Archives: Sakha Reports

ശാഖയുടെ മാർച്ച് മാസത്തെ യോഗം 16-3-2025നു 3.15PMനു മാങ്കുറ്റിപാടം പിഷാരത്ത് ഗോപി പിഷാരോടിയുടെ(ഗോവിന്ദൻകുട്ടി) ഭവനത്തിൽ ശ്രീ രാജൻ സിത്താരയുടെ അദ്ധ്യക്ഷതയിൽ ചേർന്നു. മാസ്റ്റർ ധനജ്ഞയയുടെ ഈശ്വര പ്രാർത്ഥനയോടെ യോഗ നടപടികൾ ആരംഭിച്ചു. കഴിഞ്ഞ മാസങ്ങളിൽ നമ്മെ വിട്ടുപിരിഞ്ഞ സമുദായ അംഗങ്ങൾക്ക് അനുശോചനം രേഖപ്പെടുത്തി. ഗൃഹനാഥൻ ശ്രീ ഗോപി പിഷാരോടി യോഗത്തിന് എത്തിച്ചേർന്നവർക്ക് സ്വാഗതം ആശംസിച്ചു. ശ്രീ രാജൻ സിത്താര അദ്ധ്യക്ഷ പ്രസംഗത്തിൽ കേന്ദ്ര തീരുമാനങ്ങളെക്കുറിച്ചു വിശദീകരിച്ചു. കേന്ദ്രത്തിൽ നിന്നുള്ള നിർദ്ദേശപ്രകാരം കഴകക്കാരുടെ വിശദാംശങ്ങൾ ശേഖരിക്കുകയും അവരുമായി ആശയവിനിമയം നടത്തി ശാഖയിലെ കഴകക്കാർ നേരിടുന്ന പ്രശ്നങ്ങളും പരിഹാരങ്ങളും കണ്ടെത്തി കേന്ദ്രത്തിലേക്ക് റിപ്പോർട്ട് നൽകേണ്ടതിന്റെ ആവശ്യകതയെ കുറിച്ചും സംസാരിച്ചു. മാർച്ച് 31നു മുൻപ് റിപ്പോർട്ട് സമർപ്പിക്കാൻ തീരുമാനമെടുത്തു. യുവജനങ്ങളെ ഉൾപ്പെടുത്തിക്കൊണ്ട് തുളസീദളം കലാസാംസ്കാരിക സമിതിയുടെ ഉദ്ഘാടനം ഏപ്രിൽ 16ന് രമേഷ് പിഷാരടി നിർവ്വഹിക്കുന്നതായും അദ്ധ്യക്ഷൻ അറിയിച്ചു. സമിതിയുടെ ശാഖ പ്രതിനിധികളായി വൈശാഖ് മോഹനേയും ഹരിത മണികണ്ഠനേയും തിരഞ്ഞെടുത്തു. പ്രതിനിധി സഭാ ലിസ്റ്റ് പുതുക്കി കേന്ദ്രത്തിന് അയച്ചുകൊടുക്കാൻ തീരുമാനമായി.
മെയ് 25നു നടക്കുന്ന കേന്ദ്ര വാർഷികത്തിന്റെ ആതിഥേയരായ ഇരിഞ്ഞാലക്കുട ശാഖ സെക്രട്ടറി പങ്കുവെച്ച കാര്യങ്ങൾ സെക്രട്ടറി യോഗത്തെ അറിയിച്ചു. ഇരിഞ്ഞാലക്കുട ശാഖയിൽ നിന്നുമുള്ള നിർദ്ദേശങ്ങൾ വന്നശേഷം കൊടകര ശാഖ അവതരിപ്പിക്കുന്ന കലാപരിപാടികൾ മറ്റു കാര്യങ്ങൾ എന്നിവയെക്കുറിച്ച് വിശദമായ ചർച്ച നടത്തുവാൻ തീരുമാനിച്ചു.

കൊടകര ശാഖയുടെവാർഷിക പൊതുയോഗം ഏപ്രിൽ 20ന് നടത്തുവാൻ തീരുമാനമായി.സ്ഥലം മറ്റു കാര്യങ്ങൾ എന്നിവ എക്സിക്യൂട്ടീവ്കമ്മിറ്റി ഓൺലൈൻ യോഗത്തിലൂടെ എല്ലാവരുടെയും നിർദ്ദേശങ്ങൾ സ്വീകരിച്ച് നടത്തുവാൻ തീരുമാനിച്ചു. സെക്രട്ടറി രമ്യ രാധാകൃഷ്ണൻ അവതരിപ്പിച്ച ഫെബ്രുവരി മാസത്തെ റിപ്പോർട്ടും എംപി വിജയൻ അവതരിപ്പിച്ച കണക്കുകളും യോഗം അംഗീകരിച്ചു. തുളസീദളം വരിസംഖ്യ വർദ്ധനവ് കണക്കിലെടുത്ത് ശാഖയുടെ വരിസംഖ്യ വർദ്ധനവ് എങ്ങനെ വേണമെന്ന് അടുത്ത പൊതുയോഗത്തിൽ ചർച്ച ചെയ്യുവാൻ തീരുമാനിച്ചു. ടി ആർ ജയൻ യോഗത്തിന് എത്തിച്ചേർന്ന എല്ലാവർക്കും യോഗം നടത്തുവാൻ സൗകര്യമൊരുക്കിത്തന്ന ശ്രീ ഗോപി പിഷാരോടിയ്ക്കും കുടുംബത്തിനും നന്ദി പറഞ്ഞു, കൂട്ടായ്മയുടെ പ്രതീകമായ ഫോട്ടോ സെഷന് ശേഷം കൃത്യം 5 .15ന് യോഗം അവസാനിച്ചു.

