കേന്ദ്രീയ വിദ്യാലയ സംഘടൻ നടത്തിയ 35 മത് റീജിയണൽ ലെവൽ യൂത്ത് പാർലിമെന്റിൽ മികച്ച പാർലമെന്റേറിയൻ ആയി കുമാരി ശ്രേയ അരവിന്ദ് തിരഞ്ഞെടുക്കപ്പെട്ടു. തൃശൂർ ശാഖാ അംഗങ്ങളായ ശുകപുരത്ത് പിഷാരത്ത് അരവിന്ദന്റേയും(വെണ്ടയ്ക്ക വിലാസം സൂപ്പർമാർക്കറ്റ്, മുളകുന്നത്ത്കാവ്) വട്ടേനാട്ട് പിഷാരത്ത് ശ്രുതിയുടെയും മകളാണ് കേന്ദ്രീയ വിദ്യാലയ പുറനാട്ടുകര, തൃശൂരിലെ പ്ലസ് വൺ വിദ്യാർത്ഥിനിയായ ശ്രേയ. ശ്രേയക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 15+
"ശ്രേയ അരവിന്ദ് മികച്ച യൂത്ത് പാർലമെന്റേറിയൻ"Archives: News
News about Sakhas
ഇതിഹാസത്തിലെ വീരനും ധീരനുമായ ഒരു കഥാപാത്രത്തെ, കർണ്ണനെ, നാടകരൂപത്തിൽ അവതരിപ്പിച്ച് വിജയിപ്പിച്ചു കൊണ്ട് നന്ദു പിഷാരോടി. ആഗസ്ത് 19നു ചെമ്പൈ സംഗീത കോളേജിൽ നവരംഗ് അവതരിപ്പിച്ച കർണ്ണപർവ്വം എന്ന ഒരു മണിക്കൂർ നീണ്ട ഏക പാത്ര നാടകത്തിലൂടെയായിരുന്നു നന്ദു പിഷാരോടി തന്റെ അഭിനയത്തികവ് വീണ്ടും തെളിയിച്ചത്. കെ ഗോവിന്ദൻ രചിച്ച്, കണ്ണൻ പാലക്കാട് സംവിധാനം ചെയ്ത നാടകത്തിൽ കുന്തിയുടെ പ്രതിരൂപമായി യാദവും അരങ്ങിലെത്തി. പശ്ചാത്തലത്തിൽ, പിന്നരങ്ങിൽ അരങ്ങേറിയ തോൽപ്പാവ കൂത്ത് ഒരു വേറിട്ട അവതരണമായി. ഇതിനു മുമ്പ് ശിവപുരത്തെ വിശേഷങ്ങൾ എന്ന ഓഡിയോ നാടകവുമായി നന്ദു പിഷാരടി നമ്മെ അതിശയിപ്പിച്ചിട്ടുണ്ട്. അദ്ദേഹത്തെക്കുറിച്ചു കൂടുതലറിയാൻ മുമ്പ് പ്രസിദ്ധീകരിച്ച റിപ്പോർട്ട് വായിക്കാം. തിപ്പിലിശ്ശേരി പടിഞ്ഞാക്കര പിഷാരത്ത് നന്ദകുമാറിന്റെ പത്നി…
"കർണ്ണനായി തിളങ്ങി നന്ദു പിഷാരോടി"കോട്ടക്കൽ പ്രദീപ് രചിച്ച എട്ടാമത്തെ ആട്ടക്കഥ മഹാപ്രസ്ഥാനം കാറൽമണ്ണയിലെ അരങ്ങിലൂടെ കാണികളിലേക്കെത്തുകയാണ്.
വിശദമായ വാർത്ത വായിക്കാം .
ശ്രീ പ്രദീപിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !
പ്രദീപിനെക്കുറിച്ച് കൂടുതലറിയാൻ താഴെക്കാണുന്ന പേജ് വായിക്കുക,
4+
ഉത്തര രാമായണം കഥാകഥനത്തിന് ഇന്ന് ശ്രീരാമചന്ദ്രന്റെ മഹാപ്രസ്ഥാന കഥയോടെ ധന്യസമാപ്തിയായി. കർക്കടകം 32 നു, ഈ വർഷം മുതൽ ഇദം പ്രഥമമായി തുടങ്ങിയ ഉത്തര രാമായണ കഥാ ഭാഗങ്ങളിലൂടെയുള്ള ഒരു യാത്രയിൽ ഒന്നാം ദിവസം ശ്രീ കെ പി ഹരികൃഷ്ണൻ ശ്രീരാമ സന്നിധിയിലേക്ക് അഗസ്ത്യാദികളുടെ വരവ്, രാക്ഷസകുലോത്പത്തി, വൈശ്രവണൻ്റെ ഉത്ഭവം, യക്ഷരക്ഷസ്സുകളുടെ ഉത്ഭവം എന്നീ കഥകൾ വിശദമാക്കിപ്പറഞ്ഞു . രണ്ടാം ദിവസം ആചാര്യൻ ശ്രീ. രാജൻ രാഘവൻ മാലിവധം, രാവണാദികളുടെ ഉത്ഭവം, രാവണാദികളുടെ തപസ്സ് , രാവണാദികളുടെ വരലാഭം, പ്രഹസ്ത ദൗത്യം, കൈലാസോദ്ധാരണം എന്നീ ഭാഗങ്ങളാണ് വിവരിച്ചു തന്നത്. മൂന്നാം ദിവസം ശ്രീമതി സാവിത്രി നന്ദകുമാർ അനാരണ്യ ശാപം, രാവണ ബന്ധനം, രാവണ മോചനം, നാരദയമ…
"രാമായണ കഥാകഥനത്തിന് ഇന്ന് ധന്യസമാപ്തി"
2024 വർഷത്തെ ആലുവ എടത്തല പഞ്ചായത്തിലെ മികച്ച നെൽ കർഷകനുള്ള അവാർഡിന് ശ്രീ സന്തോഷ് പിഷാരടി മുക്കോട്ടിൽ അർഹനായി. എറണാകുളം മുക്കോട്ടിൽ തെക്കേ പിഷാരത്ത് പരേതനായ ശ്രീധരപിഷാരടിയുടെയും ആറ്റൂർ പിഷാരത്ത് പരേതയായ ദേവി പിഷാരസ്യാരുടെയും മകനാണ് BSNL നിന്നും സബ് ഡിവിഷണൽ എൻജിനീയറായി വിരമിച്ച എറണാകുളം ശാഖാ അംഗമായ ശ്രീ സന്തോഷ് പിഷാരടി. ഭാര്യ : കൊണ്ടയൂർ പിഷാരത്ത് സുജയ മക്കൾ : ഐശ്വര്യ അശ്വതി മരുമകൻ : ആനന്ദ് ശ്രീ സന്തോഷിന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 8+
"സന്തോഷ് പിഷാരടി മുക്കോട്ടിൽ മികച്ച നെൽ കർഷകൻ"
അദ്ധ്യാത്മ രാമായണപാരായണത്തിന്റെ തുടർച്ചയെന്നോണം ഉത്തര രാമായണം കിളിപ്പാട്ടിനെ ആസ്പദമാക്കിയുള്ള കഥാകഥനം ഇന്ന് കർക്കടകം 32നു 8 PM മുതൽ ആരംഭിക്കുന്നു. ഇന്നലെ കർക്കടകം 31നു(15-08-2024) വൈകീട്ട് പാരായണത്തിന്റെ അവസാന ദിന പാരായണവും സമർപ്പണവും തൃശൂരിലുള്ള പിഷാരോടി സമാജം ആസ്ഥാന മന്ദിരത്തിൽ വെച്ച് നടന്നു. ആചാര്യൻ ശ്രീ രാജൻ രാഘവൻ, ശ്രീ കെ പി ഹരികൃഷ്ണൻ, ജന. സെക്രട്ടറി കെ പി ഗോപകുമാർ തുടങ്ങിയർ ചടങ്ങിന് നേതൃത്വം നൽകി. വൈകീട്ട് 6.30നു ജന. സെക്രട്ടറി ശ്രീ കെ പി ഗോപകുമാർ സമർപ്പണ ചടങ്ങ് ഉദ്‌ഘാടനം ചെയ്തു. തുടർന്ന് ദേവിക, ഗോവിന്ദ് ഹരികൃഷ്ണൻ തുടങ്ങിയവരുടെ പ്രാർത്ഥനയോടെ തുടങ്ങി ശ്രീ അച്യുതൻ സി പി, ശ്രീമതി കെ പി അന്നലക്ഷ്മി…
"ഉത്തര രാമായണം കഥാകഥനം"
പിഷാരോടി സമാജം തൃശൂർ കേന്ദ്ര ആസ്ഥാന മന്ദിരത്തിൽ സ്വാതന്ത്ര്യ ദിനത്തോടനുബന്ധിച്ച് ദേശീയ പതാകയുയർത്തുകയും പതാകാ വന്ദനം നടത്തുകയും ചെയ്തു.
