Archives: News

News about Sakhas

ശ്രീപ്രകാശ് ഒറ്റപ്പാലം രചിച്ച അഞ്ചാമത്തെ പുസ്തകമായ ” രാക്കിനാക്കൾ “എന്ന കവിത സമാഹാരം ഒറ്റപ്പാലം മുൻ എം.എൽ.എ. എം ഹംസ ഒറ്റപ്പാലം നഗരസഭ വൈസ് ചെയർമാൻ രാജേഷിന് നൽകിക്കൊണ്ട് പ്രകാശനം നിർവ്വഹിച്ചു. യോഗത്തിൽ ശ്രീ സുകുമാരൻ അദ്ധ്യക്ഷനായി. സായി കിരൺ സ്വാഗതവും കുമാരൻ നന്ദിയും പറഞ്ഞു.

ഇതിനു മുമ്പ് പ്രസിദ്ധീകരിച്ച കൃതികൾ: “ആനച്ചൂര്‌”, “ക്ഷമിക്കണം പങ്കജാക്ഷിയമ്മ പ്രതികരിക്കുന്നില്ല”, “വെങ്കെടേശ്വര ബ്രാഹ്മിൻ റെസ്റ്റോറന്റ്‌”, “ഓൻ ഞമ്മന്റാളാ” തുടങ്ങിയ നാലോളം കഥാസമാഹാരങ്ങൾ.

നിലമ്പൂർ ചക്കാലത്ത്‌ ജീവൻ പ്രകാശ്‌ പിഷാരത്തെ ലക്ഷ്മിക്കുട്ടി ഭരത പിഷാരോടി ദമ്പതിമാരുടെ പുത്രനായി 14-12-1958 ൽ ജനനം .

ഭാര്യ: വൽസല ത്രിവിക്രമപുരം . മക്കൾ: അരുൺ, അനു.

ശ്രീപ്രകാശിനു അനുമോദനങ്ങൾ!

 

5+

കൃഷ്ണപുരത്ത് മുരളിക്ക് ഭദ്രപ്രിയ പുരസ്‌കാരം

ചെമ്മലശ്ശേരി കിളിക്കുന്നുകാവ് ആലിക്കൽ ഭഗവതി ക്ഷേത്രം ഏർപ്പെടുത്തിയ ഭദ്രപ്രിയ പുരസ്‌കാരം പ്രശസ്ത ഓട്ടൻ തുള്ളൽ കലാകാരൻ കൃഷ്ണപുരത്ത് മുരളിക്ക് ലഭിച്ചിരിക്കുന്നു. 07-04-2024 നു വൈകീട്ട് 4.30 നു കിളിക്കുന്നുകാവ് ദേവീപ്രസാദം ഓഡിറ്റോറിയത്തിൽ വെച്ച് നടക്കുന്ന ചടങ്ങിൽ കോഴിക്കോട് സാമൂതിരി രാജാവിന്റെ പ്രതിനിധി ഗോവിന്ദ് ചന്ദ്രശേഖർ പുരസ്‌കാര സമർപ്പണം നിർവ്വഹിക്കും. ശ്രീ കെ പി മുരളി പിഷാരോടി സമാജം കേന്ദ്ര വൈസ് പ്രസിഡണ്ടും മഞ്ചേരി ശാഖാ സെക്രട്ടറിയുമാണ്. ശ്രീ കൃഷ്ണപുരത്ത് മുരളിക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ ! 18+

"കൃഷ്ണപുരത്ത് മുരളിക്ക് ഭദ്രപ്രിയ പുരസ്‌കാരം"

ജി പി നാരായണൻ കുട്ടിയുടെ നാരായണീയ വ്യാഖ്യാനത്തിന് അർണ്ണോസ് പാതിരി ചരമ വാർഷികത്തിൽ ആദര പുരസ്കാരം