ഇരിങ്ങാലക്കുട ശാഖയുടെ 2025 മാർച്ച് മാസത്തെ കുടുംബ യോഗം 23-3-25നു 4PMനു മാപ്രാണം പുത്തൻ പിഷാരത്ത് ശ്രീഹരികുമാറിൻ്റെ വസതിയിൽ വെച്ച് ശാഖാ പ്രസിഡണ്ട് ശ്രീമതി മായാ സുന്ദരേശ്വരൻ്റെ അദ്ധ്യക്ഷതയിൽ കൂടി. ശ്രീമതി സ്മിത ഹരികുമാർ ഈശ്വര പ്രാർത്ഥന ചൊല്ലി. ശാഖയുടെ കമ്മിറ്റി മെംബർമാരെയും , വനിതാ വിങ്ങ് ഭാരവാഹികളെയും, കുടുംബാംഗങ്ങളെയും, ഗൃഹനാഥൻ ശ്രീ ഹരികുമാർ സ്വാഗതം ചെയ്തു.

കഴിഞ്ഞ മാസക്കാലയളവിൽ അന്തരിച്ച സമുദായ അംഗങ്ങൾക്കും, മറ്റുള്ളവർക്കും, മൗന പ്രാർത്ഥനയോടെ യോഗം ആദരാഞ്ജലികൾ അർപ്പിച്ചു. അദ്ധ്യക്ഷ ശ്രീമതി മായാ സുന്ദരേശ്വരൻ കഴിഞ്ഞ മാസക്കാലയളവിൽ സമുദായ അംഗങ്ങൾക്ക് കിട്ടിയ പുരസ്കാരങ്ങൾക്കും, അവാർഡുകൾക്കും ശാഖയുടെ പേരിൽ പ്രത്യേകം അഭിനന്ദനങ്ങൾ അറിയിച്ചു. സമസ്ത കേരള വാരിയർ സമാജം കൂടൽ മാണിക്യം കാരയ്മ കഴകം പുന:സ്ഥാപിക്കുന്നതിനുവേണ്ടി കൂടൽ മാണിക്യം ക്ഷേത്ര പരിസരത്ത് സംഘടിപ്പിച്ച പ്രതിഷേധ സംഗമത്തിൽ പിഷാരോടി സമാജത്തെ പ്രതിനിധികരിച്ച് ശാഖാ പ്രസിഡണ്ടും, സെക്രട്ടറിയും പങ്കെടുത്ത വിവരം യോഗത്തെ അറിയിച്ചു. ഇതുമായി ബന്ധപ്പെട്ട് വാരിയർ സമാജം എടുക്കുന്ന തീരുമാനങ്ങളോട് പിഷാരോടി സമാജവും സഹകരിച്ച് പ്രവർത്തിക്കുമെന്ന് വാരിയർ സമാജത്തെ കേന്ദ്ര നിർദ്ദേശ പ്രകാരം അറിയിക്കുകയും ചെയ്തു.
അധികം വൈകാതെ അംമ്പലവാസികളുടെ ഒരു കൂട്ടായ്മ്മ ( വാര്യർ, പിഷാരോടി, നമ്പീശൻ , മാരാർ, പൊതുവാൾ തുടങ്ങിയവർ) ഗുരുവായൂരിൽ ചേർന്ന് മുന്നോട്ടുള്ള കൂട്ടായ പ്രവർത്തനത്തിന് വാര്യർ സമാജം നേതൃത്വം നൽകുമെന്ന് വാര്യർ സമാജം ജനറൽ സെക്രട്ടറി അറിയിച്ചിരുന്ന കാര്യവും യോഗത്തിൽ പങ്കുവെച്ചു .

കേന്ദ്ര വാർഷിക നടത്തിപ്പിൻ്റെ കാര്യങ്ങൾ യോഗത്തിൽ പങ്കു വെച്ചു. സെക്രട്ടറി സി.ജി. മോഹനൻ കഴിഞ്ഞ മാസ യോഗത്തിൻ്റെ മിനിട്ട്സ് വായിച്ചത് യോഗം പാസ്സാക്കി. ട്രഷറർ കെ.പി. മോഹൻദാസ് അവതരിപ്പിച വരവ് ചിലവ് കണക്കുകളും യോഗം പാസ്സാക്കി. കേന്ദ്ര വാർഷികം ഭംഗിയായി നടത്തുവാൻ ഇതുവരെ ചെയ്ത കാര്യങ്ങളും ‘ഇനി ബാക്കി ചെയ്യേണ്ട കാര്യങ്ങളെ പറ്റിയും യോഗത്തിൽ വിശദമായി ചർച്ച ചെയ്തു

കുടുംബ യോഗത്തിൽ വിചാരിച്ചതിലും കൂടുതൽ മെംബർമാർ എത്തിയത് സന്തോഷകരമായ കാര്യമാണെന്നും, ഇത് കേന്ദ്ര വാർഷികത്തിന് ചുക്കാൻ പിടിക്കുന്ന ഇരിങ്ങാലക്കുട ശാഖയുടെ നേതൃത്വത്തിൽ ഉള്ള സ്വാഗത സംഘത്തിന് പ്രത്യേക ഉർജ്ജം നൽകുമെന്നും സെക്രട്ടറി യോഗത്തിൽ പറഞ്ഞു. കേന്ദ്ര വാർഷികം നടത്തുന്നതിനെപ്പറ്റി പ്രവർത്തനത്തിൽ ഉള്ള ശാഖകൾക്ക് അയച്ചു കത്തിനു ഇതുവരെ രേഖാമൂലം യാതൊരു വിധ അറിയിപ്പും കിട്ടിയിട്ടില്ല എന്ന വിവരം സെക്രട്ടറി യോഗത്തെ അറിയിച്ചതിൻ്റെ അടിസ്ഥാനത്തിൽ വീണ്ടും ഒരു Reminder Letter അയക്കുവാൻ യോഗത്തിൽ തീരുമാനമായി. പ്രവർത്തനത്തിൽ ഉള്ള ശാഖാ സെക്രട്ടറിമാർ അവരവരുടെ ശാഖകളിൽ നിന്ന് (ഒരു കോർഡിനേറ്ററിൻ്റെ പേര് നിർദ്ദേശിച്ച് )കേന്ദ്ര വാർഷികത്തിൻ്റെ കാര്യങ്ങൾ അറിയിക്കുവാനും , വാട്ട്സ്പ്പ് ഗ്രൂപ്പ് ഉണ്ടാകുവാനും, ( For easy communication) ആ വിവരം ഇരിങ്ങാലക്കുട ശാഖാ സെക്രട്ടറിയെ അറിയിക്കുവാനും, യോഗത്തിൽ ചർച്ചക്ക് ഒടുവിൽ തീരുമാനമായി.

