Archives: Sakha Reports

ഇരിങ്ങാലക്കുട ശാഖയുടെ 24-ാമത് വാർഷിക പൊതുയോഗം 22-9-24 ഞായറാഴ്ച ശ്രീമതി മായാ സുന്ദരേശ്വരൻ്റെ അദ്ധ്യക്ഷതയിൽ ഇരിങ്ങാലക്കുട നമ്പൂതിരിസ് ഇൻസ്റ്റിറ്റൂട്ട് ഓഡിറ്റോറിയത്തിൽ വെച്ച് കൂടി.

രാവിലെ 8.30 മണിക്ക് വിഷ്ണു സഹസ്രനാമ ജപത്തോടെ വാർഷികത്തിന് തുടക്കം കുറിച്ചു , തുടർന്ന് മാലകെട്ട് മത്സരവും നടന്നു. ശാഖാ ജോ: സെക്രട്ടറി പി. മോഹനൻ അംഗങ്ങളെയും കുടുബാംഗങ്ങളെയും, കൂടാതെ വിശിഷ്ട അതിഥികളായ കൂടൽ മാണിക്യം ദേവസ്വം ചെയർമാൻ ബഹു.ശ്രീ സി.കെ. ഗോപി അവർകളെയും , കൗൺസിലർ ശ്രീമതി സ്മിതാ കൃഷ്ണകുമാർ , സമാജം കേന്ദ്ര പ്രസിഡണ്ട് ശ്രീഹരി കൃഷ്ണ പിഷാരോടി , സമാജം ജനറൽ സെക്രട്ടറി കെ.പി. ഗോപകുമാർ, മുംബൈ മുൻ ശാഖാ സെക്രട്ടറി ശ്രീ. പി. വിജയൻ എന്നിവരെയും സ്വാഗതം ചെയ്തു .

കുമാരി സ്വാതി മുകുന്ദൻ  ഈശ്വര പ്രാർത്ഥന ചൊല്ലി, കൂടൽ മാണിക്യം ചെയർമാൻ അഡ്വ സി.കെ. ഗോപിയും മറ്റു വിശിഷ്ടാതിഥികളും ചേർന്ന് ദീപം തെളിയിച്ചതോടെ വാർഷിക പൊതു യോഗത്തിന് തുടക്കമായി. കൂടൽ മാണിക്യം ചെയർമാൻ അഡ്വ സി.കെ. ഗോപി ഉദ്ഘാടന പ്രസംഗത്തിൽ സാമ്പത്തിക ശാസ്ത്രത്തെ കുറിച്ചും ഇന്നത്തെ നമ്മുടെ രാജ്യത്തെ സാമ്പത്തിക യാഥാർഥ്യത്തെ കുറിച്ചും , സമാജത്തിൻ്റെ പ്രവർത്തനങ്ങളെ കുറിച്ചും സംസാരിച്ചു . തുടർന്ന് വാർഡ് കൗൺസിലർ ശ്രീമതി സ്മിതാ കൃഷ്ണകുമാർ സമാജം ഇരിങ്ങാലക്കുട ശാഖ ചെയ്യുന്ന സൽപ്രവൃത്തികളെ പ്രശംസിച്ച് സംസാരിച്ചു. പ്രത്യേകിച്ച് വിദ്യാർത്ഥികൾക്കുള്ള സ്ക്കോളർഷിപ്പ് വിതരണം , ചികിത്സാ സഹായം, സാമ്പത്തിക ബുദ്ധിമുട്ട് അനുഭവിക്കുന്നവർക്ക് ധനസഹായം, മരണാനന്തര ധനസഹായം എന്നിവയെ കുറിച്ച് സംസാരിച്ചു.