ശ്രീ ജി പി നാരായണൻ കുട്ടിയുടെ നാരായണീയ വ്യാഖ്യാനത്തിന് അർണ്ണോസ് പാതിരി ചരമ വാർഷികത്തിൽ ആദര പുരസ്കാരം ലഭിച്ചു. മേൽപ്പത്തൂരിന്റെ നാരായണീയത്തിന് ആർക്കും എളുപ്പം മനസ്സിലാക്കി ചൊല്ലാവുന്ന രീതിയിൽ വളരെ ലളിതമായി വ്യാഖ്യാനം നൽകി പ്രസിദ്ധീകരിച്ച ശ്രീ ജി പി നാരായണൻ കുട്ടിയെ അർണ്ണോസ് പാതിരിയുടെ 292 മത് ചരമ വാർഷികത്തിൽ വേലൂർ അർണ്ണോസ് പാതിരി അക്കാദമി, കേരള സാഹിത്യ അക്കാദമി, കൊട്ടേക്കാട് യുവജന കലാ സ്മിതി എന്നിവയുടെ ആഭിമുഖ്യത്തിൽ കൊട്ടേക്കാട് ഫൊറോനാ പള്ളിയിൽ വെച്ച് സംഘടിപ്പിച്ച ചടങ്ങിൽ വെച്ച് പുരസ്കാരം നൽകി ആദരിച്ചു. 24/3/24 ന് നടന്ന തൃശൂർ ശാഖ പ്രതിമാസ യോഗത്തിൽ ശ്രീ സി പി അച്യുതൻ ആണ് ഈ വിവരം യോഗത്തെ…

"ജി പി നാരായണൻ കുട്ടിയുടെ നാരായണീയ വ്യാഖ്യാനത്തിന് അർണ്ണോസ് പാതിരി ചരമ വാർഷികത്തിൽ ആദര പുരസ്കാരം"

ഡോ. വിനോദ് കുമാർ & ടീമിന് കോർ റിസർച്ച് ഗ്രാന്റ്

ഡോ. വിനോദ് കുമാർ നേതൃത്വം നൽകുന്ന രാജഗിരി സ്‌കൂൾ ഓഫ് എഞ്ചിനീയറിംഗ് ആൻഡ് ടെക്നോളജി ടീമിന് കേന്ദ്ര ഗവണ്മെന്റിന്റെ ഡിപ്പാർട്മെന്റ് ഓഫ് സയൻസ് & ടെക്നോളജിയ്ക്ക് കീഴിലുള്ള സയൻസ് ആൻഡ് എഞ്ചിനീയറിംഗ് റിസർച്ച് ബോർഡിന്റെ കോർ റിസർച്ച് ഗ്രാന്റ് ലഭിച്ചു. Dynamic topology, Persistent landscapes and Persistent Homology – A method to analyze topological features of dynamic data and application to Brain networks എന്ന വിഷയത്തിൽ ഗവേഷണം നടത്തുന്നതിനാണ് 33 ലക്ഷം രൂപ അനുവദിച്ചത്. കാക്കനാട് രാജഗിരി എഞ്ചിനീയറിംഗ് കോളേജിൽ ഗണിത ശാസ്ത്ര വിഭാഗത്തിൽ പ്രൊഫസറും, പോസ്റ്റ്‌ ഗ്രാജുവേറ്റ് ഡീനും, കൺട്രോളർ ഓഫ് എക്സാമിനേഷൻസും ആണ് ഡോ.…

"ഡോ. വിനോദ് കുമാർ & ടീമിന് കോർ റിസർച്ച് ഗ്രാന്റ്"

വിവിധ ജീവിത സാഹചര്യങ്ങൾ മൂലം പഠനം നിർത്തേണ്ടി വന്നിട്ടും പഠിക്കാനുള്ള ആഗ്രഹം ഉപേക്ഷിക്കാതെ ഇരിങ്ങോട്ട് തൃക്കോവിൽ പിഷാരത്ത് ശ്രീമതി നളിനി പിഷാരസ്യാർ വിദൂര വിദ്യാഭ്യാസത്തിലൂടെ മലയാളത്തിൽ കാലിക്കറ്റ് സർവ്വകലാശാലയിൽ നിന്നും ബിരുദം നേടി. നിലവിൽ സ്വകാര്യ സ്ഥാപനത്തിൽ ജോലി ചെയ്യുന്ന ശ്രീമതി നളിനിക്ക് പൂർണ്ണ പിന്തുണയുമായി ഭർത്താവായ പോർക്കുളം പുതുമനശ്ശേരി പിഷാരത്ത് ശ്രീ ശ്രീകുമാർ പിഷാരടിയും മക്കളായ ശ്രീനിത്തും ശ്രീജിത്തുമുണ്ട്.

ഇരിങ്ങാട്ടിരി വീട്ടിക്കുന്ന് ചെറുകര കളത്തിൽ പരേതനായ രാജനുണ്ണിയുടെയും ഇരിങ്ങോട്ട് തൃക്കോവിൽ പിഷാരത്ത് ലക്ഷ്മിക്കുട്ടി പിഷാരസ്യാരുടെയും മകളാണ് നളിനി.