കേന്ദ്ര വാർഷികം ഭംഗിയായി നടത്തുവാൻ ഇരിങ്ങാലക്കുട ശാഖ എല്ലാ മുൻ ഒരുക്കങ്ങളും, ശ്രമങ്ങളും നടത്തിക്കൊണ്ടിരിക്കുകയാണെന്നും, ഏപ്രിൽ ആദ്യവാരത്തിൽ നോട്ടീസ്സ്, ബുക്ക് ലെറ്റ്, സംഭാവനാ കുപ്പൺ ബുക്ക് എന്നിവ പ്രവർത്തനത്തിൽ ഉള്ള ശാഖകളുടെ കോർഡിനേറ്റർമാർക്ക് അയച്ചു കൊടുക്കുവാൻ പറ്റുന്ന രീതിയിൽ അതിൻ്റെ പണികൾ നടന്നു കൊണ്ടിരിക്കുകയാണെന്നും സെക്രട്ടറി യോഗത്തെ അറിയിച്ചു. ശാഖയിലെ കഴകക്കാരെ ആദരിക്കുന്ന കാര്യം അവരുടെ സൗകര്യവും മറ്റും അവരുമായി ആലോചിച്ച ശേഷം മതിയെന്ന് തീരുമാനമാനിച്ചു.

ശാഖയുടെ വാർഷികം ഏപ്രിൽ മാസം 20നു 3PMനു നമ്പൂതിരിസ് ഓഡിറ്റോറിയത്തിൽ വെച്ച് ഭംഗിയായി നടത്തുവാനും തീരുമാനമായി, വാർഷികത്തിൻ്റെ നടപടിക്രമങ്ങളും മറ്റു് വിവരങ്ങളും യഥാസമയം അംഗങ്ങളെ അറിയിക്കുവാൻ യോഗം സെക്രട്ടറിയെ ചുമതലപ്പെടുത്തി.

ഇരിങ്ങാലക്കുട ശാഖയുടെ ആതിഥേയത്തിൽ നടത്തപ്പെടുന്ന കേന്ദ്ര വാർഷികത്തിൽ പങ്കെടുക്കുവാനായി ശാഖയിലെ പരിധിയിൽപ്പെടുന്ന ( മാപ്രാണം ഇരിങ്ങാലക്കുട , തൃപ്രയാർ, കാട്ടൂർ, കൊടുങ്ങല്ലൂർ, ചെന്ത്രാപ്പിനി , കൊറ്റനല്ലൂർ ), ദൂരെയുള്ള അംഗങ്ങളും ബന്ധു മിത്രാദികളും നേരത്തെ പ്ലാൻ ചെയ്യണമെന്ന് സെക്രട്ടറി യോഗത്തിൽ ആഭ്യർത്ഥിച്ചു.

തുളസീദളം കലാ സാംസ്കാരിക സമിതിയിലേക്ക് ശാഖയിൽ നിന്നും 3 മെംബർമാരെ( സാന്ദ്രാ രാധാകൃഷ്ണൻ , ആരതി സോമനാഥൻ , മുരളി ബാലെ) എന്നിവരെ നോമിനേറ്റ് ചെയ്ത വിവരവും, 23-3-25 ന് നടന്ന കലാ സമിതിയുടെ ആദ്യ യോഗത്തിൽ മുരളി ബാലെ പങ്കെടുത്ത വിവരങ്ങൾ പങ്കുവക്കുകയും ചെയ്തു . ദൂരസ്ഥലങ്ങളിൽ ജോലി ചെയ്യുന്ന അംഗങ്ങളെയും കേന്ദ്ര വാർഷികത്തിൻ്റെ വിവരങ്ങൾ വാട്ട്സ്പ്പ് വഴി അറിയിക്കുവാനം ധാരണയായി.

പരസ്പര സഹായ നിധി നടത്തി. കുടുംബയോഗത്തിന് വേണ്ട എല്ലാ സൗകര്യങ്ങളും ചെയ്തന്ന ഹരികുമാർ, സ്മിതാ കുടുംബത്തിനും മീറ്റിങ്ങിൽ പങ്കെടുത്ത എല്ലാവർക്കും ശ്രമതി ദേവി മുകുന്ദൻ നന്ദി പ്രകാശിപ്പിച്ചതോടെ യോഗം 6.45 ന് പര്യവസാനിച്ചു.
സെക്രട്ടറി
സമാജം
ഇരിങ്ങാലക്കുട ശാഖ.

പാലക്കാട് ശാഖ മാർച്ച് മാസ യോഗം 23-3-25ന് ശ്രീ T P രാമൻകുട്ടിയുടെ ഭവനം, സി വൺ ബിൽ ടെക് ഗ്രീൻ അപ്പാർട്ട്മെൻ്റ്, മണപ്പുള്ളിക്കാവിൽ വച്ച് നടത്തി. പാലക്കാട് വളരെ ചൂട് കൂടിയ അന്തരീക്ഷത്തിലും 36 ഓളം പേർ പങ്കെടുത്ത് യോഗം വൻ വിജയമാക്കി. ശ്രീമതിമാർ ദേവി രാമൻകുട്ടി, സതി രാമചന്ദ്രൻ എന്നിവരുടെ ഈശ്വര പ്രാർത്ഥനയോടെ യോഗം ആരംഭിച്ചു.