അദ്ധ്യക്ഷ ശ്രീമതി മായാ സുന്ദരേശ്വരൻ തൻ്റെ ഭാഷണത്തിൽ ശാഖ നടത്തി വരുന്ന ഓരോ പ്രവർത്തനങ്ങളെ പറ്റി സംസാരിച്ചു. ശാഖാ ആദ്യമായി നടപ്പിലാക്കിയ സ്ക്കോളർഷിപ്പ് കൊടുക്കുന്നത് വളരെ സന്തോഷം നിറഞ്ഞ കാര്യമാണെന്നും, ശാഖയിൽ ജോലി ചെയ്യുന്ന യുവതി യുവാക്കളാണ് സ്ക്കോളർഷിപ്പ് സ്പോൺസർ ചെയ്തതെന്നും അദ്ധ്യക്ഷ എടുത്ത് പറഞ്ഞു. അവർക്ക് ശാഖയുടെ പ്രത്യേക അഭിനന്ദനങ്ങളും അറിയിച്ചു. കൂടാതെ PE&WS പുതിയതായി തുടങ്ങിയ ഹ്യുമാനിറ്റിസ് അവാർഡ് ശാഖ സ്പോൺസർ ചെയ്ത കാര്യവും അറിയിച്ചു.

കേന്ദ്ര പ്രസിഡണ്ട് തൻ്റെ പ്രസംഗത്തിൽ ഇരിങ്ങാലക്കുട ശാഖയുടെ പ്രവർത്തനം ഏറ്റവും നല്ല രീതിയിൽ നടക്കുന്നതിലും, കേന്ദ്ര കമ്മിറ്റി മീറ്റിങ്ങിൽ ഇരിങ്ങാലക്കുട ശാഖയുടെ പ്രാതിനിധ്യം എപ്പോഴും ഉണ്ടാകാറുണ്ടെന്നും പറഞ്ഞു. ശാഖ നടപ്പിലാക്കിയ വിദ്യാഭ്യാസ സ്ക്കോളർഷിപ്പ് ഏറ്റവും ഉചിതമായ തീരുമാനം ആണെന്നും എടുത്ത് പറഞ്ഞു.

ജനറൽ സെക്രട്ടറി കെ. പി. ഗോപകുമാർ കേന്ദ്ര കമ്മിറ്റി എടുക്കുന്ന തീരുമാനങ്ങൾ യഥാസമയം ശാഖാ മെംബർ മാരിൽ എത്തിക്കുകയും അവരുടെ അഭിപ്രായങ്ങൾ കേന്ദ്രത്തെ അറിയിക്കുകയും ചെയ്യുന്ന കാര്യത്തിൽ ഇരിങ്ങാലക്കുട ശാഖാ എന്നും മുന്നിൽ ആണെന്ന് പറഞ്ഞു. വരിസംഖ്യ പിരിവിലും സമാജത്തിൻ്റെ വിഭാഗങ്ങളിലേക്ക് ഉള്ള വിഹിതം യഥാ സമയം എത്തിച്ച് കൊടുക്കുന്ന ശാഖകളിൽ ഒന്നാമത് ഇരിങ്ങാലക്കുട ശാഖയാണെന്ന് എടുത്ത് പറഞ്ഞു. കേന്ദ്ര വാർഷികത്തിൽ ശാഖയിൽ നിന്നും കൂടുതൽ മെംബർ എത്തിചേരണമെന്നും പറയുകയുണ്ടായി .

പി. വിജയൻ തൻ്റെ ഭാഷണത്തിൽ ഇരിങ്ങാലക്കുട ശാഖയുടെ പ്രവർത്തനം മികവുറ്റ താണെന്നും, ചാരിറ്റി വഴി നടത്തുന്ന സൽപ്രവൃത്തികളെയും, വളരെ കാര്യക്ഷമമായി പ്രവർത്തിക്കുന്ന ശാഖകളിൽ ഒന്നാണ് ഇരിങ്ങാലക്കുടയെന്നും പറഞ്ഞു.

തുടർന്ന് 80 വയസ്സിനു മുകളിൽ ആദരിക്കുന്ന ചടങ്ങിൽ നമ്മുടെ ശാഖാ അംഗവും, ഇപ്പോൾ മാപ്രാണത്ത് താമസിക്കുന്ന ആലത്തൂർ പിഷാരത്ത് ഉണ്ണികൃഷ്ണ പിഷാരോടിയെ കേന്ദ്ര പ്രസിഡണ്ട് പൊന്നാട അണിയിച്ച് ആദരിച്ചു.