ഗുരുവായൂർ ശാഖാംഗമായ നളിനിക്ക് പിഷാരോടി സമാജത്തിന്റെയും വെബ് സൈറ്റിന്റേയും തുളസീദളത്തിന്റെയും അഭിനന്ദനങ്ങൾ!

20+

കാർത്തിക എസ് പിഷാരോടിക്ക് കേരള നടനത്തിൽ ഒന്നാം റാങ്ക്

കേരള നടനത്തിന്റെ ഈറ്റില്ലമായ ഗുരു ഗോപിനാഥ് നടനഗ്രാമത്തിൽ നിന്നും കേരള നടനം കോഴ്സ് ഒന്നാം റാങ്കിൽ വിജയിച്ചു കൊണ്ട് കാർത്തിക എസ് പിഷാരോടി നൃത്തോപാസന പാതയിൽ ഒരു പൊൻതൂവൽ കൂടി ചാർത്തിയിരിക്കുന്നു. മാങ്കുറ്റിപ്പാടം തെക്കേ പിഷാരത്ത് കാർത്തിക ഭർത്താവ് ഗിരീഷും മക്കളായ ദേവർഷും, ദേവശ്രീയുമൊത്ത് പോട്ട പിഷാരത്ത് താമസം. അച്ഛൻ : മാങ്കുറ്റിപ്പാടത്ത് പിഷാരത്ത് ശക്തിധരൻ, അമ്മ: ജയ ശക്തിധരൻ, മാങ്കുറ്റിപ്പാടം തെക്കേ പിഷാരം ഇരിഞ്ഞാലക്കുട ഭരത് വിദ്യുത് മണ്ഡൽ കല ഗോകുൽദാസാണ് മോഹിനിയാട്ടം, കുച്ചിപുടി എന്നിവയിൽ ഗുരു. പ്രാചീൻ കലാ കേന്ദ്രയിൽ നിന്നും ഭരതനാട്യം കോഴ്സും പൂർത്തീകരിച്ചിട്ടുണ്ട്. ചാലക്കുടി പോട്ട പാമ്പാമ്പോട്ട് ക്ഷേത്രത്തിന് സമീപം സ്വന്തമായി നടത്തുന്ന ദേവാംഗന നാട്യഗൃഹത്തിലും മറ്റു വിവിധ സ്ഥലങ്ങളിലും…

"കാർത്തിക എസ് പിഷാരോടിക്ക് കേരള നടനത്തിൽ ഒന്നാം റാങ്ക്"

ഈയിടെ കാനഡയിൽ വച്ച് അന്തരിച്ച പിഷാരോടി സമാജം മുൻ ജനറൽ സെക്രട്ടറി സി ആർ പിഷാരോടിയുടെ പിണ്ഡം സമരാധനാദി മരണാനന്തര ക്രിയകൾ വളരെ ഭംഗിയായി കാനഡയിൽ അദ്ദേഹത്തിന്റെ മകളുടെ വസതിയിൽ വച്ച് നടന്നു.

ഇതിൽ ഏറ്റവും വലിയ പ്രത്യേകത സി ആർ പിഷാരോടിയുടെ കുടുംബാംഗങ്ങളുടെ ആഗ്രഹപ്രകാരം ഇവിടെ നടത്തുന്ന രീതിയിൽ തന്നെ എല്ലാ ചടങ്ങുകളും കാനഡയിൽ വച്ചും നടത്താൻ കഴിഞ്ഞു എന്നതാണ്.

ഗുരുവായൂർ മുൻ മേൽശാന്തിയും കാനഡ ഒൻ്റാറിയോയിലെ ഗുരുവായൂരപ്പൻ ക്ഷേത്രം തന്ത്രിയുമായ ബ്രഹ്മശ്രീ കരിയന്നൂർ ദിവാകരൻ നമ്പൂതിരി, പിഷാരോടിമാരുടെ ചടങ്ങുകളും പൂജാവിധികളും നമ്മുടെ ചടങ്ങുഗ്രന്ഥം നോക്കി മനസ്സിലാക്കുകയും ആചാര്യനായിരുന്ന് പറഞ്ഞുകൊടുത്ത് ചെയ്യിപ്പിക്കുകയുമായിരുന്നു.