ഗൃഹനാഥൻ ടി പി രാമൻകുട്ടി യോഗത്തിൽ എത്തിച്ചേർന്ന ഏവരെയും സ്വാഗതം ചെയ്തു. യോഗത്തിന് എസി ഹാൾ ബുക്ക് ചെയ്ത് തന്നതിന് ശ്രീ T P രാമൻകുട്ടിക്ക് ശാഖ പ്രത്യേകം നന്ദി അറിയിച്ചു. പുരാണ പാരായണം പരിപാടിയിൽ യോഗത്തിന് എത്തിച്ചേർന്നിരുന്ന അംഗങ്ങൾ കൂടി നാരായണീയം വളരെ ഭക്തിസാന്ദ്രമായി ചൊല്ലി. കഴിഞ്ഞ കാലയളവിൽ നമ്മെ വിട്ടുപിരിഞ്ഞുപോയ പുണ്യാത്മാക്കളുടെ നിത്യശാന്തിക്കായി മൗന പ്രാർത്ഥന നടത്തി.

കഞ്ചിക്കോട് ഈയിടെ നടന്ന ഒരു ഗ്യാസ് ചോർച്ച ദുരന്തം ഒഴിവാക്കാൻ യഥോചിതമായ നടപടികൾ സ്വീകരിച്ച ശ്രീമതി രമ്യ രാധാകൃഷ്ണനെ യോഗത്തിൽ അനുമോദിക്കുകയും ഉപഹാരം നൽകുകയും തുടർന്നും ഇതുപോലെയുള്ള സമയോചിതമായ നടപടികൾ എല്ലാവരും കൈക്കൊള്ളണമെന്ന് അഭ്യർത്ഥിക്കുകയും ചെയ്തു. പ്രസിഡൻറ് ശ്രീ ഏ പി സതീഷ് കുമാർ സദസ്സിനെ അഭിസംബോധന ചെയ്തു. ഏപ്രിൽ, മെയ് മാസങ്ങളിൽ വരാനിരിക്കുന്ന കേന്ദ്ര കമ്മിറ്റി പ്രതിനിധി സഭാ യോഗത്തെയും ഇരിഞ്ഞാലക്കുടയിൽ വച്ച് നടത്താനിരിക്കുന്ന കേന്ദ്ര വാർഷികത്തെയും കുറിച്ച് സംസാരിച്ചു. ശാഖയുടെ ക്ഷേമനിധി വീണ്ടും ആരംഭിക്കുകയാണെന്നും സദസ്സിനെ അറിയിച്ചു. സെക്രട്ടറി വിശദമായി വിവരങ്ങൾ അവതരിപ്പിച്ചു. ഈയിടെ കൂടൽമാണിക്യം ക്ഷേത്രത്തിൽ ഉണ്ടായ സംഭവവികാസങ്ങളെ ചുരുങ്ങിയ വാക്കുകളിൽ സൂചിപ്പിച്ചു. പാലക്കാട് ശാഖയിലും കാരായ്മ/കഴക പ്രവർത്തി ചെയ്യുന്നവരുടെ പ്രശ്നങ്ങൾ ചർkച്ച ചെയ്തു. എല്ലായിടത്തും കാണുന്ന പോലെ ചില ചില്ലറ പ്രശ്നങ്ങളും ഉന്നയിച്ചു. കേന്ദ്രത്തിന്റെ ശ്രദ്ധയിൽപ്പെടുത്താവുന്ന വിവരങ്ങൾ ധരിപ്പിക്കാമെന്ന് തീരുമാനിച്ചു. ശാഖയിൽ നിന്നും തിരഞ്ഞെടുക്കപ്പെട്ട പ്രതിനിധി സഭാംഗങ്ങൾ ഏപ്രിൽ 27ലെ യോഗത്തിനെത്തിച്ചേരേണ്ടതിന്റെ ആവശ്യകത പ്രത്യേകം ചർച്ച ചെയ്തു. കുടിശ്ശിക ഒന്നുമില്ലാതെ പാലക്കാട് ശാഖ എല്ലാ കേന്ദ്ര വിഹിതങ്ങളും അടച്ചുതീർത്തതായി സെക്രട്ടറി അറിയിച്ചു. ക്ഷേമനിധി നടത്തി. കഴിഞ്ഞ യോഗത്തിൽ ശ്രീ ഏ രാമചന്ദ്രൻ വളർന്നുവരുന്ന കുറ്റകൃത്യങ്ങളും കുറയ്ക്കാനുള്ള നടപടികളും വളരെ ശക്തമായി കുറ്റവാളികളെ ശിക്ഷിക്കേണ്ട ആവശ്യകതയും വിവരിക്കുകയുണ്ടായി. അതിന്റെ രണ്ടാം ഭാഗമായി ഈ യോഗത്തിലും സംസാരിച്ചു. വളരെ സമകാലീന പ്രസക്തമായ വിഷയങ്ങളാണ് അദ്ദേഹം സദസ്സിനെ ഉദ്ബോധിപ്പിച്ചത്. ഇതു പോലെയുള്ള സംഭാഷണങ്ങൾ തുടർന്നും ശാഖയിലെ യോഗങ്ങളിൽ തുടരുന്നതായിരിക്കുമെന്ന് അറിയിച്ചു. സുഭാഷിതം പരിപാടിയിൽ ശ്രീ എം പി രാമചന്ദ്രൻ സംസ്കൃതം ശ്ലോകം ഉദ്ധരിച്ച് അർത്ഥം വിവരിച്ചു. ശാഖയിലെ എല്ലാ യോഗങ്ങളിലും സുഭാഷിതം പരിപാടി ഉൾപ്പെടുത്താറുണ്ടെന്നതിന് യോഗം അഭിനന്ദിച്ചു. കേന്ദ്ര വാർഷികത്തിൽ ചുരുങ്ങിയത് രണ്ടു പരിപാടികളെങ്കിലും ശാഖയിൽ നിന്നും അവതരിപ്പിക്കാൻ തീരുമാനിച്ചു.