കേന്ദ്ര പ്രസിഡണ്ട് ശ്രീ ആർ ഹരികൃഷ്ണ പിഷാരോടി, ജന. സെക്രട്ടറി ശ്രീ കെ പി ഗോപകുമാർ, കേന്ദ്ര- ശാഖാ ഭരണസമിതിയംഗങ്ങൾ എന്നിവർ പങ്കെടുത്തു.
തുടർന്ന് പിഷാരോടി സമാജം, പിഷാരോടി എഡ്യൂക്കേഷണൽ & വെൽഫെയർ സൊസൈറ്റി,പിഷാരോടി പിൽഗ്രിമേജ് & ടൂറിസം ഡെവലപ്പ്മന്റ് ട്രസ്റ്റ്‌, തുളസീദളം എന്നിവയുടെ സംയുക്ത നിർവ്വാഹക സമിതി, കേന്ദ്ര പ്രവർത്തക സമിതി സംയുക്ത യോഗവും നടന്നു.
2+
ജൈവ പച്ചക്കറി കൃഷിയെ പ്രോത്സാഹിപ്പിക്കാൻ ശ്രീകൃഷ്ണപുരം ബ്ലോക്ക് പഞ്ചായത്ത് വർഷാ വർഷവും നൽകി വരുന്ന ജൈവ പച്ചക്കറി കർഷക പുരസ്കാരം ഈ വർഷം (2024) ശുകപുരത്ത് പിഷാരത്ത് ശ്രീമതി സരസ്വതി വേണുഗോപാലിന് ലഭിച്ചു.
കഴിഞ്ഞ വർഷം (2023) ശ്രീകൃഷ്ണപുരം പഞ്ചായത്ത് അടിസ്ഥാനത്തിൽ ഏറ്റവും നല്ല ജൈവ കർഷക പുരസ്കാരം ലഭിച്ചതും ശ്രീമതി സരസ്വതിക്കായിരുന്നു.
ഭർത്താവ് ശ്രീ എരിങ്ങോട്ട് തൃക്കോവിൽ പിഷാരത്ത് വേണുഗോപാലൻ. മക്കൾ ശ്രീമതി സിത്താര വേണുഗോപാൽ, ശ്രീമതി ശ്വേത വേണുഗോപാൽ (കേരള സാരീസ്). മരുമക്കൾ ശ്രീ രാഹുൽ വിജയൻ (അപ്പംകളം പിഷാരം),ശ്രീ വി പി മനോജ്‌ കൃഷ്ണൻ (പെരിങ്ങോട് വടക്കേ പിഷാരം, കേരള സാരീസ്)
കോങ്ങാട് ശാഖ അംഗം കൂടിയായ ശ്രീമതി സരസ്വതി വേണുഗോപാലിന് പിഷാരടി സമാജം, തുളസീദളം, വെബ് സൈറ്റ് എന്നിവയുടെ അഭിനന്ദനങ്ങൾ!
