Archives: Sakha Reports

പാലക്കാട് ശാഖയുടെ ഡിസംബർ മാസ യോഗം ശ്രീ എം പി രാമചന്ദ്രന്റെ ഭവനമായ സാകേതത്തിൽ വച്ച് 18-12-22ന് നടത്തി.

പ്രസിഡണ്ട് ശ്രീ എ.പി ഉണ്ണികൃഷ്ണന് മീറ്റിങ്ങിൽ എത്താൻ പറ്റാതിരുന്ന സാഹചര്യത്തിൽ വൈസ് പ്രസിഡണ്ട് ശ്രീ T P ഉണ്ണികൃഷ്ണൻ അധ്യക്ഷത വഹിച്ചു.

ഗൃഹനാഥയുടെ ഈശ്വര പ്രാർത്ഥനയ്ക്ക് ശേഷം ശ്രീ എം പി രാമചന്ദ്രൻ മീറ്റിങ്ങിൽ എത്തിച്ചേർന്ന ഏവർക്കും സ്വാഗതം അരുളി. പുരാണ പാരായണം ഗൃഹനാഥൻ വളരെ ഭംഗിയായി നടത്തി. നമ്മെ വിട്ടുപിരിഞ്ഞു പോയവരുടെ ആത്മാക്കളുടെ ശാന്തിക്കായി പ്രാർത്ഥന നടത്തി. ശ്രീ K R രാമഭദ്രൻ അന്തരിച്ച കലാ. വാസു പിഷാരടിയെ കുറിച്ച് അനുസ്മരിക്കുകയും പ്രത്യേക അനുശോചനം രേഖപ്പെടുത്തുകയും ചെയ്തു .

സുഭാഷിതം പരിപാടിയിൽ ശ്രീ എം പി രാമചന്ദ്രൻ സംസ്കൃത ശ്ലോകങ്ങൾ ചൊല്ലി അർത്ഥം വിവരിച്ചത് ഏവർക്കും ഇഷ്ടപ്പെട്ടു.

അദ്ധ്യക്ഷൻ പ്രധാനമായും സർഗ്ഗോത്സവം പരിപാടിയിൽ പാലക്കാട് നിന്നും ഏവരും പങ്കുചേരണമെന്ന് അഭ്യർത്ഥിച്ചു. മീറ്റിങ്ങിന് എത്തിച്ചേർന്ന ഏവർക്കും അഭിനന്ദനങ്ങൾ അറിയിച്ചു .

അതിനു ശേഷം സെക്രട്ടറി പാലക്കാട് ശാഖയുടെ പ്രവർത്തനങ്ങളെക്കുറിച്ച് വിവരിച്ചു. സർഗ്ഗോത്സവം പരിപാടിയിലേക്ക് പാലക്കാട് ശാഖ 12,000 രൂപ മെമ്പർമാരിൽ നിന്നും പിരിച്ച് നൽകിയതായി അറിയിച്ചു. സർഗ്ഗോത്സവത്തിന് ശാഖ എങ്ങനെ പങ്കെടുക്കണമെന്ന വിഷയം ചർച്ചചെയ്ത് തീരുമാനിച്ചു. തുടർന്ന് ശ്രീ K R.രാമഭദ്രൻ കാർത്തിക ദീപം തെളിയിക്കുന്നതിന് പിന്നിൽ അദ്ദേഹത്തിന് തോന്നിയ യുക്തി വിവരിക്കുകയും ചരിത്രപരമായ പശ്ചാത്തലം വിവരിക്കുകയും ഉണ്ടായി. ശ്രീ M.P രാമചന്ദ്രനും അദ്ദേഹത്തിൻറെ അഭിപ്രായങ്ങൾ പറയുകയുണ്ടായി.