വൈസ് പ്രസിഡൻറ് ശ്രീ ടി പി ഉണ്ണികൃഷ്ണന്റെ നന്ദി പ്രകടനത്തോടെ ആറുമണിക്ക് യോഗം സ മംഗളം പര്യവസാനിച്ചു.

04-08-2024 ന് ശാഖാ സെക്രട്ടറി പ്രസിഡൻ്റ് തുടങ്ങി ഭരണസമിതി അംഗങ്ങൾ രാജിവെച്ചതിനാൽ പ്രവർത്തനം നിശ്ചലമായതിനെ തുടർന്ന് 23-02-25 ന് കേന്ദ്രഭരണ സമിതി വിളിച്ചു ചേർത്ത പ്രത്യേക യോഗത്തിൽ ശാഖയിലെ നിലവിലെ കമ്മറ്റി തുടരുകയും പ്രവർത്തനം മുന്നോട്ടു കൊണ്ടുപോകുന്നതിനും തീരുമാനമെടുത്തു. കേന്ദ്ര കമ്മറ്റിയുടെ(ജനറൽ സെക്രട്ടറി) രേഖാമൂലമുള്ള നിർദ്ദേശ പ്രകാരം ശാഖാ സെക്രട്ടറി കെ.പി. മുരളിയോട് ശാഖായോഗം വിളിച്ചു ചേർത്ത് പ്രവർത്തനം തുടരുവാൻ ആവശ്യപ്പെടുകയും ചെയ്തു. അതിൻപ്രകാരം ശാഖയുടെ മാസാന്ത ഭരണസമിതി യോഗം 23–03–25 ന് ഞായറാഴ്ച വൈകുന്നേരം മൂന്ന് മണിക്ക് Dr. വാസുദേവൻ്റെ ഭവനമായ പുലാമന്തോൾ “ശാന്തി”യിൽ വച്ച് ചേർന്നു.

പ്രസിഡൻ്റിൻ്റെ അഭാവത്തിൽ വൈസ് പ്രസിഡൻ്റ്  ഡോ. വാസുദേവൻ അദ്ധ്യക്ഷത വഹിച്ചു. ഗൃഹനാഥ Dr. തുളസി, നാരായണി കുട്ടി പിഷാരസ്യാർ , കെ.പി കരുണാകര പിഷാരോടി എന്നിവർ ചേർന്ന് ഭദ്രദീപം തെളിയിച്ചു. Dr. വാസുദേവൻ ഏവർക്കും സ്വാഗതം പറഞ്ഞു. കെ.പി. മുരളി പ്രാർത്ഥനയും, എ. ആർ ഉണ്ണി നാരായണീയ പാരായണവും നിർവ്വഹിച്ചു.

വളരേ ശുഷ്കമായി കൊണ്ടിരിക്കുന്ന ഒരു സമുദായത്തിൻ്റെ ഇതിഹാസ തുല്യവും മാതൃകാപരവുമായ ആത്മീയ സംസ്കാരം സംരക്ഷിക്കുന്നതിനും പകർന്നു നൽകുന്നതിനും നമുടെ സമുദായം നിലനിൽക്കേണ്ടത് അത്യാവശ്യമാണ്. അതുകൊണ്ടുതന്നെ പരസ്പരം മനസ്സിലാക്കിയും തെറ്റുകുറ്റങ്ങൾ പൊറുത്തും മുന്നോട്ടു പോയാൽ മാത്രമേ തലയുയർത്തി നിൽക്കാൻ സാധിക്കയുള്ളൂ. അല്ലെങ്കിൽ തലതാഴ്തി മടങ്ങി ഒതുങ്ങി ഒടുങ്ങേണ്ടി വരുമെന്നും ഇത് മനസ്സിലാക്കി പ്രവർത്തിക്കാൻ എല്ലാവരും തയ്യാറാവണമെന്നും അദ്ധ്യക്ഷ ഭാഷണത്തിൽ ഡോ. വാസുദേവൻ പറഞ്ഞു.

ഈ കാലയളവിൽ നമ്മേ വിട്ടു പിരിഞ്ഞ സ്വജനാംഗങ്ങൾക്കും മറ്റു പ്രമുഖ വ്യക്തികൾക്കും നിത്യശാന്തിക്കായി മൗന പ്രാർത്ഥനയോടെ അനുശോചനം രേഖപ്പെടുത്തി.

ഈ വർഷത്തെ കിളിക്കുന്ന് കാവ് ” ഭദ്രപ്രിയ” പുരസ്കാരത്തിന് അർഹനായ ഡോ. വാസുദേവനേ യോഗം അനു ചോദിച്ചു. 30-3-25ന് നടക്കുന്ന പുരസ്കാര സമർപ്പണ ചടങ്ങിൽ പരമാവധി അംഗങ്ങൾ പങ്കെടുക്കണമെന്ന് സെക്രട്ടറി അഭ്യർത്ഥിച്ചു. കൂടാതെ മറ്റു മേഖലകളിൽ ഉന്നത വിജയവും മറ്റും കരസ്ഥമാക്കിയ എല്ലാ സമുദായാഗങ്ങളേയും യോഗം അഭിനന്ദിച്ചു.

തുടർന്ന് 4- 8-24ലെ യോഗ റിപ്പോർട്ട് സെക്രട്ടറിയും ഇതുവരെയുള്ള കണക്ക് ട്രഷററും അവതരിപ്പിച്ചത് യോഗം ചർച്ച ചെയ്ത് അംഗീകരിച്ചു. ഇരിങ്ങാലക്കുട കഴകക്കാരുടെ പ്രശ്നത്തിൽ കേന്ദ്രമെടുക്കുന്ന തീരുമാനത്തിന് പിന്തുണ നൽകുവാൻ തീരുമാനിച്ചു.