10, 12, ക്ലാസ്സിൽ ഉന്നത വിജയം കരസ്ഥമാക്കിയ ശാഖയിലെ വിദ്യാർത്ഥികളെ പാരിതോഷികവും ക്യാഷ് അവാർഡും കൊടുത്ത് ആദരിച്ചു. തുടർന്ന് ശാഖ നടപ്പിൽ വരുത്തിയ വിദ്യാർത്ഥികൾക്കുള സ്ക്കോളർ ഷിപ്പിൻ്റെ വിതരോണൽഘാടനം കേന്ദ്ര പ്രസിഡണ്ട് നിർവ്വഹിച്ചു. ശാഖയിൽ പഠിക്കുന്ന LP Section മുതൽ ഡിഗ്രി വരെയുള്ള 15 വിദ്യാർത്ഥികൾക്ക് സ്ക്കോളർഷിപ്പ് നൽകി.

സെക്രട്ടറി സി.ജി. മോഹനൻ അവതരിപ്പിച്ച 22 -23 വാർഷികത്തിൻ്റെ മിനിട്ട്സും, 23-24 ലെ പ്രവർത്തന റിപ്പോർട്ടും സദസ്സ് കയ്യടിച്ച് പാസ്റ്റാക്കി. ട്രഷറർ കെ. പി. മോഹൻദാസ് തയ്യാറാക്കിയ 2023-24 വർഷത്തെ വരവ് ചിലവ് കണക്കുകൾ യോഗം പാസ്സാക്കി .

തുടർന്നു ശാഖയുടെ ലേഡീസ് വിങ്ങിൻ്റെ നേതൃത്വത്തിൽ കലാ പരിപാടികൾക്ക് തുടക്കമായി. വനിതകൾ ചേർന്നു തിട്ടപ്പെടുത്തിയ കൈക്കൊട്ടികളി നിറഞ്ഞ സദസ്സ് ആനന്ദ ലഹരിയോടെ വരവേറ്റു. യുവതികൾ ഒരുക്കിയ ഭരതനാട്യം, മോഹിനിയാട്ടം, സിനിമാറ്റിക്കു ഡാൻസ്, ക്ലാസ്സിക്കൽ ഡാൻസ്, ഓണപ്പാട്ട്കൾ, കവിതാ പാരായണം സിനിമാ പാട്ടുകൾ എന്നിവ സദസ്സിലെ ആബാലവൃദ്ധം കയ്യടിച്ച് പ്രോത്സാഹിപ്പിച്ചു.

അഞ്ച് വയസ്സിന് താഴെയുള്ള രണ്ട് കുട്ടികളുടെ ഡാൻസ്, പാട്ട് എന്നിവ തികച്ചും വ്യതസ്ഥമായി കാണികൾക്ക് അനുഭവപ്പെട്ടു. പ്രതീക്ഷിച്ചതിലും കൂടുതൽ അംഗങ്ങളും കുടുംബാംഗങ്ങളും യോഗത്തിന് എത്തിയത് സദസ്സിന് മാറ്റ് കൂട്ടി . ഉച്ചക്ക് വിഭവ സമൃദമായ സദ്യക്കു ശേഷം വീണ്ടും പരിപാടികൾ സ്റ്റേജിൽ അരങ്ങേറി.

ലേഡിസിൻ്റെ മുസിക്കൽ ചെയർ , തംബോല ഫാമിലി ഗെയിസ് എന്നിവയും നടത്തപ്പെട്ടു .

സമാജം ശാഖാ പ്രസിഡണ്ട് ശ്രീമതി മായാ സുന്ദരേശ്വരനും , PE&WS ട്രഷറർ ശ്രീ രാജൻ പിഷാരോടിയും ചേർന്ന് കലാ പ്രതിഭകൾക്ക് സമ്മാനദാനം നിർവ്വഹിച്ചു.