കോങ്ങാട് ശാഖയിലെ ശ്രീ E P. ഉണ്ണിക്കണ്ണ പിഷാരടി ശാഖയുടെ പ്രവർത്തനങ്ങൾ അനുമോദിക്കുകയും നമ്മൾ പ്രത്യേകം ശ്രദ്ധിക്കേണ്ട കാര്യങ്ങൾ വിവരിക്കുകയും, യുവതലമുറയുടെ ആവശ്യങ്ങളും ഇഷ്ടങ്ങളും അറിഞ്ഞ് മാതാപിതാക്കൾ പ്രവർത്തിച്ച് അവർക്ക് ശരിയായ മാർഗ്ഗനിർദ്ദേശം നൽകണമെന്നും അഭിപ്രായപ്പെട്ടു. അദ്ദേഹത്തിൻറെ അഭിപ്രായങ്ങൾ ഉൾക്കൊള്ളേണ്ടതാണെന്ന് ഏവരും സമ്മതിച്ചു. തുടർന്ന് ശ്രീ KR രാമഭദ്രന്റെയും A രാമചന്ദ്രന്റെയും ശ്രീമതി പ്രസന്നയുടെയും ഗാനാലാപനങ്ങൾ ഉണ്ടായി. ക്ഷേമനിധി നടത്തി.

അടുത്ത മാസത്തെ യോഗം ജനുവരി 15ന് ശ്രീ T P രാമൻകുട്ടിയുടെ ഭവനമായ C-1 Buildtech Greens മണപ്പിള്ളിക്കാവിൽ വച്ച് നടത്താമെന്ന് തീരുമാനിച്ചു . ട്രഷറർ ശ്രീ കെ ഗോപിയുടെ നന്ദി പ്രകടനത്തോടെ യോഗം വൈകിട്ട് 6 മണിക്ക് സമംഗളം പര്യവസാനിച്ചു.

ശാഖയുടെ ഡിസംബർ മാസത്തെ യോഗം ലക്ഷ്മിക്കുട്ടി പിഷാരസ്യാരുടെ ഭവനമായ മണലാടി പിഷാരത്ത് വെച്ച്. 17-12-22ന് 3PMനു കൂടി.

ഭവ്യ എസ് പിഷാരടിയുടെ പ്രാർത്ഥനയ്ക്ക് ശേഷം എം .പി. സന്തോഷ് എല്ലാവർക്കും സ്വാഗതമാശംസിച്ചു.

കഴിഞ്ഞ മാസക്കാലയളവിൽ അന്തരിച്ച സമുദായ അംഗങ്ങൾക്കും മൺ മറഞ്ഞ മറ്റുള്ളവർക്കും ആദരാഞ്ജലികൾ അർപ്പിച്ചു .

ശാഖയുടെ നേതൃത്വത്തിൽ സർഗ്ഗോത്സവത്തിലേക്ക് ഒരു പരിപാടി സംഘടിപ്പിക്കുവാനും പത്മിനി ഗോപിനാഥന്റെ നേതൃത്വത്തിൽ മെഗാ തിരുവാതിരക്കും അംഗങ്ങളെ പങ്കെടുപ്പിക്കുവാനും തീരുമാനിച്ചു. സർഗ്ഗോത്സവം വിജയപ്രദമാക്കാൻ ശാഖയിലെ എല്ലാ കുടുംബാംഗങ്ങളോടും പങ്കെടുക്കുവാൻ അഭ്യർത്ഥിച്ചു.

കെ പി. പീതാംബരന്റെ നന്ദി പ്രകടനത്തോടെ യോഗം അഞ്ചുമണിക്ക് സമാപിച്ചു.

ശാഖയുടെ 2022 ഡിസംബർ മാസത്തെ യോഗം 18-12-2022 ഞായറാഴ്ച 3 മണിക്ക് ആളൂർ ചെങ്ങാനിക്കാട്ട് ശ്രീകൃഷ്ണസ്വാമി ക്ഷേത്രത്തിന് സമീപം ചെങ്ങാനിക്കാട്ട് പിഷാരത്ത് ശ്രീ. സി ആർ രൂപേഷിൻറെ ഭവനത്തിൽ വെച്ച് ചേര്‍ന്നു.