കേന്ദ്ര പ്രതിനിധി സഭാംഗങ്ങൾ –  നിലവിൽ പ്രവർത്തനം നിലച്ചിരുന്ന ശാഖയുടെ ഇപ്പോഴത്തെ പ്രത്യേക പരിതസ്ഥിതി കണക്കിലെടുത്ത് നിലവിലുള്ള പ്രതിനിധി സഭാംഗങ്ങളിൽ നിന്നും വ്യക്തിപരമായി പങ്കെടുക്കുവാൻ കഴിയില്ലെന്നറിയിച്ച നാലു പേരേ ഒഴിവാക്കി പുതിയ നാലുപേരേ ഉൾക്കൊള്ളിച്ച് പുതിയ പ്രതിനിധി സഭാംഗങ്ങളെ തിരഞ്ഞെടുക്കുകയും ലിസ്റ്റ് കേന്ദ്രത്തിനയക്കുവാൻ തീരുമാനിക്കുകയും ചെയ്തു.

പ്രതിനിധി സഭാഗങ്ങൾ :-

1. കെ.പി. മുരളി, – Pho:9447672144

2.ഡോ.വാസുദേവൻ 9846764228,

3 . ഐ.പി.ഗോവിന്ദരാജൻ 9446768010

4 എ.പി സദാനന്ദൻ കരിക്കാട് -95399 11971,

5.തുവ്വൂർ രാമകൃഷ്ണൻ – 9400684677,

6.എ.രഘുനാഥനുണ്ണി – 8943649854,

7.സി പി ബാലകൃഷ്ണപിഷാരോടി ചെങ്ങര 994641640,

8 എ.പി. വേണുഗോപാൽ 9496361520,

9.എം.പി. വേണുഗോപാൽ 974560816,

10 എ അജയകുമാർ

11 . കാർവണ്ണൻ പുന്നപ്പാല 9495741362,

12. കരുണകരപിഷാരോടി 994664776,

13. ആനന്ദൻ കൊളത്തൂർ 9020091784,

14 . അച്ചുതൻ, എൻ, എസ്സ് പാലൂർ

15 മഞ്ജുള K

16.എ. കൃഷ്ണദാസ് 9446409 208,

17.കോട്ടക്കൽ ഹരീശ്വരൻ.

തുടർന്ന് നടന്ന സംഘടനാ ചർച്ചയിൽ സമാജ വരിസംഖ്യ, തുളസീദളം, ട്രസ്റ്റ് വരിസംഖ്യ, പ്രവർത്തന ഫണ്ട് എന്നിവ പരമാവധി വേഗത്തിൽ പിരിച്ചെടുക്കുന്നതിനും കിട്ടുന്നതിനനുസരിച്ച് കേന്ദ്ര കുടിശ്ശിക തീർക്കാനും തീരുമാനിച്ചു.

തുളസിദളം കലാസാംസ്കാരിക സമിതിയിലേക്ക് ശാഖയുടെ പ്രതിനിധികളായി, കൃഷ്ണപുരത്ത് മുരളി, കോട്ടക്കൽ ഹരീശ്വരൻ, മായ പാലൂർ എന്നിവരെ തിരഞ്ഞെടുത്തു.

ശാഖാ പ്രവർത്തനത്തിൻ്റെ ഭാഗമായി ഒരു ഏകദിന വിജ്ഞാന വിനോദയാത്ര സംഘടിപ്പിക്കുവാൻ തീരുമാനിച്ചു. പറയിപെറ്റ പന്തിരുകുലത്തിലെ രണ്ടോമൂന്നോ ആത്മീയ കേന്ദ്രങ്ങൾ സന്ദർശ്ശിക്കാനും ആയത് മെയ് ആദ്യവാരം നടത്തുന്നതിനും വേണ്ട കാര്യങ്ങൾ ചെയ്യുന്നതിനും അച്ചുതൻ, അജയൻ, എ ആർ ഉണ്ണി എന്നിവരെ ചുമതലപ്പെടുത്തി.

അടുത്ത മാസയോഗം കൊളത്തൂർ വച്ച് നടത്തുവാൻ തീരുമാനിച്ചു. ട്രഷറർ വേണുഗോപാലിൻ്റെ നന്ദിയോടെ യോഗം സമാപിച്ചു.

കോങ്ങാട് ശാഖയുടെ മാർച്ച് യോഗം 23-03-25നു 1.30PMനു പ്രസിഡണ്ട് ശ്രീ K P പ്രഭാകര പിഷാരോടിയുടെ അദ്ധ്യക്ഷതയിൽ കുമാരി മേധയുടെ ഈശ്വര പ്രാർത്ഥനയോടെ ആരംഭിച്ചു. ശ്രീ K P രാമചന്ദ്ര പിഷാരോടി സ്വാഗതം ആശംസിച്ചു. കാവിൽ പിഷാരത്ത് ശ്രീ K P പദ്മനാഭ പിഷാരോടിയുടെ സഹധർമിണി മണ്ണെങ്കോട് കൊട്ടക്കോട്ടു കുറിശ്ശി പിഷാരത് ശ്രീമതി സരസ്വതിയുടെ നിര്യാണത്തിൽ അനുശോചനം രേഖപ്പെടുത്തി.

