന് എത്തിയ എല്ലാവരേയും സെക്രട്ടറി സ്വാഗതം ചെയ്‍തു .

കഴിഞ്ഞ മാസക്കാലയളവിൽ അന്തരിച്ച എല്ലാ സമുദായ അംഗങ്ങൾക്കും ആദരാഞ്ജലികൾ അർപ്പിച്ചു.

ഉപക്രമപ്രസംഗത്തിൽ പ്രസിഡണ്ട് ശ്രീ മതി മായാസുന്ദരേശ്വരൻ ഗൂഗിൾ മീറ്റിങ്ങിൽ കൂടുതൽ മെമ്പർമാർ പങ്കെടുത്തതിലും കോവിഡ് സമയത്തും സമാജം പ്രവർത്തനം ഊർജിതമായി നടക്കുന്നതിൽ സന്തുഷ്ടി പ്രകടിപ്പിച്ചു.

സെക്രട്ടറി അവതരിപ്പിച്ച പ്രവർത്തന റിപ്പോർട്ടും ട്രഷറർ അവതരിപ്പിച്ച കണക്കുകളും യോഗം പാസ്സാക്കി .

25/6/21 ന് നടന്ന കേന്ദ്രഭരണ സമിതി പ്രത്യേക യോഗത്തിൽ PET 2000നെ കുറിച്ച് ചർച്ച ചെയ്ത കാര്യങ്ങൾ സെക്രട്ടറി PE&WS ട്രഷറർ എന്നിവർ വിശദീകരിച്ചു.

ഇരിങ്ങാലക്കുട അറക്കൽ പിഷാരത്ത് ശ്രീമതി സരസ്വതി പിഷാരസ്യാരുടെ മകൻ ശശിയുടെ ചികിത്സാ സഹായമായി ശാഖയുടെ സഹായനിധി ഫണ്ടിൽ നിന്നും 10,000 രൂപ കൊടുത്തതിനു പുറമെ പിഷാരോടി എഡ്യൂക്കേഷണൽ & വെൽഫയർ സൊസൈറ്റിയിൽ നിന്നും അനുവദിച്ചു തന്ന 10,000 രൂപയും, ചൊവ്വര ശാഖ അവരുടെ സഹായനിധിയിൽ നിന്നും അനുവദിച്ചു തന്ന ചികിത്സാ സഹായം 10,000 രൂപയും സരസ്വതി പിഷാരസ്യാർ വശം ഏൽപ്പിച്ചതായും തദവസരത്തിൽ ശാഖാ സെക്രട്ടറി, വൈസ് പ്രസിഡന്റ്‌, ട്രഷറർ എന്നിവർ സന്നിഹിതരായിരുന്നതായും സെക്രട്ടറി യോഗത്തെ അറിയിച്ചു.

സമാജം കേന്ദ്ര കമ്മിറ്റി ഭാരവാഹികൾക്കും പ്രത്യേകിച്ച് ചൊവ്വര ശാഖാ ഭാരവാഹികൾക്കും ഇരിങ്ങാലക്കുട ശാഖയുടെ അകൈതവമായ നന്ദി രേഖപ്പെടുത്തി.

ക്ഷേമ നിധി നടത്തി .

ശ്രീ വേണുഗോപാലിന്റെ നന്ദിയോടെ യോഗം 5.30 മണിക്ക് അവസാനിച്ചു

സെക്രട്ടറി
ഇരിങ്ങാലക്കുട ശാഖ .

പിഷാരോടി സമാജം കോങ്ങാട് ശാഖയുടെ ജൂൺ മാസത്തെ യോഗം 13.6.21 ഞായറാഴ്ച രാവിലെ 11 മണിക്ക് ഓൺലൈനായി നടത്തി.

സെക്രട്ടറി യോഗത്തിൽ പങ്കെടുത്ത എല്ലാവർക്കും സ്വാഗതം പറഞ്ഞു.

നഗരിപ്പുറം പ്രശാന്തത്തിൽ പ്രശാന്തിന്റെ (കണ്ണനൂർ പിഷാരം) അകാല നിര്യാണത്തിലുംശാഖയുടെ സജീവ പ്രവർത്തകരിലൊരാളായ പറളി രാധാകൃഷ്ണപിഷാരോടിയുടെ (കണ്ണനൂർ പിഷാരം) നിര്യാണത്തിലും അനുശോചനം രേഖപ്പെടുത്തുകയും ആത്മശാന്തിക്കായി പ്രാർത്ഥിക്കുകയും ചെയ്തു.

പ്രസിഡണ്ടിന്റെ അദ്ധ്യക്ഷപ്രസംഗത്തിൽ കോവിഡ് മാഹാമാരിയിൽ ദുരിതമനുഭവിക്കുന്ന സ്വജനങ്ങളെ സഹായിക്കുവാനായി എല്ലാവരും തയ്യാറാവണമെന്ന് അഭ്യർത്ഥിച്ചു. കഴിഞ്ഞ വർഷത്തെ പോലെ ഈ വർഷവും മെമ്പർഷിപ്പ് പിരിവ് ഡിസംബർ ആവുമ്പോഴേക്കും കഴിയാൻ വേണ്ട ഏർപ്പാടുകൾ ചെയ്യണമെന്നും ഓർമ്മിപ്പിച്ചു. റിപ്പോർട്ടും കണക്കും അവതരിപ്പിച്ചത് അംഗീകരിച്ച് പാസ്സാക്കി. ചർച്ചയിൽ ശാഖയുടെ പ്രവർത്തനങ്ങളെക്കുറിച്ച് ചർച്ച ചെയ്തു. സമാജത്തിൻെറ വളരെ കാലത്തെ പ്രയത്നത്തിന്റെ ഫലമായി പിഷാരോടി എന്ന പേര് ഗവൺമെന്റിന്റെ ഗസററിൽ വന്ന കാര്യം എം.പി ഹരിദാസൻ സസന്തോഷം അറിയിച്ചു.

ശ്രീ .കെ .പി .അച്ചുണ്ണി പിഷാരോടി സുഭാഷിതത്തിൽ ഒരു ശ്ലോകം ചൊല്ലി അർത്ഥം വിവരിച്ചു. തുടർന്ന് online യോഗങ്ങൾ വളരെ ഭംഗിയായി നടത്താൻ നേതൃത്വം നൽകുന്ന ഹരിദാസനും ഇതിൽ പങ്കെടുത്ത എല്ലാവർക്കും നന്ദി രേഖപ്പെടുത്തുകയും ചെയ്തു. 12 മണിക്ക് യോഗം അവസാനിച്ചു.

അടുത്ത മാസത്തെയോഗം രണ്ടാമത്തെ ഞായറാഴ്ച ഇതേ സമയത്തു തന്നെ നടത്തുവാൻ തീരുമാനിച്ചു.