മാസ്റ്റർ ശ്രീറാം രൂപേഷിൻറെ ഭക്തിസാന്ദ്രമായ നാരായണീയ ശ്ലോകങ്ങളാലുള്ള പ്രാർത്ഥനയോടെ യോഗ നടപടി ആരംഭിച്ചു.

മുൻ മാസ യോഗ ശേഷം ഉള്ള കാലയളവിൽ നമ്മെ വിട്ടു പിരിഞ്ഞ പിഷാരോടി സമുദായം അംഗങ്ങളുടെ ആത്മശാന്തിക്കായി മൌനമാചരിച്ചു.

ഗൃഹനാഥന്റെ പത്നി ശ്രീമതി സ്മിത രൂപേഷ് ഏവര്‍ക്കും ഹൃദ്യമായ സ്വാഗതം ആശംസിച്ചു.

മുൻ കേന്ദ്ര പ്രസിഡണ്ട്, സെക്രട്ടറി എന്നിങ്ങനെ വിവിധ സ്ഥാനം അലങ്കരിച്ച ശ്രീ കെ എ പിഷാരോടി, എറണാകുളം ശാഖ പ്രസിഡന്റ്‌ ശ്രീ ദിനേശ് പിഷാരോടി എന്നിവരുടെ സ്നേഹ സാന്നിദ്ധ്യം യോഗത്തിന് മാറ്റ് കൂട്ടി.

ശാഖ പ്രസിഡണ്ട് ശ്രീ. സി.പി. രാമചന്ദ്രന്‍ അദ്ധ്യക്ഷത വഹിച്ചു. ശാഖ പ്രവർത്തനങ്ങളെ കുറിച്ചും, സർഗ്ഗോത്സവം, ഗൃഹ സന്ദർശനം എന്നിവയെ കുറിച്ചും സംസാരിക്കുകയും തുടർന്നും ഏവരുടെയും സഹകരണം ഉണ്ടാകണമെന്നും അറിയിക്കുകയും സർഗ്ഗോത്സവം ഏറ്റവും വിജയകരമാക്കുന്നതിന് ഓരോ ശാഖ അംഗവും പരിശ്രമിക്കണമെന്നും അഭിപ്രായപ്പെട്ടു. സർഗ്ഗോത്സവം 2022 ലേക്കുള്ള കൊടകര ശാഖയുടെ വിഹിതം സംഘാടക സമിതി ക്ക് കൈമാറിയത് അറിയിക്കുകയും ആയതിനു സഹകരിച്ച ഓരോ ശാഖ അംഗത്തിനും നന്ദി പറയുകയും ചെയ്തു.

സർഗ്ഗോത്സവം ഷെഡ്യൂൾ സംബന്ധിച്ച് കൺവീനർ കൂടിയായ ശ്രീ രാജൻ സിത്താര വിശദീകരിച്ചു.

ഭാരതീയ വിദ്യാഭവൻ ജില്ലാ കലോത്സവത്തിൽ സംസ്കൃതം പദ്യപാരായണം ഭഗവത്ഗീത എന്നീ ഇനങ്ങളിൽ അ ഗ്രേഡോടെ സമ്മാനാർഹനായ മാസ്റ്റർ ശ്രീരാം രൂപേഷ്, കൊടകര ഗ്രാമപഞ്ചായത്ത് ബ്ലോക്ക് തല കേരളോത്സവ മത്സരങ്ങളിൽ ക്വിസ് ന് ഒന്നാം സ്ഥാനം നേടിയ നവരാഗ് രാമചന്ദ്രൻ, മോഹിനിയാട്ടം, നാടോടി നൃത്തം എന്നിവയിൽ സമ്മാനം നേടിയ നവനീത രാമചന്ദ്രൻ, ചാലക്കുടി മുൻസിപ്പാലിറ്റി കേരളോത്സവത്തിൽ മോഹിനിയാട്ടത്തിൽ സമ്മാനാർഹയായ കാർത്തിക ഗിരീഷ്, നാടോടി നൃത്തത്തിൽ സമ്മാനർഹയായ ലക്ഷ്മി പി ആർ എന്നിവരെ ഹാർദ്ദമായി അഭിനന്ദിക്കുകയും അനുമോദനങ്ങൾ നേരുകയും ചെയ്തു.