ഉപക്രമ പ്രസംഗത്തിൽ പ്രസിഡണ്ട് ഏപ്രിൽ 27നു തൃശൂരിൽ നടക്കുന്ന പ്രതിനിധി സഭാ യോഗത്തിൽ പങ്കെടുക്കേണ്ട പ്രതിനിധികളുടെ കരട് തയ്യാറാക്കിയത് അവതരിപ്പിച്ചത് യോഗം അംഗീകരിച്ചു. കേന്ദ്ര വാർഷികത്തിന് കലാ പരിപാടികൾ അവതരിപ്പിക്കാൻ ആഗ്രഹിക്കുന്ന അംഗങ്ങളുടെ വിവരങ്ങൾ പെട്ടെന്ന് അയക്കേണ്ടത്തിൻ്റെ ആവശ്യകത ഓർമ്മിപ്പിച്ചു. അടുത്ത മാസത്തെ ഏകദിന യാത്രയെ പറ്റി നടന്ന ചർച്ചയിൽ 10-04-25്ന് കൊച്ചിയിലേക്ക് പോകാൻ വേണ്ട തയ്യാറെടുപ്പുകൾ നടത്താൻ ശ്രീമതി ഗീതയെ ചുമതലപ്പെടുത്തി.

ഫെബ്രവരി മാസത്തെ റിപ്പോർട്ട് അംഗീകരിച്ചു. വരവ് ചിലവ് കണക്കുകൾ അടുത്ത മാസം അവതരിപ്പിക്കുമെന്നും അറിയിച്ചു.

ശ്രീമതി ഉഷാ ദേവിയുടെ നന്ദി പ്രകടനത്തോടെ യോഗം അവസാനിച്ചു.

മുംബൈ ശാഖയുടെ 449മത് ഭരണസമിതി യോഗം 23-03-25നു വീഡിയോ കോൺഫറൻസ് വഴി 10.30 AM നു പ്രസിഡണ്ട് ശ്രീ എ പി രഘുപതിയുടെ അദ്ധ്യക്ഷതയിൽ കൂടി.

മാസ്റ്റർ സത്യജിത് ശ്രീകുലിന്റെ പ്രാർത്ഥനയോടെ തുടങ്ങിയ യോഗം ഈയിടെ അന്തരിച്ച സമുദായാംഗങ്ങളുടെ പേരിൽ അനുശോചനം രേഖപ്പെടുത്തി.

സെക്രട്ടറി അവതരിപ്പിച്ച മുൻ യോഗ റിപ്പോർട്ട്, ഖജാൻജി അവതരിപ്പിച്ച കണക്കുകൾ എന്നിവ യോഗം അംഗീകരിച്ചു. വർഷാവസാനത്തിന് മുമ്പായി കേന്ദ്ര വിഹിതങ്ങളൂം വരിസംഖ്യകളും കേന്ദ്ര അക്കൗണ്ടുകളിലേക്ക് നിക്ഷേപിക്കാൻ ഖജാൻജിയെ ചുമതലപ്പെടുത്തി.

കേന്ദ്ര വാർഷികത്തിലേക്ക് കലാ പരിപാടികൾ അവതരിപ്പിക്കാൻ എൻട്രികൾ കിട്ടുന്നതനുസരിച്ച് മാർച്ച് 31നു മുമ്പായി ഇരിഞ്ഞാലക്കുട ശാഖാ സെക്രട്ടറിയെ അറിയിക്കാൻ കലാവിഭാഗത്തെ ചുമതലപ്പെടുത്തി.

ചികിത്സാ സഹായത്തിനായി ഒരു അംഗത്തിൽ നിന്നും ലഭിച്ച കത്ത് യോഗം ചർച്ച ചെയ്തു ശാഖാ പരിമിതിയിൽ ചെയ്യാവുന്ന ഒരു തുക നൽകുവാൻ തീരുമാനിച്ചു. ഇത്തരത്തിൽ ഈയിടെയായി വിവിധ അംഗങ്ങളിൽ നിന്നും ലഭിക്കുന്ന അഭ്യർത്ഥനകൾക്ക് സഹായം നൽകുവാൻ ശാഖയിൽ ഇപ്പോഴുള്ള ഫണ്ട് അപര്യാപ്‌തമാണെന്നും കഴിവുള്ള അംഗങ്ങൾ ഇക്കാര്യത്തിൽ ഉദാരമായ സംഭാവനകൾ നൽകണമെന്നും ഒരിക്കൽകൂടി അഭ്യര്ഥിക്കുവാൻ തീരുമാനിച്ചു.

ഏപ്രിൽ 27നു നടക്കുന്ന കേന്ദ്ര പ്രതിനിധി സഭാ യോഗത്തിൽ കഴിയുന്നത്ര ശാഖാ പ്രതിനിധികൾ പങ്കെടുക്കണമെന്നും മെയ് 25നുള്ള കേന്ദ്ര വാർഷികത്തിലും തദവസരത്തിൽ നാട്ടിലുള്ള എല്ലാ ശാഖാ അംഗങ്ങളും പങ്കെടുക്കണമെന്നും സെക്രട്ടറി അഭ്യർത്ഥിച്ചു.

തുടർന്ന് സെക്രട്ടറിയുടെ നന്ദി പ്രകാശനത്തോടെ യോഗം 12 മണിയോടെ പര്യവസാനിച്ചു.

വടക്കാഞ്ചേരി ശാഖയുടെ മാർച്ച് മാസ യോഗം 9-3-25നു 3PMനു ശാഖ രക്ഷാധികാരി ശ്രീ. എ .പി. രാജന്റെ വസതി “ശ്രീവിലാസ”ത്തിൽ വെച്ച് പ്രസിഡണ്ട് ശ്രീ .എം.പി. ഉണ്ണികൃഷ്ണന്റെ അദ്ധ്യക്ഷതയിൽ കൂടി.

ഗൃഹനാഥ ശ്രീമതി എൻ. പി. രമ ടീച്ചർ ഭദ്രദീപം കൊളുത്തി. ശ്രീമതി പത്മിനി ഗോപിനാഥ് പ്രാർത്ഥന ചൊല്ലി. ശ്രീ എ. പി .രാജൻ യോഗത്തിന് വന്നവർക്ക് സ്വാഗതം ആശംസിച്ചു. കഴിഞ്ഞ മാസക്കാലയളവിൽ അന്തരിച്ച സമുദായ അംഗങ്ങളുടെ ആത്മശാന്തിക്കായി അനുശോചനം നടത്തി.