വാർഷികത്തിൽ പങ്കെടുത്ത എല്ലാ അംഗങ്ങൾക്കും, വിശിഷ്ട വ്യക്തികളായ കൂടൽ മാണിക്യം ചെയർമാൻ ബഹു: അഡ്വ ശ്രീ സി.കെ. ഗോപി അവർകൾക്കും, വാർഡ് കൗൺസിലർ ശ്രീമതി സ്മിതാ കൃഷ്ണകുമാറിനും , കേന്ദ്ര പ്രസിഡണ്ട് ഹരികൃഷ്ണ പിഷാരോടിക്കും ജനറൽ സെക്രട്ടറി കെ.പി. ഗോപകുമാറിനും , ശ്രീ. പി. വിജയൻ അവർകൾക്കും, മറ്റും യോഗത്തിന് വേണ്ട ഓഡിറ്റോറിയം തുടങ്ങിയ സൗകര്യങ്ങൾ ചെയ്ത് തന്ന നമ്പൂതിരിസ് ഇൻസ്റ്റിറ്റ്യൂട്ട് മാനേജ്മെൻ്റിനും, പ്രഭ ലൈറ്റ് & സൗണ്ട് , സ്വാദിഷ്ടമായ സദ്യ തയ്യാർ ചെയ്ത് തന്ന വൃന്ദാവൻ കാറ്ററിങ്ങ് സർവിസസ്സ് ഇരിങ്ങാലക്കുടക്കും, സദ്യ സ്പോൺസർ ചെയ്ത മഹൽ വ്യക്തിക്കും, മറ്റ് വിധത്തിൽ സ്പോൺസർ ചെയ്ത നല്ലവരായ സമാജം കുടുംബാംഗങ്ങൾക്കും VP രാധാകൃഷ്ണൻ നന്ദിരേഖപ്പെടുത്തി. ദേശീയ ഗാനത്തിനുശേഷം 4.30 മണിക്ക് വാർഷിക പൊതു യോഗത്തിന് സമാപ്തമായി .
സി. ജി. മോഹനൻ
സെക്രട്ടറി
ഇരിങ്ങാലക്കുട ശാഖ.

Click below link to view photos of the event in gallery.

https://samajamphotogallery.blogspot.com/2024/09/2024.html

തൃശൂർ ശാഖയുടെ ഓണാഘോഷം 2024 സെപ്റ്റംബർ 22 ന് തൃശൂർ തിരൂർ വടകുറുമ്പകാവ് ഭഗവതി ക്ഷേത്രം ഓഡിറ്റോറിയത്തിൽ ശാഖ പ്രസിഡണ്ട് ശ്രീ വിനോദ് കൃഷ്ണന്റെ അദ്ധ്യക്ഷതയിൽ കുമാരി ദേവിക ഹരികൃഷ്ണന്റെ പ്രാർത്ഥനയോടെ ആരംഭിച്ചു. ശാഖ വൈസ് പ്രസിഡണ്ട് ശ്രീ എ. രാമചന്ദ്ര പിഷാരോടി ഏവർക്കും സ്വാഗതം പറഞ്ഞു. ഓണാഘോഷം തുളസീദളത്തിൽ കൊടുത്ത പ്രകാരം ആസ്ഥാന മന്ദിരത്തിൽ വെച്ച് നടത്താനാണ് മുമ്പേ തീരുമാനിച്ചിരുന്നതെങ്കിലും പിന്നീട് പ്രോഗ്രാമുകളും പങ്കെടുക്കുന്നവരും കൂടിയതിനാൽ സ്ഥലം സന്തോഷത്തോടെ മാറ്റേണ്ടി വന്നു. കഴിഞ്ഞ വർഷത്തെ മെഡിക്കൽ ക്യാമ്പ് ഇവിടെയാണ്‌ നടത്തിയത്. ക്ഷേത്രത്തിന്റെ സെക്രട്ടറി ശ്രീ ഹരിയുമായി സംസാരിച്ചപ്പോൾ അദ്ദേഹം യാതൊരു നിബന്ധനകളുമില്ലാതെ അപേക്ഷ പോലും വാങ്ങാതെയാണ് ഓഡിറ്റോറിയം അനുവദിച്ചു തന്നത്. എല്ലാ വർഷവും സദ്യക്കുള്ള വിഭവങ്ങൾ നമ്മുടെ വനിതാംഗങ്ങൾ വീടുകളിൽ തയ്യാറാക്കിക്കൊണ്ട് വരികയാണ് പതിവ്. എന്നാൽ ഈ വർഷം അതിനും മാറ്റം വരുത്തി. ഇന്ന് ഇവിടെ നടക്കുന്ന ഓണാഘോഷങ്ങൾ വളരെ ഗംഭീരമാകും എന്ന് ഉറപ്പാണ്. ഇന്ന് ഇവിടെ എത്തിയിട്ടുള്ളവരുടെ പേരുകൾ പ്രോഗ്രാമിന്റെ അവസാനം നറുക്കെടുത്ത് സമ്മാനങ്ങൾ നൽകുന്നതാണ് എന്നും ശ്രീ രാമചന്ദ്ര പിഷാരോടി പറഞ്ഞു.