സർഗ്ഗോത്സവം 2022 ൽ ശാഖയിൽ നിന്നും മികച്ച സഹകരണം ഉറപ്പു വരുത്തുന്നതിനുള്ള നാടക കളരി, തിരുവാതിര, സംഘ നൃത്തം എന്നിവയുടെ പരിശീലന കളരികൾ ഏറ്റവും ഭംഗിയായി നടക്കുന്നുണ്ടെന്നും അവസാന മിനുക്കുപണികളിൽ ആണെന്നും സെക്രട്ടറി അറിയിച്ചു. സർഗ്ഗോത്സവം പരിപാടിക്ക് ശാഖയിൽ നിന്നും വാഹന സൗകര്യം ഏർപ്പാടുക്കുന്നതിനും മറ്റ് സജ്ജീകരണങ്ങളും ഒരുക്കുന്നതിന് എല്ലാവരും സഹകരിക്കണമെന്നും അറിയിപ്പ് എക്സിക്യൂട്ടീവ് അംഗങ്ങൾ മുഖേനയോ നവമാധ്യമ കൂട്ടായ്മയായ whatz app മുഖേനയോ പേര് വിവരം നൽകുന്നതിനും തീരുമാനിച്ചു.

സെക്രട്ടറി ശ്രീ. രാമചന്ദ്രന്‍ ടി.പി. മുൻ മാസത്തെ റിപ്പോര്‍ട്ട് അവതരിപ്പിച്ചത് യോഗം ഭേദഗതികളില്ലാതെ അംഗീകരിച്ചു. കണക്കുകൾ അടുത്ത യോഗത്തിലേക്ക് മാറ്റി വച്ചു.

വിവിധ വിഷയങ്ങളിലെ വിശദമായ ചർച്ചയിൽ എല്ലാവരും സജീവമായി പങ്കെടുത്തു.

വരിസംഖ്യ പിരിവ് 60% ആണെന്നും കൂടുതൽ ഊർജിതമാക്കുന്നതിന് ഏവരും സഹകരിക്കുന്നതിനും ഗൃഹസന്ദർശനങ്ങൾ നടത്തുന്നതിനും യോഗം തീരുമാനിച്ചു.

രണ്ട് ഡിവിഷൻ ക്ഷേമനിധികളും ലേലം ചെയ്തു നൽകി.

2023 ജനുവരി മാസത്തെ യോഗം 15.01.2023 ഞായറാഴ്ച 3 മണിക്ക് ഒമ്പതുങ്ങൽ ശ്രീകൃഷ്ണസ്വാമി ക്ഷേത്രത്തിന് സമീപം ശ്രീ. പീയൂഷ് ഗിരിജന്റെ ഭവനത്തിൽ വെച്ച് ചേരുന്നതിന് തീരുമാനിച്ചു

ശ്രീ. വി . പി. രാമചന്ദ്രൻ യോഗത്തിൽ പങ്കെടുത്ത എല്ലാവർക്കും, യോഗ ആതിഥേയത്വത്തിന് പ്രത്യേകിച്ചും ഹൃദ്യമായ നന്ദി പ്രകടിപ്പിച്ചു.
യോഗം 4.30 ന് അവസാനിച്ചു.