അദ്ധ്യക്ഷ പ്രസംഗത്തിൽ യുവാക്കളിൽ അധികരിച്ചു വരുന്ന ലഹരി ഉപയോഗത്തെക്കുറിച്ചും അതുകൊണ്ടുള്ള വിപത്തുകളെക്കുറിച്ചും വിശദമായി സംസാരിച്ചു. സമൂഹത്തിലെ ലഹരി ഉപയോഗം ഇല്ലാതാക്കുന്നതിന് സമുദായത്തിലെ എല്ലാ അംഗങ്ങളും മുൻകൈയെടുത്ത് പ്രവർത്തിക്കണമെന്നു ഓർമ്മപ്പെടുത്തുകയും ചെയ്തു. കഴക പ്രവർത്തിയിൽ ഏർപ്പെട്ടിരിക്കുന്ന കാരായ്മ കഴകക്കാർ പരമാവധി ആ പ്രവർത്തിയിൽ തുടരണമെന്നും കഴക പ്രവർത്തി വളരെ ഭംഗിയായും വൃത്തിയായും ചെയ്യണമെന്നും അതിനെ കുറച്ച് ബോധവാന്മാരാകണം എന്നും ഓർമ്മിപ്പിച്ചു.

തുടർന്ന് നടന്ന ചർച്ചയിൽ കേന്ദ്ര വാർഷികത്തിൽ പങ്കെടുക്കുന്ന ശാഖാംഗങ്ങളുടെ എണ്ണത്തെക്കുറിച്ചും പരിപാടികളെക്കുറിച്ചും വളരെ വിശദമായി ചർച്ച ചെയ്യുകയും കലാപരിപാടികൾക്ക് നേതൃത്വം നൽകാൻ ശ്രീമതി ശ്രീശൈല മുരളിയെ ചുമതലപ്പെടുത്തുകയും ചെയ്തു. ശ്രീ. എൻ. പി. കൃഷ്ണനുണ്ണിയുടെ നന്ദി പ്രകടനത്തോടെ യോഗം സമാപിച്ചു.

തിരുവനന്തപുരം ശാഖയുടെ മാർച്ച് മാസ കുടുംബസംഗമം മാർച്ച് 9 ന് ശ്രീ മുരളീധരൻ പി പി യുടെയും ശ്രീമതി രമാദേവിയുടെയും വെള്ളയമ്പലം വസതിയിൽ വെച്ച് നടന്നു. ആതിഥേയൻ ശ്രീ മുരളീധരൻ അംഗങ്ങളെ സ്വാഗതം ചെയ്തു. ശ്രീമതി പത്മാവതി പിഷാരസ്യാർ പ്രാർത്ഥന ചൊല്ലി.

ശ്രീമതി പാർവതി പിഷാരസ്യാരെ (പരേതനായ കെ പി കൃഷ്ണ പിഷാരടിയുടെ പത്നി, ശ്രീ മുരളീധരൻ പി പി, കലാദേവി പി പി എന്നിവരുടെ അമ്മ) അവരുടെ 90-ാം ജന്മദിനത്തിൽ ആദരിച്ചു. തിരുവനന്തപുരം ശാഖയെ പ്രതിനിധീകരിച്ച് ശ്രീ ജഗദീഷ് പിഷാരടിയും ശ്രീമതി ശ്രീദേവിയും പാർവതി പിഷാരസ്യാരെ പൊന്നാട അണിയിച്ച് ആദരിച്ചു. ശ്രീ ഹരിദാസ് പി, ശ്രീ ഗോപിനാഥ് പി ജി, മംഗളനാദ പിഷാരടി എന്നിവർ പാർവതി പിഷാരസ്യാർക്ക് ആശംസകൾ നേർന്നു. ശ്രീമതി പാർവതിപിഷാരസ്യാരോടുള്ള ആദരസൂചകമായി ശ്രീമതി പത്മാവതി പിഷാരസ്യാർ ഭാഗവതത്തെക്കുറിച്ച് ഒരു കൃതി പാരായണം ചെയ്തു.

ഏപ്രിൽ 27 ന് തൃശൂരിൽ പ്രതിനിധി സഭ യോഗവും മെയ് 25 ന് ഇരിങ്ങാലക്കുടയിൽ കേന്ദ്ര വാർഷിക പൊതുയോഗവും നടക്കുമെന്ന് ശ്രീ ജഗദീഷ് പിഷാരടി അംഗങ്ങളെ അറിയിച്ചു. ഫെബ്രുവരി മാസ ശാഖ റിപ്പോർട്ട് ശ്രീ അനൂപ് പി പി വായിക്കുകയും ശാഖയുടെ കണക്കുകൾ അവതരിപ്പിക്കുകയും ചെയ്തു.

തുടർന്ന് ശ്രീമതി ശ്രീദേവി പിഷാരസ്യാർ ശ്രീകൃഷ്ണ സ്തുതിയും, ഹർഷിത് വിഷ്ണു ചലച്ചിത്ര ഗാനങ്ങളും ആലപിച്ചു.

അടുത്ത മാസത്തെ കുടുംബസംഗമത്തിന്റെ തിയതി വാട്ട്‌സ്ആപ്പ് ഗ്രൂപ്പ് വഴി അറിയിക്കുമെന്ന് തീരുമാനിച്ച്, കുടുംബസംഗമത്തിനു ആതിഥേയത്വം വഹിച്ചതിന് ശ്രീ മുരളീധരനും കുടുംബത്തിനും ശ്രീ മംഗളനാദ നന്ദി പറഞ്ഞുകൊണ്ട് യോഗം പര്യവസാനിച്ചു.