അദ്ധ്യക്ഷ ഭാഷണത്തിൽ ശ്രീ വിനോദ് കൃഷ്ണൻ എല്ലാവർക്കും ഐശ്വര്യം നിറഞ്ഞ ഓണം ആശംസിച്ചു.

വടകുറുമ്പക്കാവ് ദേവസ്വം സെക്രട്ടറി ശ്രീ ഹരി പാടശ്ശേരി ഓണാഘോഷം നിലവിളക്ക് കൊളുത്തി ഉദ്‌ഘാടനം ചെയ്തു.കഴിഞ്ഞ വർഷം ക്ഷേത്രവുമായി സഹകരിച്ചു കൊണ്ട് പിഷാരോടി സമാജം നടത്തിയ മെഡിക്കൽ ക്യാമ്പ് എല്ലാ അർത്ഥത്തിലും വലിയ വിജയമായിരുന്നു എന്ന് ശ്രീ ഹരി പടാശ്ശേരി പറഞ്ഞു. ശ്രീ രാമചന്ദ്ര പിഷാരോടിയുടെ നേതൃത്വത്തിൽ വളരെ കൃത്യമായ ആസൂത്രത്തോടെ, പിഴവുകളില്ലാതെ നടന്ന അന്നത്തെ മെഡിക്കൽ ക്യാമ്പ് ക്ഷേത്രത്തിനും അഭിമാനമായി. ഒരുപാട് സന്തോഷത്തോടെ ഈ ഓണാഘോഷം ഉദ്ഘാടനം ചെയ്യുന്നതായും അറിയിച്ചു.

തുടർന്ന് ശ്രീ രാമചന്ദ്ര പിഷാരോടി ശ്രീ ഹരി പടാശ്ശേരിയെ പൊന്നാടയണിയിച്ച് ആദരിച്ചു.

84 വയസ്സ് തികഞ്ഞ വന്ദ്യ വയോധികൻ ശ്രീ എ. പി നാരായണ പിഷാരോടിയെ (കുട്ടപ്പേട്ടൻ)ശ്രീ മോഹനകൃഷ്ണൻ പൊന്നാടയണിയിച്ച് ആദരിച്ചു. ശ്രീ നാരായണ പിഷാരോടി സമുചിതമായി നന്ദി പറഞ്ഞു. തുടർന്ന് തൃശൂർ ശാഖയിലേക്ക് ശ്രീ എ. പി നാരായണ പിഷാരോടി 25000 രൂപ സംഭാവന ചെയ്തു. ശ്രീ എ. രാമചന്ദ്ര പിഷാരോടി ശാഖക്ക് വേണ്ടി ചെക്ക് ഏറ്റുവാങ്ങി.