7+
താളവാദ്യങ്ങളിലെ സമഗ്ര സംഭാവനകൾ മുൻനിർത്തി എല്ലാ വർഷവും നല്കി വരാറുള്ള ‘ ശിവപാലതാളം‘ (ലിംക ബുക്സ് നാഷണൽ റെക്കോർഡ് ) അവാർഡിന് ഈ വർഷം പ്രശസ്ത മൃദംഗ വിദ്വാൻ ശ്രീ . പാലക്കാട് ജയകൃഷ്ണൻ അർഹനായി. 2024 ആഗസ്ത് 15 ന് രാവിലെ 10 മണിക്ക് മുഴക്കുന്ന് ശ്രീ മൃദംഗശൈലേശ്വരി ക്ഷേത്രത്തിൽ വച്ച് നടക്കുന്ന ചടങ്ങിൽ വച്ച് പുരസ്കാരം ക്ഷേത്രം എക്സിക്യൂട്ടീവ് ഓഫീസർ ശ്രീ എം. മനോഹരൻ സമ്മാനിക്കും.
മൃദംഗ വിദ്വാൻ തിരുവനന്തപുരം വിജയകുമാർ, ഹരിമോഹനൻ കെ.എസ്, രാജേഷ് തൃക്കരിപ്പൂർ, സംഗീതജ്ഞൻ കെ വി എസ് ബാബു, പ്രോഗ്രാം കോഡിനേറ്റർ മനോജ്‌ എന്നിവരടങ്ങിയ പുരസ്‌കാര നിർണ്ണയ സമിതിയാണ് അവാർഡ് ജേതാവിനെ നിശ്ചയിച്ചത്. ശില്പം, പൊന്നാട, പ്രശസ്തിപത്രം എന്നിവ ഉൾപ്പെടുന്നതാണ് പുരസ്കാരം.
പാലക്കാട് ആർ ശേഷാമണി,പാലക്കാട് ടി ആർ രാജമണി എന്നിവരുടെ ശിഷ്യനായ ഡോ. പാലക്കാട് കെ ജയകൃഷ്ണൻ തൃശ്ശൂർ ആകാശവാണിയിലെ സീനിയർ ഗ്രേഡ് സ്റ്റാഫ്‌ ആർട്ടിസ്റ്റാണ്. കേരള സംഗീത നാടക ആക്കാദമി അവാർഡ്, കേരള കലാമണ്ഡലം അവാർഡ്, കാഞ്ചി കാമ കോടി പീഠം ആസ്ഥാന വിദ്വാൻ എന്നിവ ഉൾപ്പെടെ നിരവധി പുരസ്‌കാരങ്ങൾ ലഭിച്ചിട്ടുള്ള ഡോ. പാലക്കാട് കെ ജയകൃഷ്ണന് ആകാശവാണി-ദൂരദർശൻ അംഗീകൃത കലാകാരന്മാരായ മുപ്പത്തഞ്ചോളം ശിഷ്യന്മാരുണ്ട്.
ശ്രീ ജയകൃഷ്ണന് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ !
1+
സുപ്രസിദ്ധ കഥകളി കലാകാരനും അദ്ധ്യാപകനുമായ ശ്രീ ആർ എൽ വി ദാമോദര പിഷാരോടിയുടെ ശതാഭിഷേകം ആഗസ്ത് 10 ശനിയാഴ്‌ച തൃപ്പൂണിത്തുറ കളിക്കോട്ട പാലസിൽ വെച്ച് ശിഷ്യരും കുടുംബാംഗങ്ങളും സുഹൃത്തുക്കളും ചേർന്ന് വിവിധ പരിപാടികളോടെ സമുചിതമായി ആഘോഷിക്കുന്നു. പരിപാടികളുടെ വിവരണം താഴെക്കൊടുക്കുന്ന നോട്ടീസിലുണ്ട്. പിഷാരോടി സമാജം ശ്രീ ദാമോദര പിഷാരോടിക്ക് പിറന്നാളാശംസകൾ നേരുന്നതിനോടൊപ്പം അദ്ദേഹത്തിന്റെ ആയുരാരോഗ്യ സൗഖ്യത്തിനായി പ്രാർത്ഥിക്കുകയും ചെയ്യുന്നു. 2+
"സാമോദദാമോദരം"
Recent Comments