താന്ത്രിക ആചാര്യനായ അദ്ദേഹത്തോട് നമ്മുടെ പൂജാവിധികളെക്കുറിച്ചും പിണ്ഡച്ചടങ്ങുകളെക്കുറിച്ചും ഫോണിലൂടെ വിശദമായി ചർച്ച ചെയ്യാനുള്ള അവസരം ഉണ്ടായത് വലിയ ഭാഗ്യമായി കണക്കാക്കുന്നു.

ശ്രീ സി ആർ പിഷാരോടിയുടെ പത്നി രാധച്ചേച്ചി, മകൾ രഞ്ജിനി, മരുമകൻ ശ്രീ ഉണ്ണികൃഷ്ണൻ ( കണ്ണേട്ടൻ) എന്നിവരുടെ താല്പര്യവും പരിശ്രമവും കാനഡയിലുള്ള നമ്മുടെ ബന്ധുജനങ്ങളുടെ ഉത്സാഹവും സഹകരണങ്ങളും കരിയന്നൂർ ദിവാകരൻ നമ്പൂതിരിയുടെ അകമഴിഞ്ഞ സഹായവും കൊണ്ടാണ് വിദേശത്ത് ഇത്ര ഭംഗിയായി ചടങ്ങുകൾ നടത്താൻ കഴിഞ്ഞത്. അതിൽ ചെറിയൊരു ഭാഗമാവാൻ കഴിഞ്ഞതിൽ എനിക്കും അതിയായ ചാരിതാർത്ഥ്യമുണ്ട്.

ഇത് നമ്മുടെ ചടങ്ങുകളോട് താല്പര്യമുള്ള ഏവർക്കും മാതൃകയും പ്രചോദനവും ആവും എന്ന് വിശ്വസിക്കുന്നു.

കെ പി ഹരികൃഷ്ണൻ

 

9+

ഗായിക പ്രീത രാമചന്ദ്രൻ ചലച്ചിത്ര പിന്നണി ഗാനരംഗത്തേക്ക്

ചലച്ചിത്ര പിന്നണിഗാന രംഗത്തേക്ക് പ്രീത രാമചന്ദ്രന്റെ ആദ്യ കാൽവെയ്പ് “മമ്മി സെഞ്ച്വറി” നിർമ്മിക്കുന്ന “കാഡ്ബറീസ് ” എന്ന സിനിമയിലൂടെ. സിനിമയിൽ പ്രീത പാടിയ പാട്ടിന്റെ ഓഡിയോ launching മാർച്ച് 3 2024 നു എറണാകുളം ഗോകുലം പാർക്കിൽ വെച്ച് നടന്നു. ഈ ഗാനവും മറ്റു സംഗീത പരിപാടികളും പരിഗണിച്ചു സംഗീത രംഗത്തെ മികവിനു “ദേശീയ കലാ സംസ്കൃതി ” നൽകുന്ന പുരസ്കാരത്തിനും പ്രീത അർഹയായി. എറണാകുളത്തു വെച്ച് നടന്ന പ്രസ്തുത ഓഡിയോ ലോഞ്ച് ചടങ്ങിൽ വെച്ച് പ്രശസ്ത സിനിമ സംവിധായകൻ ശ്രീ. വിനയൻ പുരസ്‌കാരം പ്രീതക്കു നൽകി. മമ്മി സെഞ്ച്വറി നിർമ്മാണവും, സംവിധാനവും നിർവ്വഹിക്കുന്ന ഈ ചിത്രത്തിൽ ഒരു കോളേജ് പ്രൊഫസറുടെ റോളിൽ പ്രീതയുടെ ഭർത്താവ്…

"ഗായിക പ്രീത രാമചന്ദ്രൻ ചലച്ചിത്ര പിന്നണി ഗാനരംഗത്തേക്ക്"

Ms. Bhavini Krishnan secured 1st Rank with Gold Medal in M.Sc. (Biotechnology), Shri Baljit Shastri Award for the Best Student in Human and Traditional Value and Dr. Ashok K. Chouhan Scholarship Award, from AMITY University, Mumbai.

She received the awards at the hands of Dr. S. Somnath, Chairman, ISRO on the occasion of Convocation of the AMITY University held at Shanmukhananda Hall, Mumbai on 29-02-2024.

She is daughter of Mrs. Sujatha and Late Krishnan M, Chennai and Granddaughter of Shri. Adv. N. V. Kesavan, Naduvil Thekke Veedu Pisharam, Cherukunnu and Smt. Usha.

Pisharody Samajam, Website and Thulaseedalam congratulate her on this special achievement.

12+