ശാഖയുടെ വിദ്യാഭ്യാസ പുരസ്‌ക്കാരങ്ങൾ വിതരണം ചെയ്തു. പ്ലസ് ടു വിഭാഗത്തിൽ കുമാരി ഗായത്രി ശ്രീകുമാർ, കുമാരി ഡി സ്നേഹ, കുമാരി ദേവിക എസ് പിഷാരോടി എന്നിവരും എസ് എസ് എൽ സി വിഭാഗത്തിൽ കുമാരി ദേവിക ഹരികൃഷ്ണൻ, കുമാരി ശ്രേയ അരവിന്ദ്, കുമാരി പവിത്ര വി ജെ എന്നിവരും പുരസ്‌ക്കാരങ്ങൾ ഏറ്റുവാങ്ങി. സർവ്വശ്രീ ഹരി പടാശ്ശേരി, കെ പി ബാലകൃഷ്ണ പിഷാരോടി, മോഹനകൃഷ്ണൻ, വിനോദ് കൃഷ്ണൻ, എ പി ജയദേവൻ എന്നിവർ പുരസ്‌ക്കാരങ്ങൾ വിതരണം ചെയ്തു. സമാജം മുൻ ജനറൽ സെക്രട്ടറിയും പ്രസിഡണ്ടുമായ ശ്രീ കെ പി ബാലകൃഷ്ണ പിഷാരോടി ആശംസകൾ നേർന്നു. മുൻ ജനറൽ സെക്രട്ടറി ശ്രീ കെ പി ഹരികൃഷ്ണൻ നന്ദി പറഞ്ഞതോടെ ആദ്യ ഘട്ടം അവസാനിച്ചു.

തുടർന്ന് വനിതാവിഭാഗത്തിന്റെ നേതൃത്വത്തിൽ കലാ പരിപാടികൾ. കുമാരി ശ്രവണ ബാബു, ശ്രീ ജിതിൻ ഗോപൻ എന്നിവർ പ്രോഗ്രാം അവതാരകരായി എത്തിയ കലാ പരിപാടികൾ പ്രസിദ്ധ പിന്നണി ഗായികയും റാപ്പ് സംഗീതജ്ഞയും ചെറിയ കുട്ടികൾക്ക് പ്രചോദനവും അറിവും നൽകുന്ന കൊച്ചു കവിതകളുടെ ആലാപനത്തിലൂടെ ഇന്നേറെ ശ്രദ്ധേയയുമായ ശ്രീമതി ഇന്ദുലേഖ വാര്യർ ഉദ്ഘാടനം ചെയ്തു.

ഓണം എന്നത് ഒരുമയുടെ ആഘോഷമാണെന്നും ഒരുമയുള്ളിടത്ത് എന്നും ഓണമാണെന്നും ഉദ്ഘാടന ഭാഷണത്തിൽ ശ്രീമതി ഇന്ദുലേഖ പറഞ്ഞു. ഈ ഓണം എന്റെ കുടുംബത്തിൽ നടക്കുന്ന ഓണം പോലെയാണ് എനിക്ക് തോന്നുന്നത്. തുടർന്ന് ഏറെ ശ്രദ്ധിക്കപ്പെട്ടിട്ടുള്ള റാപ്പ് ഗാനമടക്കം കുറച്ചു ഗാനങ്ങൾ അവർ ആലപിച്ചു.ശ്രീ മോഹനകൃഷ്ണൻ ശ്രീമതി ഇന്ദുലേഖ വാര്യർക്ക് ഓണപ്പുടവ നൽകി ആദരിച്ചു.

ശേഷം മുളകുന്നത്ത്കാവ് വനിതാവിഭാഗം അവതരിപ്പിച്ച തിരുവാതിരക്കളിയും തൃശൂർ വനിതാ വിഭാഗം അവതരിപ്പിച്ച സംഘ നൃത്തവുമടക്കം മുതിർന്നവരും കുട്ടികളും അവതരിപ്പിച്ച കലാപരിപാടികൾ ഒന്നിനൊന്നു മികച്ചു നിന്നു.