ശാഖയുടെ ഡിസംബർ മാസത്തെ യോഗം 12-12-2022 തിങ്കളാഴ്ച ഉച്ചയ്ക്ക് രണ്ടുമണിക്ക് ശാഖാ മന്ദിരത്തിൽ വച്ച് കൂടി.

കലാമണ്ഡലം വാസു പിഷാരോടിയുടെ പിണ്ഡ ക്രിയാദികൾക്ക് ശേഷം ശ്രീ ഗോപാലകൃഷ്ണ പിഷാരടി, ശ്രീ സുകുമാരൻ, ശ്രീ രാമചന്ദ്രൻ, ശ്രീ പ്രഭാകരൻ, ശ്രീ രാമഭദ്രൻ എന്നിവർ അനുശോചനം രേഖപ്പെടുത്തി.

യോഗത്തിൽ 16ഓളം അംഗങ്ങൾ പങ്കെടുത്തു. ശാന്ത പിഷാരസ്യാർ പ്രാർത്ഥനയും ശാന്താ നാരായണൻ, ദേവി എന്നിവർ പുരാണ പാരായണവും നടത്തി.

അച്യുതാനന്ദൻ ഏവർക്കും സ്വാഗതം പറഞ്ഞു. സർഗ്ഗോത്സവത്തിന് ഉള്ള സംഭാവനകൾ സമാഹരിച്ച് പതിനായിരം രൂപയാക്കി നൽകുവാൻ തീരുമാനിച്ചു.

അടുത്തവർഷത്തെ ശാഖാ യോഗങ്ങൾ പഴയതുപോലെ ഓരോരോ ഭവനങ്ങളിൽ വച്ച് നടത്തണമെന്ന് പ്രസിഡണ്ട് ആവശ്യപ്പെട്ടു. അതനുസരിച്ച് ജനുവരി മാസത്തെ യോഗം നഗരിപ്പുറം പ്രശാന്തത്തിൽ വച്ച് നടത്തുവാനും ഫെബ്രുവരി മാസത്തെ യോഗം ചെറായ ആണ്ടാം പിഷാരത്തെ കൃഷ്ണകൃപയിൽ വച്ച് നടത്തുവാനും തീരുമാനമായി.

യോഗത്തിൽ പങ്കെടുത്ത എല്ലാവർക്കും സുരേഷ് കുമാർ നന്ദി രേഖപ്പെടുത്തി.

ശാഖയുടെ ഡിസംബർ മാസത്തെ കുടുംബയോഗം 17-12-22 ന് ( ശനിയാഴ്ച) 3.30PMനു ഇരിങ്ങാലക്കുട വടക്കേ പിഷാരത്ത് രാധാകൃഷ്ണന്റെ വസതിയിൽവെച്ച് കൂടി.

ശ്രീമതി റാണി രാധാകൃഷ്ണന്റെ ഈശ്വര പ്രാർത്ഥനയോടെ യോഗം ആരംഭിച്ചു. കുടുംബനാഥൻ യോഗത്തിന് എത്തിച്ചേർന്ന എല്ലാ മെംബർമാരെയും കുടുംബാംഗങ്ങളെയും സ്വാഗതം ചെയ്തു.

കഴിഞ്ഞ മാസക്കാലയളവിൽ അന്തരിച്ച സമുദായ അംഗങ്ങൾക്കും മൺമറഞ്ഞ മറ്റ് ഉള്ളവർക്കും ആദരാജ്ഞലികൾ അർപ്പിച്ചു.

ലീവിൽ നാട്ടിൽ വന്നിട്ടുള്ള മുബൈ ശാഖാ അംഗം കല്ലങ്കര പിഷാരത്ത് ജയശ്രീ അതിഥിയായി മീറ്റിങ്ങിൽ പങ്കെടുത്തു.