കലാപരിപാടികളിൽ പങ്കെടുത്തവർ-
ശ്രീമതിമാർ ഉഷ ശ്രീകുമാർ, ലക്ഷ്മി ദേവി വിനോദ്, രതി നാരായണൻ, സിന്ധു ഗോപാല കൃഷ്ണൻ, ശ്രുതി അരവിന്ദ്, ശ്രീദേവി പ്രവീൺകുമാർ, നളിനി ശ്രീജിത്ത്, കൃഷ്ണപ്രിയ ആനന്ദ്, ശോഭ പി, വിജയലക്ഷ്മി ടി പി, മിനി രവികുമാർ, പ്രഭ ഗോപി, ലതിക ഗൗരി അരവിന്ദൻ, ശ്യാമ വിനോദ്, രാധിക ശ്രീകുമാർ, രഞ്ജിനി ഗോപി, പ്രമീള രഘു, അഞ്ജു സുരേഷ്, ഐശ്വര്യ നവനീത്, അനിത ഹരികൃഷ്ണൻ, കുമാരിമാർ വൃന്ദാവനി, ഭവ്യ,ദീപിക, ശ്രിയ, ഗായത്രി, ഗായന്തിക, ദേവിക വിജയൻ, ദേവിദത്ത, സ്വാതി, ബാലേന്ദു, ആർദ്ര, ശ്രേയ, ദേവിക, പവിത്ര, ഗായത്രി ഗോപി, ഗായത്രി ശ്രീകുമാർ, ഭദ്ര, ഗൗരി, അനാമിക, മാസ്റ്റർ കാർത്തിക് എസ്, മാസ്റ്റർ ആദിമാധവ്, മാസ്റ്റർ ശ്രീഹരി, മാസ്റ്റർ ദേവ നാരായണൻ, മാസ്റ്റർ പ്രവിത്, മാസ്റ്റർ പ്രഥ്വിവ്, ശ്രീ ജി ആർ ഗോവിന്ദൻ, ശ്രീ എം സുരേഷ്, ശ്രീമതി മാലതി സോമൻ. കൂടാതെ കെ പി ബാലകൃഷ്ണ പിഷാരോടിയുടെ ചൂളമടിച്ചുള്ള ഗാനവും അരങ്ങേറി.

പ്രോഗ്രാം തുടക്കം മുതൽ അവസാനം വരെ സദസ്സിൽ ഉണ്ടായിരുന്നവരുടെ പേരുകൾ നറുക്കിട്ടെടുത്ത് അവരിൽ 3 പേർക്ക് ശ്രീ കെ പി ബാലകൃഷ്ണ പിഷാരോടിയും കുടുംബവും നൽകിയ പ്രത്യേക സമ്മാനങ്ങൾ അടക്കം വിവിധ പ്രോഗ്രാമുകളിൽ പങ്കെടുത്ത എല്ലാവർക്കും സമ്മാനങ്ങൾ നൽകി. ഓണസ്സദ്യയും ഒരുക്കിയിരുന്നു. പ്രോഗ്രാം കോർഡിനേറ്റർ ശ്രീ കെ. പി ഹരികൃഷ്ണൻ ഏവർക്കും നന്ദി പറഞ്ഞതോടെ 3 മണിക്ക് പരിപാടികൾ സമാപിച്ചു.

Click on the link below to view photos of the event in gallery

https://samajamphotogallery.blogspot.com/2024/09/2024_23.html

84 വയസ്സായവരെ തൃശൂർ ശാഖ ആദരിച്ചു.
—————-
എൺപത്തിനാല് വയസ്സിനും മീതെയുമുള്ളവരെ ആദരിക്കുന്നതിന്റെ ഭാഗമായി തൃശൂർ ശാഖ ഭാരവാഹികളായ ശ്രീ എ രാമചന്ദ്ര പിഷാരോടി, ശ്രീ വിനോദ്കൃഷ്ണൻ, ശ്രീ എ പി ജയദേവൻ, ശ്രീ ആർ പി രഘുനന്ദനൻ, ശ്രീമതി പി രാജലക്ഷ്മി രഘുനന്ദനൻ എന്നിവർ ചേർന്ന് ചെമ്പൂക്കാവ് ആനായത്ത് പിഷാരത്ത് ശ്രീമതി ലക്ഷ്മിക്കുട്ടി പിഷാരസ്യാർ (തങ്കം), ശ്രീ വേണുഗോപാല പിഷാരോടി (പെരുമ്പിലാവ് പിഷാരം) എന്നിവരെ അവരുടെ വസതിയിൽ എത്തി ആദരിച്ചു.

സെക്രട്ടറി