അദ്ധ്യക്ഷ ശ്രീമതി മായാ സുന്ദരേശ്വരൻ തന്റെ ഉപക്രമത്തിൽ ഡിസംബർ മാസം 24ാം തിയ്യതി നടത്തുവാൻ പോകുന്ന സർഗ്ഗോത്സവം 2022 വളരെ ഭംഗിയായി നടത്തുവാൻ എല്ലാ മെംബർമാരും കുടുംബാംഗങ്ങളും സഹകരിക്കണമെന്നും ശാഖയിൽ നിന്നും പരമാവധി കുടുംബാംഗങ്ങളും സർഗ്ഗോത്സവത്തിന് പങ്കെടുക്കണമെന്നും അഭ്യർത്ഥിച്ചു .

ഇന്നത്തെ യോഗത്തിൽ വളരെയധികം മെംബർമാരും കുടുംബാംഗങ്ങളും സന്നിഹിതരായതിൽ പ്രസിഡണ്ട് സന്തുഷ്ടി പ്രകടിപ്പിച്ചു

സെക്രട്ടറി സി.ജി.മോഹനൻ അവതരിപ്പിച്ച പ്രവർത്തന റിപ്പോർട്ടും, ട്രഷറർ മോഹൻദാസ് കെ.പി തയ്യാറാക്കിയ വരവ് ചിലവ് കണക്കുകളും യോഗം പാസ്സാക്കി. സർഗ്ഗോത്സവത്തിന് കുടുംബാംഗങ്ങൾ നൽകിയ സംഭാവനകളെ കുറിച്ച് യോഗത്തെ അറിയിച്ചു. സംഭാവനകൾ നൽകാത്തവർ എത്രയും വേഗം എത്തിച്ചു തരണമെന്നും സെക്രട്ടറി അഭ്യർത്ഥിച്ചു.

സർഗ്ഗോത്സവത്തിന്റെ ON LINE meeting ന്റെ വിശദ വിവരങ്ങൾ പ്രസിഡണ്ട് യോഗത്തിൽ പങ്കുവെച്ചു.

സർഗ്ഗോത്സവം 2022 ന്റെ നടത്തിപ്പിന്റെ ചിലവുകൾക്കായി ഇരിങ്ങാലക്കുട ശാഖ ആദ്യ ഗഡു ആയ രൂപ 25,000 അയച്ചു കൊടുത്തതായും ബാക്കി പണം സർഗ്ഗോത്സവത്തിന് മുമ്പ് കൊടക്കുന്നതാണെന്നും അറിയിച്ചു. സർഗ്ഗോത്സവത്തിൽ പങ്കെടുക്കുവാൻ ശാഖയിൽ നിന്നും വേണ്ട യാത്രാ സൗകര്യം ഒരുക്കിയതായും സെക്രട്ടറി യോഗത്തെ അറിയിച്ചു. ശാഖ നടത്തുവാൻ പോകുന്ന പ്രോഗ്രാമിന്റെ വിശദ വിവരങ്ങളും ചെയ്യേണ്ട കാര്യങ്ങളും ഭാസിരാജ് വിശദീകരിച്ചു. ശ്രീമതി റാണി രാധാകൃഷണൻ ശാഖയിൽ നിന്നും മെഗാതിരുവാതിരയിൽ പങ്കെടുക്കുന്നവർ ഒന്നിച്ച് പ്രാക്ടിസ് തുടങ്ങിയ വിവരവും പങ്കുവെച്ചു.

ക്ഷേമനിധി നടത്തി.

ശ്രീ രാജൻ പിഷാരോടി യോഗത്തിന് എത്തിയ മെംബർമാർക്കും കുടുംബാംഗങ്ങൾക്കും യോഗത്തിന് വേണ്ട സൗകര്യങ്ങൾ ഒരുക്കിയ രാധാകൃഷ്ണൻ കുടുംബത്തിനും നന്ദി പ്രകാശിപ്പിച്ചു.
യോഗം 5.45 PM ന് അവസാനിച്ചു.

സെക്രട്ടറി
പിഷാരോടി സമാജം
ഇരിങ്ങാലക്കുട ശാഖാ